કેન્દ્ર સરકારે નાણા બજેટમાં પીએમ કિસાન સન્માન નિધિ માટે 2.2 લાખ કરોડની જોગવાઈ કરી છે જેથી વધારેમાં વધારે ખેડૂતોને આ યોજના હેઠળ આવરી લેવાશે.
આગામી થોડા સમયમાં આવશે કિસાન સન્માન નિધિનો 13મો હપ્તો
વધારેમાં વધારે ખેડૂતોને પૈસા આપવાનો સરકારનો હેતુ
બજેટમાં પીએમ કિસાન સન્માન નિધિ માટે કરી 2.2 લાખ કરોડની જોગવાઈ
લાભાર્થી ખેડૂતોની સંખ્યામાં પણ વધારો થવા જઈ રહ્યો છે
આગામી થોડા સમયમાં પ્રધાનમંત્રી કિસાન યોજનાનો 13મો હપ્તો આવવાનો છે પરંતુ તે પહેલા ખેડૂતો માટે એક મોટી ખુશખબર સામે આવી છે. સરકાર લાભાર્થીઓનો વ્યાપ વધારવા જઈ રહી છે. નાણામંત્રી નિર્મલા સીતારમણે બજેટમાં કહ્યું છે કે ખેડૂતોને વધુ લાભ મળવાનો છે.
પીએમ કિસાન સમ્માન નિધિ યોજનામાં 2.2 લાખ કરોડનું રોકાણ
નાણામંત્રી નિર્મલા સીતારામણે પીએમ કિસાન સમ્માન નિધિ યોજનામાં 2.2 લાખ કરોડ રૂપિયાના રોકાણની જાહેરાત કરી છે. હવે આ જાહેરાતથી વધુ પાત્રતા ધરાવતા ખેડૂતોને પીએમ કિસાન યોજના હેઠળ લાભ મળશે. પીએમ કિસાન યોજનાના લાભાર્થી ખેડૂતોની સંખ્યામાં પણ વધારો થવા જઈ રહ્યો છે.
પીએમ કિસાન યોજનાનો 13મો હપ્તો ક્યારે જાહેર થશે?
પ્રધાનમંત્રી કિસાન યોજનાના 13મા હપ્તાની સત્તાવાર જાહેરાત કરવામાં આવી નથી પરંતુ સૂત્રો જણાવી રહ્યાં છે કે ચાલુ મહિનાના (ફેબ્રુઆરી) બીજા અઠવાડિયામાં પીએમ સન્માન નિધિના 13મા હપ્તા હેઠળ ખેડૂતોને 2000 મળી શકે છે.
eKYC વગર નહીં મળે 13મા હપ્તાનો લાભ
જો તમે 13મા હપ્તાનો લાભ લેવા માંગો છો, તો તરત જ eKYC કરાવી લો. પીએમ કિસાન ખાતાની eKYC ઓનલાઇન કરવામાં આવી રહી છે. તમે નજીકના સહાય કેન્દ્રની મુલાકાત લઈને eKYC કરાવી શકો છો.