પ્રધાનમંત્રી નરેન્દ્ર મોદીએ 'ફિટ ઇંડિયા મૂવમેંટ'ના એક વર્ષ પુરા થવાને લઇને ગુરુવારે 'ફિટ ઇંડિયા ડૉયલાગ' કાર્યક્રમ ઉપસ્થિત રહ્યાં. વીડિયો કોન્ફરન્સ દ્વારા યોજવામાં આવેલા આ કાર્યક્રમમાં પીએમ મોદીએ ફિટનેસ દિગ્ગજો સાથે વાતચીત કરી.
આ દરમિયાન ફિટનેસ હસ્તીઓ સાથે સારી તબિયતને લઇને ટિપ્સ આપી. આ કાર્યક્રમમાં ભારતીય ક્રિકેટના સુકાની વિરાટ કોહલી, મોડલ મિલિંદ સોમન અને ન્યૂટ્રીશનિસ્ટ રજુતા દિવેકર સામેલ થયા.
ખેલાડીઓ માટે ફિટનેસ ઘણી મહત્વની હોવાનું કોહલીએ જણાવ્યું
'ફિડ ઇન્ડિય ડૉયલોગ' કાર્યક્રમ હેઠળ પીએમએ 'ફિટ ઇંડિયા એજ એપ્રોપ્રિયેટ ફિટનેસ પ્રોટોકૉલ' લોન્ચ કર્યું. આ અવસર પર પીએમ સાથે વાતચીત કરતાં ક્રિકેટર કોહલીએ કહ્યું, એક ક્રિકેટર તરીકે શરૂઆતી સમયમાં મે પોતાના જીવનમાં મહત્વના ફેરફાર મહેસૂસ કર્યા. રમતની શારીરિક જરૂરિયાત બદલાઇ ગઇ હતી. મે મહેસૂસ કર્યું કે એવા ક્રિકેટર જે રમતને સંપૂર્ણ રીતે ઇચ્છે છે તેના માટે ફિટનેસ ઘણું મહત્વનું પાસુ છે.
પીએમ મોદીએ કોહલીને યો-યો ટેસ્ટને લઇને પૂછ્યો સવાલ
પીએમ મોદીએ વિરાટ કોહલીએ યો-યો ટેસ્ટને લઇને સવાલ કર્યો અને કહ્યું, યો-યો ટેસ્ટ સુકાનીને કરાવો પડે છે? આ પર કોહલીએ કહ્યું કે તે એક ફિટનેસ લેવલનો ટેસ્ટ હોય છે. તેઓ સૌથી પહેલા આ ટેસ્ટ માટે ભાગે છે અને જો આ ટેસ્ટમાં ફેલ થઇ જાવ છો તો ટીમમાંથી બહાર થવું પડે છે.
યો-યો ટેસ્ટ એક સોફ્ટવેર આધારિત ટેસ્ટ છે. જેમાં 20 મીટર પર એક શંકુ રાખવામાં આવ્યું હોય છે, જેમાં ખેલાડીઓને દોડવું પડે છે. યો યો ટેસ્ટ બીપ ટેસ્ટનું વેરિએશન છે અને તેને ડેનમાર્ક ફુટબોલ ફિજિયોલૉજિસ્ટ જેન્સ બેંગ્સબો દ્વારા વિકસિત કરવામાં આવ્યું હતું. આજે ભારતની ક્રિકેટ ટીમમાં કોઇપણ ખેલાડીને જગ્યા બનાવવા માટે આ ટેસ્ટનો 16.1 સ્કોર સાથે પાસ કરવું જરૂરી છે. પ્રાપ્ત મળતી વિગત અનુસાર યો-યો ટેસ્ટ 23 લેવલના હોય છે. ખેલાડીઓનો ટેસ્ટ પાંચમા તબક્કાથી શરૂ થાય છે. પાંચમું અને નવમું લેવલ એક શટલ હોય છે, જ્યારે 11મું સ્પીડ લેવલમાં 2 શટલ હોય છે. દરેક શટલમાં 40 મીટરનું અંતર નક્કી કરવું પડે છે. જે અલગ-અલગ લેવલ પર અલગ ગતિથી હોય છે. બે શટલ વચ્ચેનું અંતર કાપવા માટે ખેલાડીને 10 સેકેન્ડ મળે છે.
PM Modi interacts with fitness influencers & enthusiasts in online Fit India Dialogue to celebrate 1st anniversary of Fit India Movement. Sports Minister Kiren Rijiju also participating.
Virat Kohli, Milind Soman, footballer Afshan Ashiq and others are interacting with the PM. pic.twitter.com/HXSRhp0bXK
આ દરમિયાન ફુટબોલર અફશાન આશિક સાથે વાતચીત કરતા પીએમ મોદીએ કહ્યું કે તમે મહિલાઓ ખાસ કરીને કાશ્મીરની મહિલાઓ માટે પ્રેરણાનું એક મોટુ સ્ત્રોત છો. તમારુ અનુકરણ કરતા દેશની છોકરીઓ પોતાને મજબૂત બનાવશે.' જ્યારે મિલિંદ સોમન સાથે વાતચીતમાં પીએમએ કહ્યું, 'તમે મેક ઇંડિયા પહલના સૌથી મોટા સમર્થક છો. ફિટનેસ માટે ઉમરનો કોઇ સીમાડો હોતો નથી. તેના પર સોમને કહ્યું કે 'મારી માતા મને પ્રેરણા આપતી છે અને હું પણ તેમને પ્રેરિત કરુ છું. તમારે પહેલા પોતાની જાતને સમજવાની હોય છે ત્યારબાદ કસરતનું શિડયૂલ બનાવાનું હોય છે.'
રજુતા દિવેકરે ફિટનેસ પર આપ્યો પોતાનો અભિપ્રાય
પીએમ મોદીએ 'ઇટ લોકલ, થિંક ગ્લોબલ' મોટો માટે ન્યૂટ્રીશનિસ્ટ રજુતા દિવેકરને ધન્યવાદ કહ્યાં. આ દિવેકરે 'દાલ ચાવ' અને 'ઘી'ના નામ પર ઘરોનું નામકરણ કરવાને લઇને પીએમ મોદીએ પહેલા પ્રશંસા કરી. તેમણે કહ્યું, અમેરિકાના નાગરિકો ગૂગલ પર સર્ચ કરે છે કે 'ઘી'નું ઉચ્ચારણ કેવી રીતે કરવામાં આવે.
પીએમએ કહ્યું - માતા પૂછે છે કે હળદર લીધી કે નહીં
આ કાર્યક્રમ દરમિયાન પીએમ મોદીએ કહ્યું, 'અઠવાડિયામાં એક કે બે વખત મારા માતા સાથે વાતચીત થાય છે. તેઓ મને હંમેશા એક વાત પૂછે છે કે હું હળદર લઇ રહ્યો છું કે નહીં. જ્યારે તમે કોઇપણ લાલચની દ્રઢ ઇચ્છાશક્તિ સાથે કામ કરો છો તો કોઇ સમસ્યા નથી થતી અને જ્યારે તમે અનિચ્છા સાથે કામ કરો છો, તમે એ કામનો આનંદ લઇ શકતા નથી. પરંતુ જ્યારે તમે કોઇ કામને પુરા મનથી કરી રહ્યા છો તો માત્ર આનંદ જ નહી પરંતુ આ કામ તમારામાં નવી ઊર્જા ઉભી કરે છે'