IPLIN
 

વડોદરા / આ તમારા દીકરાએ દેશની લાખો માતાઓને અબજોની માલિક બનાવી છે: વડોદરામાં PM મોદી

Team VTV 02:45 PM, 18 Jun 22 | Updated: 04:22 PM, 18 Jun 22
Follow us
PM Modi arrives in Vadodara

પાવગઢમાં ઘ્વજારોહણ કર્યા બાદ પીએમ મોદી બપોરે વડોદરા ખાતે આવી પહોંચ્યાં હતાં.

 

દેશની લાખો મહિલાઓ લખપતિ બની ગઈ-PM મોદી

પ્રધાનમંત્રી નરેન્દ્ર મોદીએ વધુમાં કહ્યું હતું કે દેશમાં મોટા પાયે આવાસનું નિર્માણ કરવામાં આવી રહ્યું છે જેમાં લાખો પરિવારોને પાક્કા મકાન આપવામાં આવ્યા છે. મારો આગ્રહ રહે છે કે મકાન મહિલાના નામે જ હોય, જેના કારણે એવું કહી શકાય કે દેશની લાખો મહિલાઓ લખપતિ બની ગઈ. આ તમારા દીકરાએ દેશની માતાઓને સંપત્તિ અપાવી

અમારી ડબલ એન્જીનની સરકારે છેલ્લા 8 વર્ષમાં મહિલાઓને સશક્ત બનાવી છે- PM મોદી

PM મોદીએ જણાવ્યું હતું કે, અમારી ડબલ એન્જીનની સરકારે છેલ્લા 8 વર્ષમાં મહિલાઓને સશક્ત બનાવી છે. તેમનું સશક્તિકરણ ભારતના વિકાસ માટે જરૂરી છે, આજે સેનાથી લઈને ખાણ સુધી મહિલા કલ્યાણનું ધ્યાન રાખીને નીતિઓ બનાવવામાં આવી રહી છે

 

સ્વસ્થ માતૃત્વ અને સ્વસ્થ બાળપણ માટે બે મોટી યોજના

વડાપ્રઘાન નરેન્દ્ર મોદીએ વડોદરામાં મંચ પરથી કહ્યું કે, ગુજરાતની બહેન - દીકરીઓ માટે આદજનો દિવસ મહત્વપૂર્ણ છે. ગુજરાત સરકારે આજે 2 મોટી યોજના શરૂ કરી છે. સ્વસ્થ માતૃત્વ અને સ્વસ્થ બાળપણ માટે આ બે મોટી યોજના ખૂબ મહત્વપૂર્ણ છે. મુખ્યમંત્રી માતૃશક્તિ યોજના માતાના પોષણક્ષણ આહારની સંભાળ રાખશે 

માતાઓના માથે બેડા ઉતારવાનું સૌભાગ્ય અમને મળ્યું છે

તેમણે વધુમાં જણાવ્યું હતું કે, ગુજરાતમાં 800 કરોડ રૂપિયાની મુખ્યમંત્રી માતૃશક્તિ યોજના શરૂ કરી છે, તેના માટે હું ભુપેન્દ્રભાઇને અભિનંદન આપુ છું. સ્વામી વિવેકાનંદ, મહર્ષિ અરવિંદ, વિનોદ ભાવે, બાબા સાહેબ આંબેડકરને પણ આ નગરીએ પ્રેરિત કર્યું છેસપ્ટેમ્બર માસને પોષણ માસ તરીકે ઉજવવાનું નક્કી કર્યું છે, જેથી માતાઓને પોષણ મળી રહેશે. હમણા જ ભુપેન્દ્રભાઇએ મને કહ્યું કે, ઘરે ઘરે નળથી પાણી આપીએ છીએ, માતાઓના માથે બેડા ઉતારવાનું સૌભાગ્ય અમને મળ્યું છે

