પ્રધાનમંત્રી કિસાન સન્માન નિધિના લાભાર્થીઓની પ્રતિક્ષાનો અંત આવવાનો છે. વડાપ્રધાન નરેન્દ્ર મોદી 31મેના રોજ દેશના 12 કરોડથી વધુ ખેડૂતોના ખાતામાં પીએમ કિસાન યોજનાનો 11મો હપ્તો જાહેર કરશે. જે ખેડૂતોને કેન્દ્ર સરકારની આ યોજનાનો લાભ મળવાનો છે, તેનુ નામ પીએમ કિસાનની સત્તાવાર વેબસાઈટ https://pmkisan.gov.in પર જાહેર કરવામાં આવ્યું છે.
પીએમ મોદી 12 કરોડથી વધુ ખેડૂતોના ખાતામાં આપશે પૈસા
પીએમ કિસાન યોજનાના 11મા હપ્તાના આપશે પૈસા
જે લાભાર્થીનું નામ ના આવ્યું તે આ નંબર કરી શકે છે કૉલ
કાલે આવશે ખેડૂતોના ખાતામાં પૈસા
જો તમે પણ આ યોજના માટે લાયક છો તો વેબસાઈટના માધ્યમથી યાદીમાં પોતાનુ નામ ચેક કરી શકો છો. ખરેખર સરકારે 11મો હપ્તો જાહેર થતાં પહેલા ખેડૂતો પાસેથી ઈ-કેવાઈસી કરાવવા માટે કહ્યું હતુ. પહેલા તેના માટે 31 માર્ચ અંતિમ તારીખ હતી. પરંતુ બાદમાં સરકારે તેને વધારીને 31 મે કરી હતી. હવે 31મેએ સરકાર તરફથી હપ્તાના પૈસા પણ ખેડૂતોના ખાતામાં મોકલવામાં આવી રહ્યાં છે.
આ રીતે ચેક કરો યાદીમાં પોતાનું નામ
પીએમ કિસાન યોજનાની સત્તાવાર વેબસાઈટ https://pmkisan.gov.in પર જાઓ.
હવે ફાર્મર કોર્નરમાં આપવામાં આવેલા Beneficiary List વાળા ઑપ્શન પર ક્લિક કરો.
ક્લિક કર્યા બાદ ખુલનારા વેબપેજ પર પ્રદેશ, જિલ્લો, પેટા જિલ્લો, બ્લોક અને ગામની જાણકારી માંગવામાં આવશે.
બધી જાણકારી નોંધ્યા બાદ ગેટ રિપોર્ટ પર ક્લિક કરો.
અહીં એક યાદી ખુલી જશે. જેમાં તમે તમારું નામ શોધી શકો છો.
યાદીમાં તમારું નામ છે તો ખાતામાં પીએમ કિસાન નિધિના 2000 રૂપિયા આવશે.
હેલ્પલાઈન નંબર પર કરો કૉલ
જો યાદીમાં તમારું નામ નથી તો તમે તમારા જિલ્લાના સંબંધિત નોડલ અધિકારી સાથે સંપર્ક કરી યાદીમાં નામ નહીં આવવાનું કારણ જાણી અધૂરી પ્રક્રિયાને પૂર્ણ કરી દો. આ સિવાય જો તમે સતત બે હપ્તાથી તમારું નામ યાદીમાં આવી રહ્યું નથી તો હેલ્પલાઈન નંબર 011-24300606 પર કોલ કરો. અહીં કોલ કર્યા બાદ તમે તમારું નામ અને અન્ય માહિતી બતાવીને જાણકારી ભરી શકો છો.