શરૂઆત / ટ્વિટરને ટક્કર આપશે દેશી Tooter: PM મોદી-અમિત શાહે વોકલ ફોર લોકલ માટે બનાવ્યું સ્વદેશી ઍપ પર એકાઉન્ટ

• ટ્વિટરને ટક્કર આપવા બનાવ્યુ ટૂટર 
• વડાપ્રધાને પણ બનાવ્યુ અકાઉન્ટ 
• ગૃહપ્રધાન અમિત શાહ પણ ટૂટર પર 

ટૂટર આ વર્ષે જૂન-જૂલાઈમાં શરૂ થયું હતું, પરંતુ લોકો વચ્ચે ચર્ચામાં હવે આવ્યું છે. ટૂટરે સાઈટ પર ‘અબાઉટ અસ’ સેક્શનમાં જણાવ્યું છે કે, અમારું માનવું છે કે ભારતમાં એક સ્વદેશી સોશિયલ નેટવર્ક હોવું જોઈએ, ટૂટર અમારું સ્વદેશી આંદોલન 2.0 છે. આ આંદોલનમાં અમારી સાથે જોડાઓ.

વડા પ્રધાન નરેન્દ્ર મોદીનું ટૂટર પર વેરિફાઈડ એકાઉન્ટ છે. કેન્દ્રીય ગૃહપ્રધાન અમિત શાહ, સંરક્ષણ પ્રધાન રાજનાથસિંહ અને સદગુરુ પણ ટૂટર પર છે. આ ઉપરાંત ભાજપનું પણ ટૂટર પર ઓફિશિયલ એકાઉન્ટ છે. 

ટૂટરની ડિઝાઈન અને ઈન્ટરફેસ સંપૂર્ણ રીતે ટ્વિટર જવી જ છે અને તેના લોકોમાં એક બ્લ્યૂ રંગનો શંખ છે. ટૂટર પર એકાઉન્ટ બનાવ્યા બાદ તમે લોકો સાથે જોડાઈ શકો છો. ન્યૂઝ ફીડમાં તમે અન્ય લોકોની પોસ્ટ જોઈ શકો છો. પોતે પણ ટ્વિટ કરી શકો છો. ટૂટર એપ ગૂગલ પ્લે સ્ટોર ઉપર પણ ઉપલબ્ધ છે અને તેનો ઉપયોગ વેબસાઈટ tooter.in ઉપર પણ કરી શકાય છે. જોકે આઈઓએસ યુઝર્સ માટે હજુ આ એપ ઉપલબ્ધ નથી. ટૂટર પર નામ, ઈમેઈલ આઈડી અને પાસવર્ડ નાખીને એકાઉન્ટ બનાવી શકાય છે.