Big Breaking / PM મોદી અને બાયડન વચ્ચેની બેઠકમાં થયો ગાંધીજીનો ઉલ્લેખ, કરી આ મોટી વાત

• વ્હાઈટ હાઉસમાં અમેરિકી રાષ્ટ્રપતિ જો બાયડન અને પીએમ મોદી વચ્ચે બેઠક
• બાયડને ગાંધી જયંતીનો ઉલ્લેખ કર્યો: પીએમ મોદી
• ગાંધીજીએ ટ્રસ્ટીશીપ વિશે વાત કરી હતી, જે એક ખ્યાલ હાલ ખૂબ જરૂરી: પીએમ મોદી

વડા પ્રધાન નરેન્દ્ર મોદી શુક્રવારે વ્હાઈટ હાઉસમાં અમેરિકી રાષ્ટ્રપતિ જો બાયડનને મળ્યા હતા. ભારત અને અમેરિકા વચ્ચે દ્વિપક્ષીય વાતચીત કરી હતી.. તેમની આ દ્વિપક્ષીય વાટાઘાટો દરમિયાન ગાંધીજીનો પણ ઉલ્લેખ કરવામાં આવ્યો હતો. પીએમ મોદીએ કહ્યું, જો બાયડને ગાંધી જયંતીનો ઉલ્લેખ કર્યો. ગાંધીજીએ ટ્રસ્ટીશીપ (રક્ષણ) વિશે વાત કરી હતી, જે એક ખ્યાલ છે જે આવનારા સમયમાં આપણા ગ્રહ માટે ખૂબ જ મહત્વપૂર્ણ છે.

આ ગ્રહ માટે ગાંધીજીના ટ્રસ્ટીશીપનો સિદ્ધાંત ખૂબ જરૂરી
પીએમ મોદીએ કહ્યું, 'આ ટ્રસ્ટીશીપ માટે આ દાયકો પણ ખૂબ મહત્વનો છે, મહાત્મા ગાંધીએ હંમેશા હિમાયત કરી હતી કે આપણે આ ગ્રહના ટ્રસ્ટી છીએ. આ ટ્રસ્ટીશીપ સ્પિરિટ ભારત અને અમેરિકાના સંબંધોમાં પણ મહત્વની ભૂમિકા ભજવશે.આ દરમિયાન અમેરિકી રાષ્ટ્રપતિ પીએમ મોદી સાથે તેમના અને ઉપરાષ્ટ્રપતિ કમલા હેરિસના પૂર્વજો ભારતીય હોવા અંગે ચર્ચા કરતા જોવા મળ્યા હતા.

અને બંને રાષ્ટ્રના વડાઓ હસી પડ્યા 
ઔપચારિક અભિવાદન બાદ, બંને નેતાઓ વાતચીત કરવા બેઠા ત્યારે, અમેરિકન પ્રમુખે ભારતમાં પાંચ બાઈડનની હાજરી વિશે વાત કરવાનું શરૂ કર્યું. ભારતના પ્રધાનમંત્રી નરેન્દ્ર મોદી પણ તેમની રમુજી શૈલી પર હસ્યા. તેમણે જવાબ આપ્યો કે તે ભારતમાંથી બાઈડન લોકોની વંશાવલી લઈને આવ્યા છે. યુએસ પ્રમુખ તેને આરામથી વાંચી શકે છે. તેના જવાબરૂપે બાયડને જવાબ આપ્યો કે, મુંબઈ પ્રવાસે હતો ત્યારે હું ભારતીય મૂળની મહિલા સાથે લગ્ન કરવા ઈચ્છતો હતો. આ વાત પર બંન્ને રાષ્ટ્રોના વડા હસી પડ્યા હતા. 

પીએમ મોદીએ કહ્યું-ભારત-અમેરિકાના સંબંધોમાં ટેકનોલોજી મહત્વની ભૂમિકા ભજવે છે
પીએમ મોદીએ કહ્યું કે તમે કહ્યું કે 40 લાખ ભારતીયો અમેરિકાને મજબૂત કરી રહ્યા છે. લોકો વચ્ચેનો સંપર્ક મહત્વનો છે અને આમાં તમારું યોગદાન ખૂબ મહત્વનું રહેશે. એ જ રીતે, ભારત-અમેરિકાના સંબંધોમાં ટેકનોલોજી મહત્વની ભૂમિકા ભજવી શકે છે. એ જ રીતે, ભારત અને અમેરિકા વચ્ચે વેપારનો પોતાનો સંબંધ છે અને આપણે એકબીજાને પૂરક બનાવી શકીએ છીએ. કેટલીક ચીજો એવી છે જેની અમેરિકા પાસેથી ભારતને જરૂર છે તો કેટલીક ચીજો એવી પણ છે કે, ભારત પાસેથી અમેરિકાને જરૂર છે.

રાષ્ટ્રપતિ બાયડને વ્હાઇટ હાઉસમાં કહ્યું - આજે ભારત -અમેરિકા સંબંધોના નવા અધ્યાયની શરૂઆત
રાષ્ટ્રપતિ બાયડને વ્હાઇટ હાઉસમાં પીએમ મોદીને કહ્યું કે અમે તમને લાંબા સમયથી ઓળખીએ છીએ. તેમણે કહ્યું કે આજે આપણે ભારત-અમેરિકા સંબંધોના નવા અધ્યાયની શરૂઆત કરી રહ્યા છીએ. 4 મિલિયન ભારતીય અમેરિકનો દરરોજ અમેરિકાને મજબૂત બનાવી રહ્યા છે.

વ્હાઈટ હાઉસ બહાર લાગ્યા મોદી-મોદીના નારા 
પ્રધાનમંત્રી મોદી અમેરિકન રાષ્ટ્રપતિ જો બાયડનને મળવા પહોંચતા જ ભારતીય સમુદાયના લોકોએ વ્હાઈટ હાઉસની બહાર મોદી-મોદીના નારા લગાવ્યા હતા.

પીએમ મોદીએ અમેરિકન ઉપરાષ્ટ્રપતિ કમલા હેરિસની સાથે મુલાકાત કરી
જણાવી દઇએ કે, આ મહત્વની મીટિંગની પહેલા પીએમ મોદીએ અમેરિકન ઉપરાષ્ટ્રપતિ કમલા હેરિસની સાથે મુલાકાત કરી છે. ઓસ્ટ્રેલિયા અને જાપાનના પ્રધાન મંત્રીને મળ્યા હતા અને ભારતની સાથે મજબૂત સંબંધની પહેલ કરી છે. હવે તમામની નજર અમેરિકન રાષ્ટ્રપતિ બાયડન અને પીએમ મોદીની મુલાકાત પર ટકેલી છે. જેમાં આતંકવાદ સહિત અનેક મુદ્દાઓ પર ચર્ચા થવાની આશા છે.