ખુશખબર / ખેડૂતો માટે ગુડ ન્યૂઝ! આ મહિને જ ખાતામાં આવશે પૈસા, PM મોદીએ પણ આપ્યું નિવેદન

• PM કિસાન યોજનાના લાભાર્થીઓ માટે ખાસ સમાચાર
• 11 હપ્તો એપ્રિલ મહિનામાં જ થશે જમા
• પીએમ મોદીએ ખેડૂતો માટે કર્યુ ટ્વિટ 

પીએમ કિસાન યોજનાના લાભાર્થીઓ માટે મહત્વના સમાચાર આવી રહ્યા છે. પીએમ નરેન્દ્ર મોદી જલ્દી જ પીએમ કિસાનની 11મો  રિલીઝ કરવા જઈ રહ્યા છે. આ સાથે તમને જણાવી દઈએ કે પીએમ મોદીએ પણ ટ્વિટ કરીને ખેડૂતો માટે મોટી વાત કહી છે. મહત્વનું છે કે  મોદી સરકારની મહત્વકાંક્ષી પ્રધાનમંત્રી કિસાન સન્માન નિધિ યોજનાના અત્યાર સુધીમાં 10 હપ્તા આવી ચૂક્યા છે. 10માં હપ્તાના પૈસા 1 જાન્યુઆરી, 2022 નાં રોજ ખેડૂતોના ખાતામાં ટ્રાન્સફર કરવામાં આવ્યા હતાં. 

પીએમ મોદીએ ટ્વિટ કરીને આપી માહિતી
 
પીએમ નરેન્દ્ર મોદીએ કહ્યું, કે દેશને આપણા ખેડૂત ભાઈઓ અને બહેનો પર ગર્વ છે. તેઓ જેટલા મજબૂત હશે તેટલું જ નવું ભારત વધુ સમૃદ્ધ થશે. મને ખુશી છે કે પીએમ કિસાન સન્માન નિધિ અને કૃષિ સંબંધિત અન્ય યોજનાઓ દેશના કરોડો ખેડૂતોને નવી શક્તિ આપી રહી છે.  

हमारे किसान भाई-बहनों पर देश को गर्व है। ये जितना सशक्त होंगे, नया भारत भी उतना ही समृद्ध होगा। मुझे खुशी है कि पीएम किसान सम्मान निधि और कृषि से जुड़ी अन्य योजनाएं देश के करोड़ों किसानों को नई ताकत दे रही हैं। pic.twitter.com/xMSrBrbLT5

— Narendra Modi (@narendramodi) April 10, 2022

11મો હપ્તો ક્યારે આવશે?

પીએમ કિસાન યોજના હેઠળ 1 એપ્રિલથી 31 જુલાઈ વચ્ચે ખેડૂતોને વર્ષના પ્રથમ હપ્તાના પૈસા આપવામાં આવે છે. તે જ સમયે, બીજા હપ્તાના પૈસા 1 ઓગસ્ટથી 30 નવેમ્બરની વચ્ચે આપવામાં આવે છે. આ સિવાય ત્રીજા હપ્તાના પૈસા 1 ડિસેમ્બરથી 31 માર્ચની વચ્ચે ટ્રાન્સફર કરવામાં આવે છે. એટલે કે આ મહિનામાં જ આગામી એટલે કે 11 હપ્તાના પૈસા ખેડૂતોના ખાતામાં ટ્રાન્સફર થઈ જશે.

હપ્તો મેળવવા માટે e-KYC જરુરી

પ્રધાનમંત્રી કિસાન સન્માન નિધિ યોજના હેઠળ કેન્દ્ર સરકાર ખેડૂતોના ખાતામાં દર વર્ષે 3 હપ્તામાં 6 હજાર રૂપિયા જમા કરે છે. જેનાથી ખેડૂતોને આર્થિક મદદ મળે છે. જો કે તમને જણાવી દઇએ કે, ઈ-કેવાયસી કરાવ્યા બાદ જ તમને આ યોજના હેઠળ પૈસા મળશે. જેની માટે તમારે પીએમ કિસાનના ઓનલાઈન પોર્ટલ પર જઈને તમારી માહિતી ભરવાની રહેશે. જો કે, સરકારે ઇ-કેવાયસી માટેની છેલ્લી તારીખ લંબાવી છે. પીએમ કિસાન યોજનાના ઇ-કેવાયસી માટેની છેલ્લી તારીખ અગાઉ 31 માર્ચ હતી જે હવે વધારીને 22 મે, 2022 કરી દેવાઇ છે.

આ રીતે  કરાવો e-KYC

• સૌ પહેલાં પીએમ કિસાન સન્માન નિધિ યોજનાની સત્તાવાર વેબસાઇટ pmkisan.gov.in પર જાઓ.
• હોમ પેજની જમણી બાજુએ 'કિસાન કોર્નર' નામની લિંક પર ક્લિક કરો.
• હવે પ્રથમ વિકલ્પ e-KYC પર ક્લિક કરો.
• હવે તમારો આધાર કાર્ડ નંબર એન્ટર કરો.
• કેપ્ચા કોડને એન્ટર કરો અને સર્ચ પર ક્લિક કરો.
• હવે આધાર કાર્ડ સાથે લિંક કરેલ મોબાઈલ નંબર એન્ટર કરો.
• તમને તમારા મોબાઈલ પર એક OTP આવશે કે જેને એન્ટર કરો.
• તમારું આધાર કાર્ડ લિંક થઈ ગયું છે અને ઈ-કેવાયસી પૂર્ણ થઈ ગયું છે.