દેશના પ્રથમ PM પંડિત નેહરૂની આજે 54મી પુણ્યતિથિ મોદી-રાહુલ ગાંધીએ આપી શ્રદ્ધાંજલી

નવી દિલ્હીઃ દેશના પ્રથમ પ્રધાનમંત્રી પંડિત જવાહરલાલ નેહરૂની આજે 54મી પુણ્યતિથી છે. PM નરેન્દ્ર મોદીએ ટ્વીટરથી શ્રદ્ધાંજલિ પાઠવી છે. તો કોંગ્રેસ અધ્યક્ષ રાહુલ ગાંધી પૂર્વ પીએમ મનમોહનસિંહ અને પૂર્વ રાષ્ટ્રપતિ પ્રણવ મુખર્જી સહિત કોંગ્રેસ દિગ્ગજનેતાઓએ શ્રદ્ધાંજલિ આપી હતી.

દિલ્લીમાં શાંતિવન પહોંચીને શ્રદ્ધાંજલિ આપી મૌન પાળ્યું હતું. જવાહરલાલ નેહરૂનું નિધન 27 મે 1964ના રોજ થયું હતું. અને તેમનો જન્મ 14 નવેમ્બર 1889ના રોજ થયો હતો. તેમના જન્મદિવસને બાળદિવસ તરીકે મનાવવામાં આવે છે.

PMએ ટ્વીટર પર આપી શ્રદ્ધાંજલી રાહુલ પહોંચ્યા શાંતિવન
વડાપ્રધાન નરેન્દ્ર મોદીએ રવિવારે સવારે ટ્વીટ કરી પંડિત નેહરૂની પુણ્યતિથિ પર તેમણે શ્રદ્ધાંજલિ અર્પણ કરી હતી. ત્યારે કોંગ્રેસ અધ્યક્ષ રાહુલ ગાંધી સવારે શાંતિવન પહોંચ્યા અને પોતાના નાનાને શ્રદ્ધાંજલિ આપી.
 

Congress President @RahulGandhi pays tribute to Shri Jawaharlal Nehru the first Prime Minister of India on his 54th death anniversary at Shanti Van. #RememberingNehru pic.twitter.com/30CIZPQx0T

— Congress (@INCIndia) May 27 2018

ઉલ્લેખનીય છે કે જવાહરલાલ નેહરૂનો જન્મ 14 નવેમ્બર 1889ના રોજ ઉત્તર પ્રદેશના ઇલાહાબાદ શહેરમાં થયો હતો. તેમના જન્મદિવસને સમગ્ર દેશમાં બાળ દિવસ તરીકે મનાવવામાં આવે છે.
 

Tributes to our first Prime Minister Pandit Jawaharlal Nehru on his death anniversary.

— Narendra Modi (@narendramodi) May 27 2018

તમને જણાવી દઇએ કે નેહરૂની ઇચ્છા હતી કે તેઓ વકીલની પ્રેક્ટિસ કરે પરંતુ તેઓ આ કામ થોડા દિવસો સુધી જ કરી શક્યા. મહાત્મા ગાંધી જે રીતે અંગ્રેજોથી દેશને મુક્ત કરાવવા માટે અભિયાન ચલાવી રહ્યા હતા તેનાથી નેહરૂ ઘણા પ્રભાવિત થયા અને મહાત્મા ગાંધીની સાથે જોડાઇ ગયા.

પંડિત નેહરૂ એક સારા નેતા અને વક્તા જ નહોતા તેઓ એક સારા લેખક પણ હતા. તેમણે અંગ્રેજીમાં ધ ડિસ્કવરી ઓફ ઇન્ડિયા ગ્લિંપસેસ ઓફ વર્લ્ડ હિસ્ટરી અને બાયોગ્રાફી ટુવર્ડ ફ્રીડમ જેવી કેટલાક પુસ્તકો લખ્યા હતા.