કાશીને સંબોધન / 'મા ગંગાએ મને દત્તક લઈ લીધો, અહીંનો બની ગયો' જીત બાદ પહેલી વાર PM મોદી વારાણસીમાં

પીએમ કિસાન સન્માન નિધિનો 17મો હપ્તો બહાર પાડતાં પહેલા પીએમ મોદીએ વારાણસીની જનતાને સંબોધિત કરી હતી. વારાણસીમાં કિસાન સન્માન નિધિનો 17મો હપ્તો પાડવાના પ્રસંગે પીએમ મોદીએ પોતાના સંબોધનની શરૂઆત નમઃ પાર્વતી પતાયે હર હર મહાદેવથી કરી હતી. તેમણે કહ્યું, "ચૂંટણી જીત્યા પછી, અમે પહેલીવાર બનારસ આવ્યો છું, કાશીની જનતાએ મને ત્રીજી વખત તેમના પ્રતિનિધિ તરીકે ચૂંટીને મને આશીર્વાદ આપ્યા છે. હવે લાગે છે કે માતા ગંગાએ પણ મને દત્તક લીધો છે.

સાંસદ નહીં ત્રીજી વાર પીએમને ચૂંટ્યાં

પીએમ મોદીએ કહ્યું કે કાશીની જનતાએ માત્ર સાંસદ જ નહીં પરંતુ ત્રીજી વખત પીએમને પણ ચૂંટ્યા છે. તેથી, તમને લોકોને બેવડી અભિનંદન. જનતાએ આપેલો જનાદેશ અભૂતપૂર્વ છે. ભારત જેવા દેશમાં જો 10 વર્ષ પછી પણ જનતા મને કામ કરવાની તક આપે છે, તો તે એક મહાન વિશ્વાસ છે. તમારો વિશ્વાસ મારી સૌથી મોટી સંપત્તિ છે. હું તમારા સપના પૂરા કરવા માટે દિવસ-રાત મહેનત કરીશ.

પહેલો નિર્ણય ગરીબો માટે લીધો

મોદીએ કહ્યું કે સરકાર બનાવ્યા પછી, પહેલો નિર્ણય ખેડૂતો અને ગરીબ પરિવારો માટે લેવામાં આવ્યો હતો. 3 કરોડ નવા મકાનો અથવા પીએમ કિસાન સન્માન નિધિને આગળ વધારવાનો. આ નિર્ણયથી કરોડો લોકોને મદદ મળશે. કાશીની સાથે સાથે દેશના ગામડાના કરોડો ખેડૂતો અમારી સાથે જોડાયેલા છે.

9.2 કરોડ ખેડૂતોના ખાતામાં 20,000 કરોડ જમા

પ્રધાનમંત્રી મોદીએ કિસાન સન્માન નિધિનો 17મો હપ્તો બહાર પાડ્યો છે અને 9.2 કરોડ ખેડૂતોના ખાતામાં 20,000 કરોડ ટ્રાન્સફર કર્યાં હતા.

વધુ વાંચો : અન્નદાતા આનંદો ! PM મોદીએ ખેડૂતોના ખાતામાં જમા કર્યાં 20,000 કરોડ, ફટાફટ કરી લેજો ચેક

2 મોટા લાભ આપ્યાં

પહેલી કેબિનેટ બેઠકમાં મોદી સરકારે 3 કરોડ નવા આવાસ બનાવવાનું એલાન કર્યું હતું જે પછી આજે ખેડૂતોના ખાતામાં 20,000 કરોડ જમા કર્યાં આ રીતે ત્રીજી વાર સત્તામાં આવ્યાં બાદ મોદી સરકારે બે મોટા લાભ આપ્યાં.