મહામારી / મહારાષ્ટ્રના CM ઉદ્ધવ ઠાકરેના આ કામથી PM મોદી થયા અત્યંત પ્રસન્ન, ફોન ઘુમાવીને કર્યાં વખાણ

• મહારાષ્ટ્ર, તમિલનાડુ,મધ્યપ્રદેશ અને હિમાચલના સીએમ સાથે પ્રધાનમંત્રીએ કરી વાત
• મહારાષ્ટ્રના સીએમ ઉદ્ધવ ઠાકરેના વખાણ કર્યાં
• પ્રધાનમંત્રીએ રાજ્યોને તમામ સહાય પૂરી પાડવાનું આપ્યું વચન 
• મુખ્યમંત્રીઓએ પ્રધાનમંત્રીને પોતાના રાજ્યની સ્થિતિથી કર્યાં વાકેફ 

મહારાષ્ટ્રના સીએમ ઠાકરે, તમિલનાડુના સીએમ એમકે સ્ટાલિન, એમપીના સીએમ શિવરાજ સિંહ ચોહાણ તથા હિમાચલના સીએમ જયરામ ઠાકુરને અલગ અલગ ફોન કર્યો અને તેમના રાજ્યોના હાલ જાણ્યાં. 

કોરોનાને રોકવા મહારાષ્ટ્ર સરકારના પગલાંના વખાણ કર્યાં

પ્રધાનમંત્રી મોદીએ સીએમ ઠાકરેને ફોન કરીને બીજી લહેરને રોકવા માટે મહારાષ્ટ્ર સરકારે ભરેલા પગલાંના વખાણ કર્યાં. મુખ્યમંત્રી ઠાકરેએ પ્રધાનમંત્રી મોદીને રાજ્ય સરકાર દ્વારા ઉઠાવાયેલા પગલાંની જાણકારી આપી. તેમણે મહારાષ્ટ્રને વધારેમાં વધારે ઓક્સિજન સપ્લાય આપવાની પણ વિનંતી કરી. 

પ્રધાનમંત્રી મોદીએ મધ્યપ્રદેશના સીએમ શિવરાજસિંહ ચોહાણ સાથે પણ વાત કરી

પ્રધાનમંત્રી મોદીએ મધ્યપ્રદેશના સીએમ શિવરાજસિંહ ચોહાણ સાથે પણ વાત કરી. ફોન બાદ સીએમ ચોહાણે જણાવ્યું કે મેં પ્રધાનમંત્રીને રાજ્યના પોઝિટિવિટી રેટ અંગે જાણી કરી. તથા કોરોનાને પહોંચી વળવામાં રાજ્ય સરકારે ઉઠાવેલા પગલાંની પણ વાત કરી. ચોહાણે હિંદીમાં ટ્વિટ કરીને જણાવ્યું કે પ્રધાનમંત્રીએ મધ્યપ્રદેશ સરકારના પ્રયાસો પર સંતોષ વ્યક્ત કરીને કેન્દ્ર સરકારની તમામ સહાય આપવાની ખાતરી આપી હતી. 

આ જ પ્રમાણે હિમાચલ પ્રદેશના મુખ્યમંત્રીએ જણાવ્યું કે મેં પ્રધાનમંત્રીને હોસ્પિટલોની બેડની સંખ્યા, વેક્સિનેસન ડ્રાઈવ તથા કોરોનાના દર્દીઓને ઓક્સિજન પૂરો પાડવા માટે કરાઈ રહેલા પ્રયાસોની પ્રધાનમંત્રીને વાત કરી હતી.