અમેરિકા / ન્યૂયોર્કમાં ઇમરાન ખાનની ફલાઇટનું ઈમર્જન્સી લેન્ડિંગઃ હડકંપ મચ્યો

• ફલાઇટના એન્જિનમાં ટેકનિકલ ફોલ્ટ ઊભો થતાં ઇમર્જન્સી લેન્ડિંગ
• ટેકનિકલ ફોલ્ટને લઇને ફલાઇટ ટોરેન્ટોથી પરત ન્યૂયોર્ક મોકલવામાં આવી
• ટેકનિકલ ફોલ્ટ દૂર નહીં કરાય ત્યાં સુધી ઇમરાન ખાનને ન્યૂયોર્કમાં જ રહેવું પડશે

પાકિસ્તાનના વડા પ્રધાન ઇમરાન ખાનની ફલાઇટનું એકાએક ઇમર્જન્સી લેેન્ડિંગ કરાવવામાં આવતાં ભારે હડકંપ મચી ગયો હતો. પાકિસ્તાની ચેનલ જિયો ટીવીના અહેવાલ અનુસાર વડા પ્રધાન ઇમરાન ખાનની ફલાઇટના એન્જિનમાં ટેકનિકલ ફોલ્ટ ઊભો થતાં ફલાઇટને ફરીથી ન્યૂયોર્ક એરપોર્ટ પર લેન્ડ કરાવવામાં આવી હતી.

જોકે અહેવાલો અનુસાર ફલાઇટના ઇમર્જન્સી લેન્ડિંગના કારણે ચિંતાનું કોઇ કારણ નથી. મીડિયા રિપોર્ટ અનુસાર ટેકનિકલ ફોલ્ટને લઇને ફલાઇટ ટોરેન્ટોથી પરત ન્યૂયોર્ક મોકલવામાં આવી હતી.

ફલાઇટમાં ટેકનિકલ ફોલ્ટ દૂર કરવા માટે કોશિશ કરવામાં આવી રહી છે, પરંતુ કેટલો સમય લાગશે તે હાલ કહી શકાય તેમ નથી. જ્યાં સુધી ટેકનિકલ ફોલ્ટ દૂર નહીં કરાય ત્યાં સુધી ઇમરાન ખાનને ન્યૂયોર્કમાં જ રહેવું પડશે.