વડાપ્રધાન નરેન્દ્ર મોદીએ સોમવારે ટોક્યો ઓલિમ્પિકમાં સામેલ થયેલા ખેલાડીઓ સાથે મુલાકાત કરી અને તેમની સાથે નાસ્તો કર્યો. આ દરમ્યાન વડાપ્રધાન મોદીએ ટોક્યોમાં ગોલ્ડ જીતનાર નીરજ ચોપડા સાથે ચુરમુ ખાધુ.
ઓલિમ્પિક ખેલાડીઓ સાથે વડાપ્રધાન નરેન્દ્ર મોદીની પાર્ટી
વડાપ્રધાને બેડમિન્ટન સ્ટાર પીવી સિંધુની સાથે ઉભા રહીને આઈસ્ક્રીમ ખાધો. ટોક્યોમાંથી જ્યારે નીરજ ચોપડા પરત આવ્યાં હતા ત્યારે રમત ગમત પ્રધાન અનુરાગ ઠાકુરે વચન આપ્યું હતું કે વડાપ્રધાન મોદી તેમને ચુરમુ ખવડાવશે. તો વડાપ્રધાન મોદીએ ઓલિમ્પિકમાં જતા પહેલા સિંધુને વચન આપ્યુ હતુ કે જ્યારે તમે ટોક્યોથી પાછા આવશો ત્યારે તમારી સાથે આઈસ્ક્રીમ ખઈશ. વડાપ્રધાને આ બંને વચનોને આજે પૂર્ણ કર્યા છે.
ઓલિમ્પિક ખેલાડીઓના સન્માનમાં રખાયો કાર્યક્રમ
ઓલિમ્પિક ખેલાડીઓના સન્માનમાં સોમવારે વડાપ્રધાનના સત્તાવાર નિવાસ 7 લોકકલ્યાણ માર્ગ પર એક ખાસ કાર્યક્રમ રાખવામાં આવ્યો હતો. જેમાં વડાપ્રધાન મોદીએ ખેલાડીઓ સાથે નાસ્તો કર્યો હતો. આ દરમ્યાન વડાપ્રધાને ટોક્યોથી ગોલ્ડ જીતીને આવેલા નીરજ ચોપડા સાથે થોડી વાતચીત કરી.
આ સાથે તેમણે પીવી સિંધુ સાથે પણ વાતચીત કરી. આ સિવાય વડાપ્રધાને રવિ દહિયા, દીપક પુનિયા સહિત અમુક ખેલાડીઓ સાથે વાતચીત કરી અને તસ્વીરો ખેંચાવી હતી. વડાપ્રધાને ટેબલ પર જઈને ખેલાડીઓ સાથે મુલાકાત કરી હતી.