અમેરિકા / PM મોદી-ટ્રમ્પ વચ્ચે આજે ફરી મુલાકાત, મહાત્મા ગાંધીની 150મી વર્ષગાંઠના કાર્યક્રમમાં સામેલ થશે

• પીએમ મોદીના અમેરિકા પ્રવાસનો ચોથો દિવસ
• મહાત્મા ગાંધીની 150મી વર્ષગાંઠના કાર્યક્રમમાં થશે સામેલ
• બ્લૂમબર્ગના સીઈઓ સાથે મુલાકાત પણ કરશે
• PMને ગ્લોબલ ગોલ કીપર એવોર્ડથી સન્માનિત કરાશે
• આ એવોર્ડ પીએમ મોદીને સ્વચ્છતા અભિયાન માટે આપવામાં આવશે

​ફરી એક વાર જોવા મળી ટ્રમ્પ- મોદીની મિત્રતા

હ્યૂસ્ટન બાદ ન્યૂયોર્કમાં પણ ટ્રમ્પ-મોદીની મિત્રતા જોવા મળી હતી. UNની ક્લાઈમેટ સમિટમાં અચાનક ટ્રમ્પ પહોંચ્યા અને પીએમનું ભાષણ સાંભળ્યું હતું. પ્રધાનમંત્રી મોદી સંયુક્ત રાષ્ટ્ર મહાસભાની 74મી સમિટમાં સામેલ થવા ન્યુયોર્કમાં UN હેડક્વાર્ટર પહોંચ્યા હતા. અહીં તેમણે જળવાયુ પરિવર્તન વિશે સંબોધન કર્યું હતું અને ભારત દ્વારા લેવાયેલા નિર્ણયો વિશ્વ સમક્ષ મૂક્યા હતા. તેમણે સિંગલ યુઝ પ્લાસ્ટિક, સોલાર એનર્જી, અને અન્ય વિષયો પર વાત કરીને દુનિયાના નેતાઓને એક્શન લેવા માટે જણાવ્યું હતું. પીએમનું ભાષણ પૂર્ણ થતાં તેઓએ પીએમને તાળીઓથી વધાવ્યા હતા.  ઉલ્લેખનીય છે કે હ્યુસ્ટન, ન્યૂયોર્કના પ્રવાસ પછી પીએમ મોદી આજે UNSG તરફથી લંચમાં ભાગ લેશે. બ્લૂમબર્ગના સીઈઓ સાથે મુલાકાત પણ કરશે. યૂએનમાં તેઓ ક્લાઈમેટ સમિટમાં ભાગ લેશે. જાણી લો પીએમ મોદીનો અમેરિકા પ્રવાસના ચોથા દિવસનો સમગ્ર કાર્યક્રમ. 

પીએમ મોદીનો આજનો કાર્યક્રમ

PM મોદીના અમેરિકા પ્રવાસનો ચોથો દિવસ છે ત્યારે પીએમ મોદી ન્યૂયોર્કમાં મહાત્મા ગાંધીની જન્મજયંતિ કાર્યક્રમમાં  ભાગ લેશે. સાથે જ તેઓ અહીં ગાંધી સોલાર પાર્કનું ઉદ્ઘાટન પણ કરશે. આતંકવાદ પર સંવાદ કાર્યક્રમમાં ભાગ લેશે  અને ત્યારબાદ તેઓ બ્લૂમબર્ગના CEO સાથે મુલાકાત કરશે. બિલ એન્ડ મેલિંડા ગેટ્સ ફાઉન્ડેશન PMને ગ્લોબલ ગોલ કીપર એવોર્ડથી સન્માનિત કરશે. આ એવોર્ડ પીએમ મોદીને સ્વચ્છતા અભિયાન માટે આપવામાં આવશે. 2014માં PM મોદીએ  સ્વચ્છતા અભિયાનની શરૂઆત કરી હતી. જે સિદ્ધ કરવાનો ટાર્ગેટ 2019નો હતો. જેને લઈને ફાઉન્ડેશન આજે પીએમ મોદીને સન્માનિત કરશે.

આ છે સોલાર પેનલની વિશેષતા
સોલાર પાર્કમાં કુલ 193 સોલાર પેનલ લગાવાઈ છે.  UNમાં પ્રત્યેક દેશ માટે એક સોલાર પેનલ પણ હશે. 10 લાખ ડોલરના ખર્ચે આ સોલાર પેનલ લગાવવામાં આવી છે. UN ઓફિસની છત પર આ સોલાર પેનલ લગાવાઈ છે. ઉલ્લેખનીય છે કે, પીએમ મોદીએ પર્યાવરણને લઈને સમગ્ર દેશને આગળ આવવા માટે પણ અપીલ કરી છે.

PM મોદી અને ટ્રમ્પ વચ્ચે મુલાકાત થશે
ન્યૂયોર્કમાં આજે મોદી અને ટ્રમ્પ વચ્ચે મુલાકાત થશે. ભારત અને અમેરિકાના દ્વિપક્ષીય બેઠક મળશે. જેમાં કશ્મીર મુદ્દે ચર્ચા થશે. સાથે જ આતંકવાદનો મુદ્દો પણ ચર્ચાઈ શકે છે. વેપાર, પેટ્રોલિયમ આઈટી સેક્ટર મુદ્દે પણ ચર્ચા કરવામાં આવશે. ત્રણ દિવસમાં ત્રીજી વાર મોદી અને ટ્રમ્પ વચ્ચે મુલાકાત થઈ રહી છે. હાઉડી મોદી કાર્યક્રમ અને ત્યાર બાદ UNમાં ક્લાઈમેટ ચેન્જ સેમિનારમાં ટ્ર્મ્પ અને મોદી વચ્ચે મુલાકાત થઈ હતી. તો આજે ટ્રમ્પ સાથે PM મોદીની દ્વિપક્ષીય બેઠક થશે.