PM મોદીએ મેરેથોન દોડને પ્રસ્થાન કરાવ્યું સુરતીઓ દોડ્યા

સુરતઃ આજે રન ફોર ન્યૂ ઇન્ડિયા મેરેથોનનું આયોજન કરવામાં આવ્યું છે. જેમાં પીએમ નરેન્દ્ર મોદી ન્યૂ ઇન્ડિયા સંકલ્પ મેરેથોન દોડને ફ્લેગ ઓફ કરાવવા પહોંચ્યા છે.

રન ફોર ન્યૂ ઈન્ડિયામાં હજારો સુરતીઓએ ભાગ લીધો છે.. નાઈટ મેનાથોનમાં સૌથી પહેલા સુરતી ક્વીન્સ દ્વારા રાષ્ટ્રધ્વજ સાથે દોડ લગાવી હતી. જે બાદ હજારોની સંખ્યામાં સુરતીઓએ દોડ લગાવી છે.

પ્રધાનમંત્રી મોદીની સાથે-સાથે મુખ્યમંત્રી વિજય રૂપાણી નાયબ મુખ્યમંત્રી નીતિન પટેલ સહિતના મહાનુભાવો પણ આ પ્રસંગે હાજર રહ્યા હતા. નાઈટ મેરાથોનમાં સૌથી વધુ યુવાઓએ ભાગ લીધો છે. સુરતના રસ્તાઓ યુવાઓની દોડા સાથે ખચોખચ જોવા મળ્યા.


મેરેથોન દોડ પ્રસ્થાન કાર્યક્રમમાં પીએમ મોદીનું સંબોધન

મહત્વનું છે કે પીએમ મોદી વિશેષ વિમાન મારફતે સુરત એરપોર્ટ પહોંચ્યા હતા. પીએમ એરપોર્ટ પર 15 મિનિટ રોકાયા હતા. પીએમ મોદીનું સીએમ વિજય રૂપાણી અને ડે.સીએમ નીતિન પટેલે સ્વાગત કર્યું હતું.

પીએમના આગમનને લઇ સુરતીઓમાં ઉત્સાહ છવાયો. પીએમ મોદીએ રોડ શો કર્યો હતો. જે દરમિયાન રસ્તાની બંન્ને બાજુએ લોકોની કતારો લાગી હતી. પીએમ મોદી સુરત એરપોર્ટથી લાલભાઇ સ્ટેડિયમ જવા રવાના થયા હતા. પીએમ મોદીએ એરપોર્ટ બહાર લોકોનું અભિવાદન ઝીલ્યું હતું.

રસ્તા પર મોદી મોદીના નારા લાગ્યા હતા. પીએમ મોદી લાલભાઇ સ્ટેડિયમ સુધી રોડ-શો કરીને પહોંચ્યા હતા. લાલભાઇ સ્ટેડિયમ લોકોથી ખીચોખીચ ભરાયું હતું.

મેરેથોન દોડમાં ભાગ લેવા માટે દોડવીરો ઉમટ્યા હતા. જ્યાં સીએમ વિજય રૂપાણી અને ડેપ્યુટી સીએમ નિતન પટેલ અને પ્રદેશ પ્રમુખ જીતુ વાઘાણી પણ ઉપસ્થિત રહ્યા હતા. પીએમ મોદી નાઈટ મેરેથોનને ફ્લેગ ઓફ કરાવશે.

મહત્વનું છે કે આ પ્રસંગે સીએમ રૂપાણી અને સુરતના સાંસદ અને ધારાસભ્યો ઉપસ્થિત છે. જેમાં નોંધાયેલા અને અહિં નોંધાયેલા લગભગ 80 હજારથી વધુ નાગરિકો ભાગ લીધો છે. ન્યૂ ઈન્ડિયાનો સંકલ્પમાં સહભાગી બનશે. આ કાર્યક્રમને પ્રધાનમંત્રી નરેન્દ્ર મોદી પ્રસ્થાન કરાવશે.  

સુરત શહેરમાં મેરથોનના આયોજનના ભાગરૂપે શહેરને રોશનીથી સજાવવામાં આવ્યુ છે. જેનો લાહવો લેવા શહેરીજનો ઉમટયા હતા. જેના કારણે અડાજણ સરદાર બ્રિજ ગેટથી લઈને વી.આર.મોલ સુધી ટ્રાફીક જામના દ્રશ્યો સર્જાયા હતા. કારગિલ સર્કલને લાઇટિંગથી સુંદર રીતે શણગારવામાં આવ્યુ છે. આ ઉપરાંત સર્કલ પર રન ફોર ન્યુ ઈન્ડિયાના બેનરો લગાવવામાં આવ્યાં છે. 

ઉલ્લેખનીય છે કે પીએમ મોદીએ પીએમ મોદીએ 24 ફેબ્રુઆરીના રોજ દમણમાં એક હજાર કરોડની યોજનાઓનું ઉદ્ઘાટન કર્યું હતું. સાથે જ માછીમારો માટે અનેક સહાયની જાહેરાત કરી હતી.

પીએમએ ટ્રીટમેન્ટ પ્લાન્ટ ગેસ પાઇપ લાઇન ઇલેક્ટ્રિક સબ સ્ટેશન અને નગરપાલકા બજારની આધારશિલા પણ રાખી હતી. ત્યારબાદ પીએમ મોદી સુરતથી ચેન્નઇ ગયા હતા. જ્યાંથી તેઓ પરત ગુજરાત પહોંચ્યા છે. સુરતમાં રન ફોર ન્યુ ઇન્ડિયા મેરથોનનું પ્રસ્થાન કરાવશે.