પદ્મ શ્રી એવોર્ડ સમારોહ / VIDEO : જુનાગઢના પદ્મ શ્રી હીરબાઈને ઝૂકીને પ્રણામ કર્યાં PM મોદીએ, હાસ્ય સાથે 'મા'ની વાતોને તાળીઓથી વધાવી બધાએ

• ગુજરાતના સિદી સમાજના હીરબાઈ લોબીએ સ્વીકાર્યો પદ્મશ્રી એવોર્ડ
• રાષ્ટ્રપતિ ભવનમાં રાષ્ટ્રપતિ મુર્મૂએ આપ્યો પદ્મ શ્રી
• એવોર્ડ લેવા જતી વખતે પીએમ મોદીની સામે આવ્યાં
• પીએમ-અમિત શાહે ઝૂકીને કર્યાં પ્રણામ 

દિલ્હીમાં રાષ્ટ્રપતિ ભવનમાં યોજાયેલા પદ્મ પુરસ્કાર વિતરણ સમારોહમાં એક અનોખો નજારો જોવા મળ્યો હતો. હકીકતમાં ગુજરાતના જુનાગઢના સિદી કોમના હીરબાઈ ઈબ્રાઈમ લોબીને પણ પદ્મશ્રી પુરસ્કારની જાહેરાત થઈ હતી જે આજે રાષ્ટ્રપતિના હસ્તે અપાયો હતો જે લેવા માટે હીરબાઈ ઈબ્રાઈમ લોબી હાજર રહ્યાં હતા. 

#WATCH | Hailing from the Siddi tribe, Hirbai Ibrahim Lobi receives the Padma Shri award from President Droupadi Murmu. She works for the upliftment and development of the Siddi tribal community. pic.twitter.com/OBQy4Yh4ON

— ANI (@ANI) March 22, 2023

પદ્મશ્રી એવોર્ડ લેવા જતી વખતે એક અનોખો નજારો 
પદ્મશ્રી એવોર્ડ લેવા જતી વખતે એક અનોખો નજારો જોવા મળ્યો હતો.  હીરબાઈ ઈબ્રાઈમ લોબી એવોર્ડ લેવા માટે આગળ વધ્યાં પરંતુ તે પહેલા સામેની બેઠક પર આવીને ઊભા રહ્યાં, બેઠકમાં પીએમ મોદી, તેમની બાજુમાં લોકસભા અધ્યક્ષ ઓમ બીરલા, અમિત શાહ બેઠા હતા. 

#WATCH | Pandwani singer Usha Barle receives the Padma Shri from President Droupadi Murmu. pic.twitter.com/ndvwaBRCtD

— ANI (@ANI) March 22, 2023

પીએમ મોદીએ હીરબાઈને શીશ ઝુકાવીને પ્રણામ કર્યાં 
હીરબાઈને જોઈને પીએમ મોદીએ સૌથી પહેલા શીશ ઝુકાવીને તેમને પ્રણામ કર્યાં ત્યાર બાદ ઓમ બીરલા અને અમિત શાહે પણ પ્રણામ કર્યાં હતા. પીએમના પ્રણામ સ્વીકારતાં હીરબાઈએ સામા પ્રણામ કર્યાં હતા જે પછી તેઓ પીએમ સાથે વાતોએ વળગ્યાં હતા અને એવી વાતો કરી કે બધા હસી પડ્યાં હતા. પીએમ મોદી પણ તેમની વાતો શાંતિથી સાંભળતા રહ્યાં હતા.