આ શહેર તમામ લોકોને તક આપે છે, આ શહેરે ક્યારેક મને પણ સાચવ્યો હતો.-PM

PM મોદીએ વધુમાં જણાવ્યું હતું કે, વડોદરા સંસ્કારની નગરી છે, આ શહેર તમામ લોકોને તક આપે છે, આ શહેરે ક્યારેક મને પણ સાચવ્યો હતો. મારુ પણ લાલન પાલન કર્યું હતું. વડોદરા આવો એટલે બધુ જુનું આવે જ ભાઈ, વડોદરાએ મને બાળકને મા સાચવે એ રીતે સાચવ્યો છે, વડોદરાનું મારા જીવનમાં યોગદાન ક્યારેય ન ભૂલી શકું. શાસ્ત્રી પોળ, રાવપુરા સહિતના સ્થળોને ક્યારેય નહીં ભૂલી શકું, ડભોઇ, પાદરા જેવા ગણ્યા ગણાય નહીં તેટલી યાદો છે.વડોદરા આવે અને લીલો ચેવડો અને ભાખરવડી કેમ ભૂલાય, 2014માં લોકસભા ચૂંટણી લડ્યો ત્યારે વડોદરાના નવનાથ અને કાશી વિશ્વનાથ મંદિરના મને આશીર્વાદ મળ્યા હતાં 

માતૃશક્તિની વાતો કરતાં PM મોદીની આંખો ભીની થઈ

વડોદરાની માતાઓની વાત કરતાં PM મોદીની ભાવું થયા હતાં. વડાપ્રધાન મોદી કહ્યું હતું કે, 21મી સદીમાં મહિલાઓનો ઝડપી વિકાસ, મહિલાઓનું સશક્તિ કરણ ખૂબ જ જરૂરી છે. ભારતની મહિલાઓની જરૂરિયાતોને ધ્યાનમાં રાખીને યોજનાઓ બનાવી રહ્યું છે. 

પાવાગઢમાં મા મહાકાળીને દેશવાસીઓની સુખ-સમૃદ્ધિ માટે પ્રાર્થના કરી -PM મોદી

21મી સદીના વિકાસ માટે મહિલાઓનો વિકાસ અને સશક્તિકરણ ખુબ જ જરૂરી છે. અમારી સરકારે મહિલાઓ માટે પસંદગીનું કામ કરવા માટે દ્વાર ખોલી દીધા છે.હુ ખુશનસીબ છુ કે, મને માતા અને બહેનોની સેવા કરવાનો મોકો મળ્યો છે, હું તમામને અભિનંદન આપુ છું.વડોદરા સંસ્કારની નગરી છે, આ શહેર તમામ લોકોને તક આપે છે, આ શહેરે ક્યારેક મને પણ સાચવ્યો હતો. મારુ પણ લાલન પાલન કર્યું હતુ.તેમણે જણાવ્યું હતું કે, પાવગઢમાં મા મહાકાળીને દેશવાસીઓની સુખ-સમૃદ્ધિ માટે પ્રાર્થના કરી છે 

આજનો દિવસ મારા માટે માતૃ વંદનાનો દિવસ : PM મોદી

વડાપ્રઘાન નરેન્દ્ર મોદી વડાદરામાં સંબોધન કરતાં જણાવ્યું હતું કે, આજનો દિવસ મારા માટે માતૃ વંદનાનો દિવસ છે, આજે સવારે જન્મદાત્રી માના આશિર્વાદ લીધા, ત્યાર બાદ જગતજનની મા કાલીના આશિર્વાદ લીધા અને આજે માતૃશક્તિના વિરાટ શક્તિના દર્શન કર્યાં તેમના આશિર્વાદ લીધામેં માતાજી પાસે દેશવાસીઓની સુખ શાંતિ અને સમૃદ્ધિની કામના કરી છે. મને ખુશી છે કે, સંસ્કારનગરી વડોદરાથી 21 હજાર કરોડના ડેવલપમેન્ટ પ્રોજેક્ટના લોકાર્પણ અને ખાતમુહૂર્ત થયા છે.

