IPLIN
 

UP ELECTION / વિકેટ ન મળે તો અમ્પાયર પર ગુસ્સો, EVM ને લઈને હોબાળા બાદ PM મોદીએ આપ્યું ક્રિકેટનું ઉદાહરણ

Team VTV 05:27 PM, 11 Feb 22
Follow us
pm modi attack on akhilesh yadav in kashganj

ઉત્તર પ્રદેશ વિધાનસભા ચૂંટણીમાં બીજા રાઉન્ડના વોટિંગ પહેલા પ્રચાર માટે પીએમ મોદી શુક્રવારે કાસગંજ પહોંચ્યા હતા. પીએમ મોદીએ પહેલા તબક્કામાં ભાજપને ભારે બહુમત મળવાનો દાવો કરતા વિપક્ષા પર કટાક્ષ કર્યો હતો.

  • ચૂંટણી પ્રચાર માટે યુપીમાં પહોંચ્યા છે પીએમ મોદી
  • વિપક્ષ લગાવ્યો મોટો આરોપ
  • ઈવીએમ પર સવાલ કરનારા લોકોને આડેહાથ લીધાં

 

ઉત્તર પ્રદેશ વિધાનસભા ચૂંટણીમાં બીજા રાઉન્ડના વોટિંગ પહેલા પ્રચાર માટે પીએમ મોદી શુક્રવારે કાસગંજ પહોંચ્યા હતા. પીએમ મોદીએ પહેલા તબક્કામાં ભાજપને ભારે બહુમત મળવાનો દાવો કરતા વિપક્ષા પર કટાક્ષ કરતા કહ્યું હતું કે, આ લોકો ફક્ત ઈવીએમ પર સવાલો ઊભા કરે છે. પીએમ મોદીએ ક્રિકેટમાં વિકેટ ન મળતા હતાશ બોસર અમ્પાયર પર ગુસ્સા ઠાલવે તેનું ઉદાહરણ આપતા કહ્યું કે, ઈવીએમ પર સવાલ ઉઠાવવા હોય તો, 10 માર્ચ પછી બહું દિવસો પડ્યા છે. અહીં ઉલ્લેખનીય છે કે, કૈરાનામાં ગુરૂવાર રાતે એક ગાડીમાં ઈવીએમ મળ્યા બાદ સમાજવાદી પાર્ટીએ ચૂંટણી પંચમાં ફરિયાદ કરી હતી. જ્યારે ડીએમે જણાવ્યું હતું કે, તે રિઝર્વ ઈવીએમ હતાં.

 

ચારેબાજૂ ભાજપની લહેર- મોદી

પીએમ મોદીએ કહ્યું કે, કાલે યુપીમાં પ્રથમ તબક્કાનું મતદાન થયું છે, લોકોએ ભારે સંખ્યામાં ઘરમાંથી નિકળીને યુપીના વિકાસ માટે કમળને વોટ આપ્યા છે. ખાસ કરીને આપણી બહેન દિકરીઓએ મોટી સંખ્યામાં મતદાન કર્યું છે. જે માહોલ છે, તે જોતા ભાજપની લહેર છવાયેલી છે. કાલે બપોર બાદ એ નેતાઓના જેટલા પણ ઈન્ટરવ્યૂ આવ્યા, તેમના ચહેરા લટકેલા હતાં. હવે તેઓ પરિવારની વાત કરવા લાગ્યા છે. યોગીજી શું હાલત કરી નાખી છે, આપે આ લોકોની.

વિકેટ ન મળતા અમ્પાઉર પર ગુસ્સો ઠાલવે

પીએમ મોદીએ આગળ કહ્યું કે, આપ જોઈ લો જે ઘોર પરિવારવાદી લોકો છે, તેમને પણ ખબર પડી ગઈ છે કે, નાવ ડૂબી ગઈ છે. એટલા માટે અત્યારથી ઈવીએમ અને ચૂંટણી પંચ પર સવાલો કરી રહ્યા છે. આપને ખબર છે ને કે, ક્રિકેટમાં શું થાય છે, બોલર બોલ ફેંકે છે અને વિકેટ નથી મળતી તો બોલ ફેંકે છે અને ત્યાં પહોંચતા પહેલા જ બુમો પાડે છે આઉટ..આઉટ... નથી થતો તો અમ્પાયર પર ગુસ્સો નિકાળે છે. પહેલા તબક્કામાં બાદ આ લોકો ઈવીએમને દોષ દેવા લાગે છે. હવે જનતા આપને સ્વિકાર નહીં કરે. જનતાને ગુંડારાજ નથી જોઈતું. જો ઈવીએમને ગાળો આપવી છે, તો 10 માર્ચ બાદ બહું દિવસો પડ્યા છે, આપતા રહેજો.

ગુંડાઓને ક્યારેય મોકો ન આપતાં

પીએમ મોદીએ આગળ જણાવ્યું હતું કે, ઘોર પરિવારવાદીઓએ એવા ગુનાહિત લોકોને મેદાનમાં ઉતાર્યા છે, જે આપનાથી ખાર ખાઈને બેઠા છે. આ ગુંડાઓને હરાવવા માટે આપે એકજૂથ થવાની જરૂર છે. તથા ભાજપના ઉમેદવારોને વોટ આપજો. ગુંડાઓને ક્યારેય મોકો આપતો નહીં. મોદી અને યોગીને આપ જે આશીર્વાદ આપી રહ્યા છો, તેનાથી તેમની ઊંઘ હરામ થઈ ગઈ છે. પીએમ મોદીએ કહ્યું કે, યોગીએ યુપીમાં જે સુરક્ષાનો માહોલ ઉભો કર્યો છે, તેમણે સમૃદ્ધિનો નવો દ્વાર ખોલ્યો છે.  સમાજનો દરેક વર્ગ મહેનત કરી રહ્યો છે. ઉન્નતી કરી રહ્યો છે. એટલા માટે જે માહોલ જરૂરી છે. તે માહોલ યોગી સરકારે આપ્યો છે.   


 

PM modi 2022 election UP Election BJP યોગી આદિત્યનાથ મોદી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