વક્તવ્ય / WEFમાં PM મોદીનું સંબોધન, કહ્યું ભારત એ દેશોમાં સામેલ જ્યાં સૌથી વધુ નાગરિકોના જીવ બચાવાયા

• દાવોસમાં યોજાઇ રહ્યું છે સંમેલન
• વર્લ્ડ ઈકોનોમિક ફોરમમાં પીએમ મોદીનું સંબોધન 
• કોરોના કાળમાં ભારતની કામગીરીની કરી પ્રશંસા

પીએમ મોદીએ વર્લ્ડ ઇકોનોમિક ફોરમના દાવોસ ડાયલોગને સંબોધન કરતાં કહ્યું કે કોરોના યુગમાં આજે ભારત વિશ્વના એવા દેશોમાંનો એક દેશ છે જે વધુને વધુ નાગરિકોના જીવન બચાવવામાં સફળ રહ્યો છે.

વીડિયો કોન્ફરન્સ દ્વારા પીએમ મોદીનું સંબોધન 

વડા પ્રધાન નરેન્દ્ર મોદીએ આજે ​​વર્લ્ડ ઇકોનોમિક ફોરમના દાવોસ સંમેલનને વીડિયો કોન્ફરન્સ દ્વારા સંબોધન કર્યું હતું. તેમણે કહ્યું કે કોરોના સાથેની લડાઇમાં ભારતના દરેક વ્યક્તિએ ધૈર્ય સાથે પોતાની ફરજો નિભાવી. સાથે જ કહ્યું હતું કે એ કહ્યું કે 12 દિવસમાં 23 લાખ લોકોને કોરોના રસી આપવામાં આવી હતી.તેમણે કહ્યું કે કોરોના સામેની લડાઈ એક જન આંદોલનમાં ફેરવાઈ ગઈ. આજે, ભારત વિશ્વના તે દેશોમાં શામેલ છે, જે વધુને વધુ નાગરિકોના જીવન બચાવવામાં સફળ રહ્યું છે.

વડા પ્રધાને કહ્યું કે, આજે ભારતના કોવિડની રસી વિશ્વના ઘણા દેશોમાં મોકલીને, તેમને ત્યાં રસીકરણ સંબંધિત માળખાકીય સુવિધાઓ તૈયાર કરીને અન્ય દેશોના નાગરિકોના જીવ બચાવી રહ્યું છે. પીએમ મોદીએ કહ્યું કે, "સર્વે સંતુ નિરામય:" એટલે કે આખું વિશ્વ સ્વસ્થ રહે. સંકટના આ સમયમાં, ભારતની હજારો વર્ષ જૂની પરંપરાને અનુસરીને, ભારતે પણ શરૂઆતથી જ તેની વૈશ્વિક જવાબદારી નિભાવી છે.

ભારતે અન્ય દેશોને પણ મોકલી દવાઓ: પીએમ મોદી 

તેમણે વધુમાં કહ્યું, "જ્યારે વિશ્વના દેશોમાં હવાઈ પરિવહન બંધ હતું, ત્યારે પણ એક લાખથી વધુ નાગરિકોને તેમના દેશમાં મોકલવા ઉપરાંત, ભારતે 150 થી વધુ દેશોમાં આવશ્યક દવાઓ અને મેડિકલ સામગ્રીઓ પણ મોકલી હતી." 

દાવોસ ડાયલોગ એજન્ડા, કોવિડ -19 મહામારી પછીના વિશ્વમાં વર્લ્ડ ઇકોનોમિક ફોરમની મહત્વપૂર્ણ પહેલની શરૂઆતને દર્શાવે છે. આ કાર્યક્રમમાં વિશ્વના 400 થી વધુ ઉદ્યોગના પ્રતિનિધિઓ ભાગ લઈ રહ્યા છે.અન્ય વૈશ્વિક નેતાઓમાં, સંમેલનને અત્યાર સુધી ચીનના રાષ્ટ્રપતિ શી જિનપિંગ, જર્મનીના ચાન્સેલર એન્જેલા માર્ક્લે અને રશિયાના રાષ્ટ્રપતિ, વ્લાદિમીર પુટિન દ્વારા સંબોધન કરવામાં આવ્યું છે.