 
PM મોદીએ ગુજરાતમાં મુખ્યમંત્રી માતૃશક્તિ યોજનાનો પ્રારંભ કરાવ્યો

PM મોદીએ ગુજરાતમાં મુખ્યમંત્રી માતૃશક્તિ યોજનાનો પ્રારંભ કરાવ્યો, પ્રસૂતા માતાઓને 1000 દિવસ દરમ્યાન યોગ્ય પોષકતત્વો ઉપલબ્ધ કરાવતી યોજના
 

8 જ દિવસમાં PM મોદી બીજી વાર ગુજરાતને વિકાસ કામોની ભેટ આપવા આવ્યા: CM ભૂપેન્દ્ર પટેલ

વડોદરા ખાતે વિવિધ પ્રજાલક્ષી લોકાપર્ણ નિમિત્તે પીએમ મોદી ઉપસ્થિત છે. ત્યારે CM ભૂપેન્દ્ર પટેલ પ્રાસંગિક પ્રવચન આપતાં જણાવ્યું હતું કે, 8 જ દિવસમાં PM મોદી બીજી વાર ગુજરાતને વિકાસ કામોની ભેટ આપવા આવ્યા છે. તેમણેજણાવ્યું હતું કે, હજારો કરોડના કામોનું લોકાર્પણ તથા ખાતમુર્હુત કરશે.ત્યાર બાદ બપોરે વડોદરા ખાતે  રેલવેના કુલ 5 પ્રોજેક્ટનું લોકાર્પણ અને 13 પ્રોજેક્ટનું ખાતમુહૂર્ત કરશે. 

લેપ્રસી ગ્રાઉન્ડમાં PM મોદીની જોરદાર એન્ટ્રી, લાખોની ભીડ વચ્ચે કર્યો મિનિ રોડ શો

વડાપ્રધાન નરેન્દ્ર મોદી પાવાગઢથી નીકળીને વડોદરા પહોંચી ગયા છે. વડાપ્રધાન મોદીનું એરપોર્ટ પર સ્વાગત કરવામાં આવ્યું હતું. ત્યાર બાદ વડાપ્રધાન વડોદરા એરપોર્ટથી લેપ્રસી મેદાન પહોંચ્યા છે. જ્યાં મોદીએ ખુલ્લી જીપમાં મોદીએ જનતાનું અભાવાદન ઝીલ્યું હતું. આ પહેલા મોદીએ ગાડીમાં બેઠા બેઠા રસ્તામાં ઉભેલા લોકોનું અભિવાદન ઝીલ્યું હતું. મોદીનો કાફલો એરપોર્ટ પરથી નીકળ્યા બાદ વરસાદ શરૂ થઇ ગયો હતો.

PM મોદી બે દિવસની ગુજરાત મુલાકાતે આવ્યા છે.

PM મોદી બે દિવસની ગુજરાત મુલાકાતે આવ્યા છે.શનિવારના દિવસની શરુઆત તેમણે પોતાની માતા હીરાબાના આશીર્વાદ લઈને કરી હતી. જે બાદ તેમણે પાવાગઢ સ્થિત જગત જનની મહાકાળીના મંદિરમાં પૂજા અર્ચના કરીને સદીઓ બાદ ફરી મંદિરના શીખર પર ધ્વજા ફરકાવી હતી.ત્યાર બાદ PM મોદી વડોદરા ખાતે પહોંચી ગયા છે. જ્યાં આજે તેઓ કરોડો રૂપિયાના વિકાસના કાર્યોનું લોકાપર્ણ અને ખાતમૂહર્ત કરશે  

PM modi vadodara Leprosy ground gujarat પીએમ મોદી વડોદરા લેપ્રસી મેદાન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