સત્ર / PM મોદીએ બોલાવી 19 જૂને સર્વપક્ષીય બેઠક, 'એક રાષ્ટ્ર એક ચૂંટણી' પર થશે ચર્ચા

પીએમ મોદીએ કહ્યું કે લોકસભામાં આ વખતે ઘણા નવા ચહેરા છે. નીચલા ગૃહનું પહેલું સત્ર નવા ઉત્સાહ અને વિચાર સાથે શરૂ થવું જોઇએ. બેઠક બાદ મીડિયાને સંબોધિત કરતા સંસદીય કાર્ય મંત્રી પ્રહલાદ જોશીએ કહ્યું કે વડાપ્રધાને તમામ પાર્ટીના નેતાઓને આ વિશે આત્મનિરીક્ષણ કરવાનો અનુરોધ કર્યો છે. 

એમણે કહ્યું કે, પીએમ મોદીએ સૂચન કર્યું છે કે, સંસદ સભ્ય જન પ્રિતિનિધિ તરીકે લોકોની આકાંક્ષાઓ પૂર્ણ કરવામાં સક્ષમ બને. 16મી લોકસભાના અંતિમ બે વર્ષ બેકાર જવાના વિષય પર વિચાર કરવો જોઇએ.

સંસદના પ્રત્યેક સત્રની શરૂઆતથી જ પહેલા તેના સુગમ કામકાજ જોતા સર્વપક્ષીય બેઠકની પરંપરા રહી છે. મોદીએ એ તમામ પાર્ટીના અધ્યક્ષોને 19 જૂને યોજાનારી બેઠકમાં આમંત્રિત કર્યા છે. જેમના લોકસભા અને રાજ્યસભામાં સભ્ય હોય. 

જોશીએ કહ્યું કે, 'એક રાષ્ટ્ર, એક ચૂંટણી' મુદ્દે પર, 2022માં ભારતન આઝાદીના 75 વર્ષ પૂર્ણ થવા અને મહાત્મા ગાંધીના 150મી જયંતીના વર્ષના વિષય પર ચર્ચા કરવા માટે બેઠક બોલાવવામાં આવી છે. એમણે કહ્યું કે ત્યાર બાદ લોકસભા અને રાજ્યસભાના તમામ સાંસદોની સાથે 20 જૂને રાત્રિ ભોજન પર બેઠક થશે. જેમા તમામ સરકાર સાથે મુક્ત સંવાદ કરવામાં આવશે.