IPLIN
 

BIG NEWS / દુનિયાના ટોચના નેતાઓ વચ્ચે PMનો દબદબો, મોદી-બાયડન એવી રીતે ખભા પર હાથ રાખ્યા જાણે વર્ષો જૂના મિત્રો

Team VTV 06:16 PM, 30 Oct 21 | Updated: 06:31 PM, 30 Oct 21
Follow us
PM Modi Arrives For G20 Summit At Roma Convention Center

5 દિવસના બ્રિટન અને ઈટાલીના પ્રવાસે ગયેલા પ્રધાનમંત્રી નરેન્દ્ર મોદી શનિવારે રોમ સ્થિત કન્વેન્શન સેન્ટર પહોંચ્યા હતા. આ એજ જગ્યા છે. જ્યાં વિશ્વના અનેક રાષ્ટ્રોના વડા G20 શિખર સંમેલનમાં ભાગ લઈ રહ્યા છે. 

  • દુનિયાના ટોચના નેતાઓ વચ્ચે PMનો દબદબો
  • ઈટાલીના પ્રધાનમંત્રીએ કર્યા રીસિવ
  • બાયડન સાથે ખભા પર હાથ રાખીને ચાલ્યા મોદી

આ દરમિયાન રોમ કન્વેન્શન સેન્ટરમાં પહોંચેલા પ્રધાનમંત્રી નરેન્દ્ર મોદીનું ઉમળકાભેર સ્વાગત કરવામાં આવ્યું હતું, ઈટાલીના પ્રધાનમંત્રી મારિયો દ્રાધી ખૂદ PM મોદીની રિસીવ કરવા માટે પહોંચ્યા હતા. આ પહેલા પ્રધાનમંત્રી મોદીએ યુરોપિયન પરિષદના અધ્યક્ષ ચાર્લ્સ મિશેલ અને યૂરોપીય આયોગના અધ્યક્ષ ઉસૃલા વોન ડેર લેયેન સાથે મુલાકાત કરી હતી.

PM મોદીએ પોપ ફ્રાન્સિસ સાથે કરી બેઠક 

વિદેશ મંત્રાલય દ્વારા જાહેર કરવામાં આવેલ નિવેદનમાં કહેવામાં આવ્યું છે કે, પોપે મહામારી દરમિયાન જરૂરીયાતમંદ રાષ્ટ્રોની ભારતે જે મદદ કરી તેને વખાણી હતી. આ સિવાય અન્ય દેશોના નેતાઓએ કોવિડ-19 મહામારી અને દુનિયાભરના લોકો માટે તેના પરિણામોની વાત કરી હતી. તો આ સાથે જ તેમણે જળવાયુ પરિવર્તનથી ઉત્પન્ન થતાં પડકારો પર પણ ગહન ચર્ચા કરી હતી. વિદેશ સચિવ હર્ષવર્ધન શ્રૃંગલાએ જણાવ્યું કે, પ્રધાનમંત્રી મોદીએ યુરોપીય આયોગ તથા પરિષદના અધ્યક્ષો તથા ઈટાલીના PM મોદી સાથે બેઠક કરી હતી. 

પોપને ભારત આવવા માટે આમંત્રણ આપ્યું 

પ્રધાનમંત્રી મોદીએ પોપને ભારત આવવા માટે આમંત્રણ પણ આપ્યું છે, પ્રધાનમંત્રી મોદી અને પોપ ફ્રાન્સિસ વચ્ચે 20 મિનિટ સુધી મુલાકાત નક્કી હતી પરંતુ બંને વચ્ચે આશરે એક કલાક સુધી બેઠક ચાલી હતી. પ્રધાનમંત્રી મોદીની સાથે NSA અજીત ડોભાલ અને વિદેશમંત્રી એસ જયશંકર પણ ત્યાં પહોંચ્યા હતા. બંને દિગ્ગજો વચ્ચે શું વાતચીત થશે તેનો એજન્ડા જાહેર કરવામાં આવ્યો હતો નહીં પરંતુ ઈટાલીના સ્થાનિક મીડિયા અહેવાલો અનુસાર બંને વચ્ચે ક્લાઇમેટ ચેન્જ, ગરીબી અને દુનિયાને વધુ સારી બનાવવા મુદ્દે ચર્ચા થઈ હતી. 

પીએમ મોદી 29 થી 31 ઓક્ટોબર સુધી ઈટાલીની મુલાકાતે

પીએમ મોદી ઈટાલીના વડાપ્રધાન મારિયો ડ્રેગીના આમંત્રણ પર 29 થી 31 ઓક્ટોબર સુધી રોમ, ઈટાલી અને વેટિકન સિટીના પ્રવાસ પર છે. શુક્રવારે ઈટાલી પહોંચ્યા બાદ વડાપ્રધાન નરેન્દ્ર મોદીને ગાર્ડ ઓફ ઓનરથી સન્માનિત કરવામાં આવ્યા હતા. જે બાદ પીએમ મોદીએ ઈટાલીના વડાપ્રધાન મારિયો ડ્રેગી સાથે મુલાકાત કરી હતી.

પીએમ મોદીનો આજનો કાર્યક્રમ

સાંજે 5:35 વાગ્યે G-20 સમિટના સત્તાવાર સ્વાગત અને ગ્રુપ ફોટો ઇવેન્ટમાં ભાગ લેશે.
સાંજે 6.10 કલાકે ફ્રાન્સના રાષ્ટ્રપતિ ઈમેન્યુઅલ મેક્રોનને મળશે

IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