Fact Check / સરકારની આ યોજનામાં મહિલાઓને વિના વ્યાજે 5 લાખની લોન આપી રહી છે તેવું માનતા નહીં, જાણો હકીકત

• મહિલાઓને મદદનો મેસેજ વાયરલ
• મહિલાઓને પાંચ લાખની સહાયનો મેસેજ વાયરલ 
• સરકારે કહ્યું આ મેસેજ પર વિશ્વાસ ન કરશો

શું છે મામલો ? 

ઘણા સમયથી સોશિયલ મીડિયામાં પીએમ ધન લક્ષ્મી યોજના પર વિવિધ પ્રકારનાં મેસેજ ખૂબ ઝડપથી વાયરલ થઇ રહ્યા છે. આ મેસેજમાં દવાઓ કરવામાં આવી રહ્યો છે કે પીએમ ધન લક્ષ્મી યોજના હેઠળ મહિલાઓને પાંચ લાખ રૂપિયા સુધીની લોન આપવામાં આવી રહી છે અને તેના પર કોઈ વ્યાજ લેવામાં આવશે નહીં. જો તમારા મોબાઈલમાં પણ આવો મેસેજ આવ્યો હોય તો તેના પર વિશ્વાસ ન કરતા કારણ કે તે ખોટો છે. સરકારે સફાઈ આપતા કહ્યું છે કે સરકાર તરફથી આવી કોઈ યોજનાઓ ચલાવવામાં આવી રહી નથી અને આવા કોઈ મેસેજ પર ભરોસો ના કરશો. આવા મેસેજ કરનારા તમારા સાથે છેતરપીંડી કરી શકે છે. 

સોશિયલ મીડિયામાં કહેવામાં અવી રહ્યું છે કે જે મહિલાઓ સ્વરોજગાર અને વ્યવસાય કરવા માંગે છે તેમને સરકાર મદદ કરવા જઈ રહી છે અને તે માટે સરકાર વગર વ્યાજે લોન પણ આપી રહી છે. આ મેસેજ સોશિયલ મીડિયામાં ખૂબ વાયરલ થઇ રહ્યો છે. 

આ મેસેજ વાયરલ થયા બાદ સરકારે ટ્વીટર હેન્ડલ પર મેસેજ પર સ્પષ્ટતા આપી અને લોકોને મેસેજ પર વિશ્વાસ ન કરવા જણાવ્યું છે.