મહામારી / દેશમાં કોરોના આઉટ ઓફ કન્ટ્રોલ થતા PM મોદી એક્શનમાં, ઈમરજન્સી બેઠક કરીને અધિકારીઓને આપ્યા નિર્દેશ

• દેશમાં કોરોનાથી સ્થિતિ ગંભીર બનતા PM મોદી એક્શનમાં 
• કોવિડ ઈમરજન્સી બેઠક બોલાવીને કરી ચર્ચા
• અધિકારીઓને આપ્યા નિર્દેશ 
• આવતીકાલે હવે મનસુખ માંડવિયા કરશે રાજ્યોના આરોગ્ય મંત્રીઓ સાથે બેઠક

દેશમાં હવે કોરોનાથી સ્થિતિ ગંભીર બનતા પ્રધાનમંત્રી મોદી એક્શનમાં આવ્યાં છે. કોરોના મહામારીની ત્રીજી લહેરની વચ્ચે પ્રધાનમંત્રી મોદીએ સ્વાસ્થ્ય મંત્રાલયના સિનિયર અધિકારીઓ સાથે સમીક્ષા બેઠક કરીને દેશમાં વકરી રહેલી કોરોનાની સ્થિતિની ચર્ચા કરી હતી. સમીક્ષા બેઠકમાં ગૃહમંત્રી અમિત શાહ, સ્વાસ્થ્ય મંત્રી માંડવિયા, કેબિનેટ સચિવ રાજીવ ગાબા, ગૃહસચિવ અજય ભલ્લા, સ્વાસ્થ્ય સચિવ રાજેશ ભુષણ, ICMRના ડીજી સહિત ઘણા અધિકારીઓ હાજર રહ્યાં હતા. 

અધિકારીઓને પ્રધાનમંત્રી મોદીને દેશની સ્થિતિથી કર્યા વાકેફ

કોવિડ ઈમરજન્સી બેઠકમાં ટોચના અધિકારીઓએ પ્રધાનમંત્રી મોદીને દેશની કોરોનાથી સ્થિતિથી વાકેફ કર્યાં હતા. 

Delhi: Prime Minister Narendra Modi chairs a meeting to review the COVID-19 situation in the country, through video conference pic.twitter.com/EY5u7LAaC3

— ANI (@ANI) January 9, 2022

પ્રધાનમંત્રીએ કરી ત્રીજી સમીક્ષા બેઠક
આજની બેઠકની ઉપરાંત  પ્રધાનમંત્રી મોદીએ 26 નવેમ્બર અને 22 ડિસેમ્બરે  કોરોનાની સ્થિતિની સમીક્ષા કરી હતી. બન્ને મીટિંગમાં પ્રધાનમંત્રીએ ટેસ્ટિંગ, ટ્રેકિંગ અને ટ્રીટમેન્ટ પર ખાસ ભાર મૂક્યો હતો. તેમણે દવાઓ અને ઓક્સિજનની ઉપલબ્ધતા અંગે પણ નિર્દેશ આપ્યો હતો. બેઠકમાં પીએમ મોદીએ રિમોટ એરિયામા વેક્સિન અને દવાના સપ્લાય માટે આઈટી ટૂલ્સનો વધારેમાં વધારે ઉપયોગ કરવાનું જણાવ્યું હતું. 

આવતીકાલે કેન્દ્રીય મંત્રી માંડવિયા કરશે રાજ્યોના આરોગ્ય મંત્રી સાથે મોટી બેઠક
પ્રધાનમંત્રી મોદીની કોવિડ સમીક્ષા બેઠકમાં નિર્ણય લેવાયો છે કે આવતીકાલે કેન્દ્રીય સ્વાસ્થ્ય મંત્રી મનસુખ માંડવિયા  રાજ્યોના આરોગ્ય મંત્રી સાથે મોટી બેઠક કરશે. બેઠકમાં કેન્દ્રીય મંત્રી માંડવિયા રાજ્યોના સ્વાસ્થ્ય મંત્રીઓને કેટલાક નવા નિર્દેશ આપશે તેવું સૂત્રોએ જણાવ્યું હતું.