વડાપ્રધાન નરેન્દ્ર મોદીએ ઉમેદવારી નોંધવતા અગાઉ ભાજપના કાર્યકર્તાઓને સંબોધન કર્યું છે. હું પણ બૂથ કાર્યકર્તા રહ્યો છું, મને પણ દીવાલ પર પોસ્ટર લગાવવાનું સૌભાગ્ય મળ્યું છે.
વડાપ્રધાન નરેન્દ્ર મોદીએ ઉમેદવારી નોંધવતા અગાઉ ભાજપના કાર્યકર્તાઓને સંબોધન કર્યું છે. આ અગાઉ યુપીના સીએમ યોગી આદિત્યનાથે પોતાના સંબોધનમાં કહ્યું કે પીએમ મોદીએ કાશીની નવી ઓળખ ઉભી કરી છે. પીએમ મોદીએ ભાજપના કાર્યકર્તાઓને સંબોધન કરતાં કહ્યું કે કાલે મે જે દ્રશ્ય જોયું તેમાં તમારા પરસેવાની મહેક આવી રહી હતી.
હું પણ બૂથ કાર્યકર્તા રહ્યો છું, મને પણ દીવાલ પર પોસ્ટર લગાવવાનું સૌભાગ્ય મળ્યું છે. પીએમ મોદીએ કહ્યું કે આજે દેશમાં લોકો જાતે કહી રહ્યાં છે કે એક વાર ફરી મોદી સરકાર. આ વખતે પોલિટીક્સના પંડિતોનું ગણિત ખોટુ પડશે. પીએમ મોદીએ કહ્યુંકે આ વખતે જનતા મન બનાવી ચૂકી છે, આ ઇતિહાસમાં પ્રથમ વખત છે કે આ પ્રકારની ચૂંટણી લડવામાં આવી રહી છે.
પીએમ મોદીએ કાર્યકર્તાઓને સંબોધન કરતાં કહ્યું કે હું છેલ્લા દોઢ વર્ષથી દેશમાં ભ્રમણ કરી રહ્યો છું. હું અમિત શાહ, યોગી આદિત્યનાથ બધા કાર્યકર્તા નિમિત્ત છીએ. પહેલી વખત દેશના લોકોએ જોયું કે સરકાર કામ પણ કરે છે.
કાશી જીતવાનું ગઇકાલે કામ પૂર્ણ થઇ ગયું છે. મારું જે પણ થશે તે ગંગા મૈયા જોઇ લેશે. તમે અમારા કાર્યકર્તાઓ નહીં માલિક છો. આ સંબોધનમાં અમિત શાહ સહિત એનડીએના દિગ્ગજ નેતાઓ ઉપસ્થિત રહ્યાં. આજે સમગ્ર દેશમાં ઉત્સવનો માહોલ જોવા મળી રહ્યો છે. દેશમાં પ્રથમ વખત સત્તા પક્ષ લહેર જોવા મળી રહી છે.
પીએમ મોદીએ વારાણસીમાં સંબોધન કરતાં કહ્યું કે હું પાક્કો અમદાવાદી છું. રાજનીતિમાં મિત્રતા અને ભાઇચારો સમાપ્ત થઇ રહ્યો છે. રાજનીતિમાં સમ્માનની ભાવના પરત લાવવી જરૂરી છે. કાશ્મીરથી લઇ કન્યાકૂમારી સુધી લોકોમાં ઉત્સાહ જોવા મળી રહ્યો છે. લોકોએ મારી સુરક્ષાને લઇને ચિંતા કરી છે. માતાઓ અને બહેનો 21મી સદીના તાકાત બનશે. પુરુષોથી વધુ મહિલાઓનું મતદાન થવું જોઇએ. પ્રથમ વાર મતદાન કરનારાઓના મો મીઠા કરાવો. ગઇકાલે સાંજના કરેલા રોડ શોને લઇને લોકોએ મારી સુરક્ષા મામલે ચિંતા કરી છે.