G7 સમિટ 2019 / ફ્રાન્સમાં G7 સંમેલનમાં PM મોદી અને ડોનાલ્ડ ટ્રમ્પ વચ્ચે થઈ શકે છે કાશ્મીર મુદ્દે ચર્ચા

પ્રધાનમંત્રી નરેન્દ્ર મોદી આજે ફ્રાંસમાં થનારી G7ની બેઠકમાં ભાગ લેશે. આ સમયે પીએમ મોદી અને અમેરીકી રાષ્ટ્રપતિ ડોનાલ્ડ ટ્રંપ વચ્ચે દ્વિપક્ષીય વાતચીત પણ થઈ શકે છે. શક્ય છે કે તેમાં મોદી અને ટ્રંપની વચ્ચે કાશ્મીર મુદ્દે પણ ચર્ચા થાય. સાત અમીર દેશોના આ સમૂહ G7ની બેઠકમાં ભારત વિશેષ આમંત્રિત સદસ્ય છે. વૈશ્વિક અર્થવ્યવસ્થામાં ચાલી રહેલી મંદી અને ટ્રેડ વોરને લઈને વધતી ચિંતાના કારણે આજે દુનિયાની નજર આ બેઠક પર હશે. એટલાન્ટિક મહાસાગર તટના સુરમ્ય શહેર બિઆરિત્ઝમાં જ્યારે એક મંચ પર આવશે ત્યારે દુનિયા ટ્રેડ વોર પર સકારાત્મક ચીજોની આશા રાખશે. કેમકે તેની અસર વૈશ્વિક છે.

વિકસિત દેશોના સમૂહની આ વાર્ષિક બેઠકમાં અમેઝનના જંગલોની આગ, બ્રેક્સિટના ડેડલોકને ખતમ કરવું અને વ્યાપાર, તણાવમાં ઘટાડો લાવવાના મુદ્દા પર પણ વિચાર વિમર્શ કરશે. સંમેલનની શરૂઆત થોડા કલાક પહેલાં ફ્રાંસના રાષ્ટ્રપતિ ઈમેનુઅલ મૈક્રોએ ટેલિવિઝન પર જનતાને સંબોધિકત કરીને કરી. તેઓએ અમેઝોનના જંગલોની આગ ઉપર ભાર મૂક્યો. તેઓએ દાવો કર્યો કે અમારા ઘર સળગાવવામાં આવી રહ્યા છે. ફ્રાંસના રાષ્ટ્રપતિએ કહ્યું જળવાયું અને જૈવ વિવિધતા G7નું દિલ છે. અમેઝોનના જંગલો અને સમુદ્ર આપણને પોકારી રહ્યા છે. તેનો જવાબ આપવો પડશે. આ વિષયો પર વાતચીત કરવાનો સમય નથી પણ કંઈક નક્કર કામ કરવાનો સમય છે. 

અમેરિકા- યૂરોપમાં પણ ખેંચતાણ
યૂરોપીય સંઘના અધ્યક્ષ ડોનાલ્ડ ટસ્કે બિઆરિત્ઝમાં કહ્યું કે વ્યાપાર યુદ્ધથી મંદી આવશે. જ્યારે વ્યાપારમાં સમજૂતીથી અર્થવ્યવસ્થાને બળ મળશે. અમેરિકાના રાષ્ટ્રપતિ ડોનાલ્ડ ટ્રંપે બિઆરિત્ઝને માટે ફ્લાઈટ પકડી તે પહેલાં જ ધમકી આપી કે જો ફ્રાંસના રાષ્ટ્રપતિ ઈમૈનુઅલ મૈક્રોએ અમેરિકી ટેક્નોલોજી કંપનીઓ પર લગાવીને પાછી ન લીધી તો તેઓ ફ્રેંચ વાઈન પર ભારે ડ્યુટી લગાવશે. ટસ્કે તેના જવાબમાં કહ્યું કે યૂરોપીય સંઘ પણ બરાબરની પ્રતિક્રિયા આપશે. તેઓએ કહ્યું કે અમારા સૌથી સારા સહયોગી અમેરિકાની સાથે લડાઈનો રસ્તો અમારા માટે અંતિમ વિકલ્પ હશે. અમે આ પહેલ કરી નથી, વ્યાપાર અને ડ્યૂટીનો સંઘર્ષ છે. અમે શરૂ નથી કર્યો પણ અમે તૈયાર રહીશું તેના માટે. 

