પીએમ કિસાન યોજનાના લાભાર્થી ખેડૂતો માટે ખુશખબર છે. વડાપ્રધાન નરેન્દ્ર મોદી પીએમ કિસાનનો 11મો હપ્તો જાહેર કરવાના છે. જો તમે પણ આ યોજનામાં અરજી કરી છે તો ફટાફટ યાદીમાં પોતાનું નામ ચેક કરી લો.
પીએમ કિસાન યોજનાના લાભાર્થી ખેડૂતો માટે ખુશખબર
PM મોદી પીએમ કિસાનનો 11મો હપ્તો કરશે જાહેર
તમારા હપ્તાનું સ્ટેટસ ચેક કરવા માટે આટલુ કરો
ક્યારે આવશે 11મા હપ્તાના પૈસા?
મહત્વનું છે કે પીએમ કિસાન યોજના હેઠળ ખેડૂતોને પહેલા હપ્તાના રૂપિયા 1 એપ્રિલથી 31 જુલાઈની વચ્ચે આપવામાં આવે છે. તો બીજા હપ્તાના પૈસા 1 ઓગષ્ટથી 30 નવેમ્બરની વચ્ચે ટ્રાન્સફર કરવામાં આવે છે. આ સિવાય ત્રીજા હપ્તાના રૂપિયા 1 ડિસેમ્બરથી 31 માર્ચની વચ્ચે ટ્રાન્સફર કરવામાં આવે છે. એટલેકે જો આ હિસાબ પ્રમાણે જોઈએ તો એપ્રિલની શરૂઆતમાં ખેડૂતોના ખાતામાં 11 હપ્તાના પૈસા ટ્રાન્સફર થઇ જશે.
પીએમ કિસાન સન્માન નિધિ યોજનાનો હેલ્પલાઈન નંબર
પીએમ કિસાન સન્માન નિધિ યોજનાનો હેલ્પલાઈન નંબર છે 155261 અથવા 1800115526 અથવા પછી 011-23381092 પર સંપર્ક કરી શકો છો. ઈ-મેલ આઈડી પર પોતાની ફરિયાદ મેલ પણ કરી શકો છો. જે ખેડૂતો આ યોજનાનો લાભ હજી સુધી ઉઠાવી શક્યા નથી. તેઓ સત્તાવાર વેબસાઈટ pmkisan.gov.in પર જઇને રજીસ્ટ્રેશન કરી શકે છે. તમે પણ ફટાફટ પોતાના હપ્તાનું સ્ટેટસ ચેક કરી શકો છો.
આ રીતે ચેક કરો યાદીમાં પોતાનું નામ
જેના માટે સૌથી પહેલા તમે પીએમ કિસાન યોજનાની સત્તાવાર વેબસાઈટ https://pmkisan.gov.in પર જાઓ.
હવે તેના હોમપેજ પર તમને Farmers Corner નું ઓપ્શન દેખાશે.
Farmers Corner સેક્શનની અંદર Beneficiaries List ના ઓપ્શન પર ક્લિક કરો.
હવે તમે ડ્રોપ ડાઉન લિસ્ટમાંથી રાજ્ય, જિલ્લા, પેટા જિલ્લો, બ્લોક અને ગામને પસંદ કરો.
ત્યારબાદ તમે 'Get Report' પર ક્લિક કરો.
ત્યારબાદ લાભાર્થીઓની આખી યાદી સામે આવી જશે. જેમાં તમે તમારું નામ ચેક કરી શકો છો.