સંપત્તિ / પ્રધાનમંત્રી નરેન્દ્ર મોદીએ બચત કરતા વધી સંપત્તિ, જાણો અમિત શાહની સંપત્તિ વધી કે ઘટી

• આ વર્ષે પ્રધાનમંત્રી નરેન્દ્ર મોદીની સંપત્તિ વધી
• અમિત શાહની સંપત્તિમાં ઘટાડો થયો
• PMOએ સંપત્તિ અંગે મેનિફેસ્ટો જાહેર કર્યો

પ્રધાનમંત્રી, ગૃહમંત્રી અને રક્ષામંત્રીની સંપત્તિ અંગે પ્રધાનમંત્રી કાર્યાલય(PMO) તરફથી જાહેર કરવામાં આવેલી એક મેનિફેસ્ટોથી મળી છે. રક્ષા મંત્રી રાજનાથસિંહની સંપત્તિ ગત વર્ષ જેટલી જ છે. આ વર્ષે તેમની પાસે 2.97 કરોડ રૂપિયાની સંપત્તિ છે, જે ગત વર્ષે એટલી જ હતી.

પ્રધાનમંત્રી નરેન્દ્ર મોદીઃ બચતમાં વધારો થતા સંપત્તિ વધી, PMએ ક્યાં ક્યા કર્યુ છે રોકાણ?

30 જૂન 2020 સુધી પ્રધાનમંત્રી મોદી પાસે 2.85 કરોડ રૂપિયાની સંપત્તિ હતી, જે ગત વર્ષ એટલે 2019માં 2.49 કરોડ રૂપિયા હતી. પ્રધાનમંત્રી મોદીની સંપત્તિ સતત આજ દરથી વધી રહી છે, કારણ કે તેમની બચતમાં વધારો થતો રહ્યો છે. પ્રધાનમંત્રીએ એસબીઆઈની ગાંધીનગર બ્રાન્ચમાં ફિક્સ ડિપોઝિટ કરાવી રાખ્યા છે. પ્રધાનમંત્રીના બાકી એસેટ્સની વેલ્યૂ યથાવત્ રહી છે.

પ્રધાનમંત્રી મોદીના બેંક બેલેન્સમાં 3.3 લાખ રૂપિયાનો વધારો થયો છે, જ્યારે તેમની FDમાં 35 લાખ રૂપિયાનો વધારો નોંધાયો છે. ગત વર્ષ તેની વેલ્યૂ  1,27,81,574 રુપિયા હતી જે 30 જૂન 2020એ વધીને 1,60,28,039 થઈ ચૂકી છે. મોદીએ ટેક્સ બચાવનારી જગ્યાઓ પર પૈસા લગાવ્યા છે. તેમનું રોકાણ લાઈફ ઈન્સ્યોરન્શ ઉપરાંત નેશનલ સેવિંગ્સ સર્ટિફિકેટ્સ (NSCs) અને ઈન્ફ્રાસ્ટ્રક્ચર બ્રાન્ડ્સમાં છે.  તેમણે NSCsમાં વધારે પૈસા લગાવ્યા છે અને વીમા પ્રીમિયમ પણ ઓછા થઈ ગયા છે. મોદીની પાસે  8,43,124 ના NSCs છે અને વીમાનું પ્રીમિયમ 1,50,957 રુપિયા છે. જાન્યુઆરી 2012માં તેમણે 20 હજાર રુપિયા ઈન્ફ્રાસ્ટ્રક્ચર બ્રાન્ડ ખરીદી હતી જે હજું સુધી પાકી નથી. 
 
તેમની પાસે ગુજરાતના ગાંધીનગરમાં એક ઘર છે, જેની કિંમત 1.10 કરોડ રૂપિયા લગાવવામાં આવી છે. પ્રધાનમંત્રી મોદીએ આ ઘર વિશે કહ્યું કે આ અચલ સંપત્તિમાં તેમની સાથે અન્ય સહ-માલિક પણ સામેલ છે. પ્રત્યેક પાસે 25 ટકાની ભાગીદારી છે. આ ઘરની માલિકાનો હક પ્રધાનમંત્રી મોદી અને તેમના પરિવારનો છે. પીએમ મોદી પર કોઈ દેવું નથી અને તેમની પાસે કોઈ કાર નથી. તેમની પાસે સોનાની 4 અંગૂઠીઓ છે મહત્વનું છે કે, ગત લોકસભા ચૂંટણીમાં દાખલ કરેલા સોગંદનામામાં મોદીએ કુલ 1.41 કરોડ રુપિયાની ચલ સંપત્તિ બતાવી હતી. ત્યારે બેંકમાં તેમની પાસે 1.27 કરોડ રુપિયા જમા હતા.

ગૃહમંત્રી અમિત શાહઃ શેરોમાં તેમના રોકાણની વેલ્યૂ ઘટતા અમિત શાહની સંપત્તિ ઘટી

મેનિફેસ્ટો અનુસાર, 31 માર્ચ 2020એ ગૃહ મંત્રી અમિત શાહ 28.6 કરોડ રૂપિયાની સંપત્તિના સ્વામી હતા. વર્ષ 2019માં આ સંપત્તિની કિંમત 32.3 કરોડ હતી. આ દરમિયાન તેમના શેરોની વેલ્યૂ 17.9 કરોડ રૂપિયાથી ઘટીને 13.5 કરોડ રૂપિયા પર આવી ગઇ છે.

તેમની પત્ની સોનલ અમિત શાહની સંપત્તિમાં પણ થોડો ઘટાડો નોંધાયો છે. આ 9 કરોડ રૂપિયાથી 8.53 કરોડ રૂપિયા પર આવી ગઇ છે. તેમના શેરોની વેલ્યૂ 4.4 કરોડ રૂપિયાથી 2.25 કરોડ રૂપિયા પર આવી ગઇ છે. આ દંપત્તિએ 1.36 કરોડ રૂપિયાની નવી પ્રોપર્ટી પણ ખરીદી છે.