પ્રધાનમંત્રી નરેન્દ્ર મોદી અને રશિયાના રાષ્ટ્રપતિ પુતિન સાથે ટેલિફોનિક વાતચીત થઇ. બંને નેતાઓએ આ દરમિયાન વિશ્વમાં ચાલી રહેલી કોરોના મહામારી અંગે ચર્ચાકરી. પ્રધાનમંત્રી નરેન્દ્ર મોદીએ રશિયામાં કોરોનાથી સંક્રમિત વ્યક્તિઓની જલ્દી ઠીક થઇ જવાને લઇને પ્રાર્થના અને શુભકામના પાઠવી.
પીએમ મોદી અને પુતિને ટેલિફોન પર વાતચીત કરી
કોરોના વાયરસને લઇને બંને નેતાઓ વચ્ચે થઇ વાતચીત
કોરોના વાયરસ સામેની જંગમાં આંતરરાષ્ટ્રીય સહયોગના મહત્વ પર ભાર મુક્યો
પીએમ મોદીએ આશા વ્યક્ત કરી કે રશિયામાં આ મહામારીને લઇને રાષ્ટ્રપતિ પુતિનના પ્રયત્નો સફળ થાય. આ સાથે રશિયાના રાષ્ટ્રપતિ પુતિને પણ ભારત દ્વારા કરવામાં આવી રહેલા પ્રયાસોને સફળતા મળે તેવું જણાવ્યું.
પીએમ મોદી અને પુતિન વચ્ચે આરોગ્ય, ચિકિત્સા, વૈજ્ઞાનિક અનુસંધાન, માનવીય મુદ્દાઓ અને વૈશ્વિક અર્થવ્યવસ્થા પર આ વૈશ્વિક સંકટના કારણે આવી રહેલા પડકારને પહોંચી વળવા માટે આગળની કાર્યવાહી તેમજ આપસી સહયોગ પર ચર્ચા કરી. બંને નેતાઓએ કોરોના વાયરસ સામેની જંગમાં આંતરરાષ્ટ્રીય સહયોગના મહત્વ પર ભાર મુક્યો.
પ્રધાનમંત્રી નરેન્દ્ર મોદીએ રશિયામાં ભારતીય વિદ્યાર્થીઓને કોઇ મુશ્કેલી ન પડી તે માટે રશિયાના અધિકારીઓની મદદની પ્રશંસા કરી અને આશા વ્યક્ત કરી કે આગળ પણ આ જ રીતનો સહયોગ મળતો રહેશે. રાષ્ટ્રપતિ પુતિને આ સંબંધમાં દરેક પ્રકારની મદદનું આશ્વાસન આપ્યું.
પ્રધાનમંત્રી નરેન્દ્ર મોદીએ પુતિનને કહ્યું કે રશિયાના નાગરિકોને પણ જ્યારે તેમની સુરક્ષિત વાપસીની જરૂરિયાતના બધા પ્રયત્નો જયારે જરૂરી હશે ત્યારે કરવામાં આવશે. આ સાથે બંને નેતાઓએ દ્વિપક્ષીય સંબંધોને લઇને ચર્ચા કરી અને ભવિષ્યમાં વધારે સુદ્રઢ બનાવવા માટે આશા વ્યક્ત કરી. બંને નેતાઓએ જણાવ્યું કે તેઓ વર્ષ દ રમિયાન વ્યક્તિગત રીતે વાતચીત માટે ઘણી તકોની આશા રાખે છે.