હાલમાં જ PM મોદીએ ચેન્નઈના મહાબલીપુરમના બીચની મુલાકાત લીધી. આ સમયે તેમના હાથમાં એક વસ્તુ જોવા મળી હતી. તેના વિશે અનેક લોકોને પ્રશ્નો થતાં પીએમ મોદીએ જાતે જ તેના વિશે માહિતી આપી છે. તેઓએ જણાવ્યું છે કે તે એક્યુપ્રેશર રોલર હતું જેને તેઓ હેલ્થ માટે ફાયદારૂપ માને છે.
મહાબલીપુરમમાં પીએમ મોદીના હાથમાં આ 1 વસ્તુ દેખાઈ
પીએમ મોદીએ ટ્વિટ કરીને આ વસ્તુની આપી માહિતિ
બીચ પર એક્યુપ્રેશર રોલર સાથે જોવા મળ્યા હતા પીએમ મોદી
પીએમએ તે વસ્તુને હેલ્થ માટે ગણાવી ફાયદાકારક
પીએમ મોદીના હાથમાં હતું એક્યુપ્રેશર રોલર
મહાબલીપુરમની મુલાકાત દરમિયાન બીજા દિવસે સવારે પીએમ મોદીએ બીચની મુલાકાત લીધી હતી. આ સમયે તેમના હાથમાં એક વસ્તુ હતી. અનેક લોકોને તે વિશે સવાલો થતાં પીએમ મોદીએ ટ્વિટ કરીને કહ્યું કે આ એક એક્યુપ્રેશર રોલર હતું. તેઓએ વધુમાં કહ્યું કે હું તેને મોટાભાગે ઉપયોગમાં લઉં છું. તે ઘણું મદદગાર છે.
હેલ્થ અને ફિટનેસને માટે પીએમ મોદી ખૂબ જ સજાગ છે. પીએમ મોદી લોકોની સાથે અવારનવાર કેટલીક ટિપ્સ શેર કરતાં રહે છે. પીએમએ રવિવારે પોતાના અધિકૃત ટ્વિટર પર કેટલાક ફોટો શેર કર્યા છે અને લોકોને તેના ફાયદા પણ જણાવ્યા છે.
ટ્વિટર પર પીએમ મોદીએ લખ્યું આવું
પીએમ મોદીએ કહ્યું છે કે મહાબલીપુરમમાં બીચ પર મારા હાથમાં એક્યુપ્રેશર રોલર હતું જે હેલ્થને સારી રાખવામાં મદદ કરે છે.
Since yesterday, many of you have been asking - what is it that I was carrying in my hands when I went plogging at a beach in Mamallapuram.
It is an acupressure roller that I often use. I have found it to be very helpful. pic.twitter.com/NdL3rR7Bna
એક્યૂપ્રેશર થેરાપી ખૂબ જ લાભદાયી હોય છે. તેમાં પ્રેશર પોઈન્ટ અને તેની વચ્ચેની આંગળીઓમાં ધીરે ધીરે દબાણ આપવામાં આવે છે અને તેનાથી એક્યુપ્રેશર પોઈન્ટ કાર્યરત થાય છે. ન્યોરોનમાં તણાવ ઘટે છે. દિવસભર ફ્રેશ રહેવાનો અનુભવ થાય છે.
શું છે ફાયદા?
એક્યુપ્રેશર થેરાપી બ્લડ સર્ક્યુલેશનને ફાસ્ટ કરવામાં મદદ કરે છે. એક્યુપ્રેશર રોલરનો સ્પર્શ આંગળીઓના દર્દથી રાહત આપવામાં મદદ કરે છે. આ થેરાપી શરીરની ઉર્જાને સંતુલિત કરે છે અને સ્વસ્થ- નિરોગી બનાવે છે. આ સાથે જ ગંભીર બિમારીઓ સામે લડવામાં પણ એક્યુપ્રેશર થેરાપી મદદ કરે છે. આ થેરાપીથી દર્દીઓને જીવ ગભરાવવો, ઉલ્ટી થવી, સર્જરી બાદ રાહત, કમરમાં આપેલા એનેસ્થેશિયામાં રાહત મેળવવા, કીમોથેરાપી પછી પ્રેગનન્સીના કિસ્સામાં પણ રાહત આપે છે.