જાહેરાત / પીએમ મોદીએ વર્લ્ડ ઈકોનોમિક્સ ફોરમ સમિટમાં કરી જાહેરાત, આ બાબતને લઈને બનશે કડક કાયદો

• પીએમ મોદીની જાહેરાત
•  વર્લ્ડ ઈકોનોમિક્સ ફોરમ સમિટમાં કરી જાહેરાત
• ડેટા સિક્યોરિટીને લઈને કાયદો વધુ કડક બનશે

પીએમ મોદીએ  વર્લ્ડ ઈકોનોમિક્સ ફોરમ સમિટમાં દાવોસમાં થઈ રહેલા સમિટમાં કહ્યું કે અમારી સરકાર ડેટા સિક્યોરિટીને માટે ખાસ કાયદો બનાવી રહી છે. આ સાથે ભારતમાં હવે આર્ટિફિશિયલ ઇન્ટેલિજન્સ પર રોકાણ વધશે. સમિટમાં તેઓએ નવા મેન્યુફેક્ચરિંગ કંપનીને માટે કોર્પોરેટ ટેક્સ 15 ટકા સુધી વધાર્યો હોવાનુ પણ જણાવ્યું છે. 

ભારતના ઈન્ફ્રાસ્ટ્રક્ચરને રહેશે 4.5 ટ્રિલિયન ડોલરની જરૂર

પીએમ મોદીએ કહ્યું કે શ્રમ કાયદામાં સુધારાની સાથે કંપનીના કાયદામાં અનેક વાતો કામ કરે છે. તેઓએ કહ્યું કે 2040 સુધી ભારતના ઈન્ફ્રાસ્ટ્રક્ચરને લગભગ 4.5 ટ્રિલિયન ડોલરની જરૂર રહેશે. સરકાર અને ઇન્ડસ્ટ્રીએ મળીને આ લક્ષ્ય મેળવવાનું છે. ઈન્ફ્રાસ્ટ્રક્ચર ડેવલપમેન્ટ સરકારની પ્રાથમિકતામાંની એક છે. ભારતમાં સડક અને રેલ નેટવર્કને વધારવામાં આવી રહ્યું છે. આત્મનિર્ભર ભારત અભિયાન માટે પણ કામ ચાલી રહ્યું છે. 130 કરોડ નાગરિકોને યૂનિક હેલ્થ આઈડી અપાઈ રહ્યા છે અને સ્વાસ્થ્ય સેવાઓ કામ કરી રહી છે. 

આત્મનિર્ભર ભારતનો મળશે ઈન્ડસ્ટ્રીઝને સપોર્ટ

પીએમ મોદીએ કહ્યું કે ભારતીય અર્થવ્યવસ્થાની ક્ષમતા વધારવા માટે આત્મનિર્ભર ભારત અભિયાન શરૂ કરાયું છે. તેમાં અનેક સુધારા થયા છે. આ સાથે તેઓએ કહ્યું કે અનેક જીવન બચાવવામાં પણ સફળ રહ્યા છીએ. કોરોનાના સમયમાં અન્ય દેશોની પમ મદદ કરી અને કોરોના કીટ્સ બનાવી. દેશના 30 કરોડ સ્વાસ્થ્યકર્મીઓનું વેક્સીનેશન કરાવાઈ રહ્યું છે. 12 દિવસમાં 22 લાખ લોકોને વેક્સીન અપાઈ ચૂકી છે. 

જલ્દી દુનિયાને મળશે ભારતમાં બનેલી 2 વેક્સીન

પીએમ મોદીએ કહ્યું કે જ્યારે દુનિયા હવાઈ ક્ષેત્ર બંધ કરી રહી હતી ત્યારે આપણે અન્ય દેશના ભારતીયોને પરત લાવી રહ્યા હતા. આજે ભારતમાં 2 કોરોના વેક્સીન તૈયાર થઈ છે અને આ વેક્સીન જલ્દી જ દુનિયાને પણ પહોંચાડવામાં આવશે. અત્યાર સુધીમાં લગભગ 150 દેશોને દવા પહોંચાડવામાં આવી છે.