ચીન- અમેરિકાની વચ્ચે વધ્યું ટ્રેડ વોર
આ પહેલાં ટ્રંપે શુક્રવારે ચીનની સાથે વ્યાપાર યુદ્ધને વધારે ભડકાવવાની વાત કરી. ટ્રંપે ચીન દ્વારા અમેરિકાથી આવનારા 75 અરબ ડોલરના સામાન પર ડ્યુટી લગાવવાની પ્રતિક્રિયામાં ચીનના સામાન પર લાગેલી અન્ય ડ્યૂટી પર પાંચ ટકા વધારી દેવામાં આવ્યું છે. તેઓએ કહ્યું સ્પષ્ટ કહીએ તો આપણે ચીનની જરૂર નથી. ચીન વિના આપણે સારી સ્થિતિમાં રહી શકીશું. 

મોદી અને ટ્રંપની મુલાકાત
G7માં પ્રધાનમંત્રી નરેન્દ્ર મોદીની મુલાકાત અમેરિકાના રાષ્ટ્રપતિ ડોનાલ્ડ ટ્રંપના પ્રસ્તાવના કારણે છે. બંને ટોચના નેતાઓ વચ્ચે દ્વિપક્ષીય મુદ્દો પર ચર્ચા થઈ શકે છે. ભારત વારંવાર ભાર દઈને અંતરરાષ્ટ્રિય સમુદાયને કહી ચૂક્યું છે કે કાશ્મીર દ્વિપક્ષીય મુદ્દો છે અને બંને પક્ષોની વચ્ચે જ તેને ઉકેલવામાં આવશે. જમ્મૂ કાશઅમીરને વિશેષ રાજ્યનો દરજ્જો આપનારા આર્ટિકલ 370ને હટાવવાનો નિર્ણયને ભારતે આંતરિક મુદ્દો ગણાવ્યો છે. પાકિસ્તાનને પણ ભારતે સ્પષ્ટ રીતે કહ્યું છે કે તે યથાસ્થિતિને સ્વીકાર કરી લે. 

શું કહ્યું હતું ટ્રંપે?
અમેરિકી રાષ્ટ્રપતિ ડોનાલ્ડ ટ્રંપે છેલ્લા કેટલાક સમય પહેલાં કહ્યું હતું કે ફ્રાંસમાં G7 સંમેલનમાં જ્યારે પ્રધાનમંત્રી નરેન્દ્ર મોદી સાથે મુલાકાત કરશે ત્યારે કાશ્મીરની સ્થિતિ પર અને ભારત -પાકની વચ્ચેની તંગદિલી ઓછી કરવામાં મદદ માટે વાત કરશે. ટ્રંપે મંગળવારે વોઈટ હાઉસમાં સંવાદદાતાઓને કહ્યું કે જમ્મૂ કાશ્મીરનો વિશેષ દરજ્જો સમાપ્ત કરવા માટે ભારત અને પાકિસ્તાનમાં નવી રીતે વધી રહેલી તંગ સ્થિતિની વચ્ચે કાશ્મીરની સ્થિતિ શાંત કરવાની કોશિશ કરવામાં આનંદ અનુભવશે. આ પહેલાં ટ્રંપે પ્રધાનમંત્રી મોદી અને પાકિસ્તાનના પ્રધાનમંત્રી ઈમરાન ખાનથી અલગ અલગ રીતે ફોન પર વાત કરી હતી.