લોકસભામાં રાષ્ટ્રપતિના અભિભાષણ પરની ચર્ચા દરમિયાન વડાપ્રધાન મોદી અને કોંગ્રેસ નેતા અધીર રંજન ચોધરી વચ્ચે ચડસાચડસી જોવા મળી.
લોકસભામાં રાષ્ટ્રપતિના અભિભાષણ પરની ચર્ચા દરમિયાન વડાપ્રધાન મોદીનું એક અનોખુ સ્વરુપ જોવા મળ્યું.
પીએમ મોદી કૃષિ કાયદા પર બોલવા લાગ્યા ત્યારે કોંગ્રેસ નેતા અધીર રંજન ચોધરી ટોકવા લાગ્યા
પરંતુ જ્યારે ટોકવાનું હદ બહાર ગયુ ત્યારે મોદી થોડા ગુસ્સામાં આવી ગયા.
પીએમ મોદી જ્યારે કૃષિ કાયદાની તરફેણમાં બોલવા લાગ્યા ત્યારે કોંગ્રેસ નેતા અધીર રંજન ચોધરી વચ્ચે ટોકવા લાગ્યા હતા. પીએમ મોદીએ પહેલા તો ચોધરીને હસીને ચૂપ કરાવી દીધા.
ખેંચતાણની વચ્ચે મોદીએ સ્પીકરને કહ્યું, આ બધુ પણ ચાલતા રહેવું જોઈએ પરંતુ જ્યારે ટોકવાનું હદ બહાર ગયુ ત્યારે મોદી થોડા ગુસ્સામાં આવી ગયા.
હોબાળો, અડચણનો પ્રયાસ જાણીજોઈને કરાયેલી રણનીતિ
આ પછી ચોધરી ઊભા થઈને હો-હો કરવા લાગ્યા ત્યારે મોદીએ કહ્યું, આ હોબાળો, આ અડચણનો પ્રયાસ એક જાણીજોઈને કરાયેલી રણીનીતિ છે. જેવો હોબાળો બહાર કરતા હોવ છો તેવો હોબાળો અંદર પણ કરતા રહો પરંતુ તેનાથી લોકોને તમારા પર વિશ્વાસ નહીં પડે. પહેલા જે વ્યવસ્થા હતી તેમાંથી થોડી વ્યવસ્થાએ આ કાયદાએ છીનવી લીધી છે.. બધું જુનું યથાવત જ છે.... નવું થયું છે તેને વિકલ્પ અપાયો છે.
ખેડૂતોને જ્યાં વધારે ફાયદો મળતો હોય ત્યાં જવાની વ્યવસ્થા કરાઈ છે
ખેડૂતોને જ્યાં વધારે ફાયદો મળતો હોય ત્યાં જવાની વ્યવસ્થા કરાઈ છે. મોદીએ અધીર રંજનને ટોકતા કહ્યું કે હવે આ વધારે પડતું થઈ રહ્યું છે. બંગાળ કરતા પણ તમને વધારે પબ્લિસિટી મળી જશે. અધીર રંજન જી પ્લીઝ, સારુ નથી લાગતું. હું તમારો આદર કરુ છું.. તમે હદ બહાર જઈ રહ્યાં છો.