ગુજરાત પ્રવાસને લઇને બ્રિટનના પીએમ થયા ખુશખુશાલ, પીએમ મોદીની હાજરીમાં મીડિયા સમક્ષ ગુજરાતના કર્યા ભરપેટ વખાણ
બ્રિટનના વડાપ્રધાને ગુજરાતની કરી પ્રશંસા
ગુજરાતમાં ઉમળકાભેર સ્વાગત બદલ માન્યો આભાર
આવુ આનંદ દાયક સ્વાગત ક્યારેય નથી જોયુ- બોરિસ જ્હોન્સન
બ્રિટનના વડાપ્રધાન બોરિસ જ્હોન્સન બે દિવસ ભારતના પ્રવાસે આવ્યા છે. આજે તેઓ દિલ્હી પહોંચી ગયા છે. જ્યાં પીએમ મોદી સાથે તેઓ મિટીંગ કરશે. પરંતુ તે અગાઉ સૌ પ્રથમ તેઓ ગુજરાત આવી પહોંચ્યા હતા. મુખ્યમંત્રી ભૂપેન્દ્ર પટેલ અને રાજ્યપાલ આચાર્ય દેવવ્રત દ્વારા તેઓનું ઢોલ નગારા વગા઼ડીને સ્વાગત કરવામાં આવ્યું હતું. તેઓએ ગુજરાતની વિવિધ જગ્યાની મુલાકાત લીધી. ગુજરાતમાં તેમનું ઉમળકાભેર સ્વાગત કરવા બદલ ખુશખુશાલ જણાયા. આજે જ્યારે તેઓ પીએમ મોદીને મળવા પહોંચ્યા તે અગાઉ મીડિયાને સંબોધન કરતા ગુજરાતના ભરપેટ વખાણ કર્યા.
આવુ સ્વાગત ક્યારેય નથી જોયું - બોરિસ જ્હોન્સન
બોરિસ જ્હોન્સને ભારતની મુલાકાત અંગે મીડિયા જણાવ્યું કે મે ક્યારેય વિચાર્યુ ન હતું કે ભારત અને યુકે વચ્ચે પહેલા આવા મજબૂત રિલેશન રહ્યા હોય જેટલા અત્યારે છે. તો સંબોધનમાં તેઓએ ગુજરાતનો ખાસ ઉલ્લેખ કર્યો હતો. ગુજરાતમાં તેઓની આગતા સ્વાગતાને લઇને તેમણે ગુજરાતના વખાણ કર્યા. તેઓએ કહ્યું કે ખાસ કરીને હું ગુજરાતનો આભાર માનવા માંગુ છું. ગુજરાતમાં મારુ અદભૂત સ્વાગત કરવામાં આવ્યું, મે આટલું આનંદદાયક સ્વાગત ક્યારેય જોયુ નથી.
#WATCH | "Thank you for the fantastic welcome...I don't think the things have ever been as strong or as good between us (India-UK) as they are now," UK PM Boris Johnson said in Delhi pic.twitter.com/f7tuRbFGKj
બ્રિટનના PM બોરિસ જ્હોન્સન 21 એપ્રિલે વહેલી સવારે ગુજરાતના અમદાવાદમાં પહોંચ્યા હતા., જ્યાં એરપોર્ટ બહાર તેમનું ઢોલ-નગારા અને ગુજરાતની ઝાંખી સાથે સ્વાગત કરાયું હતું. PM બોરિસ જ્હોન્સન આગમનને લઈને એરપોર્ટથી ગાંધી આશ્રમ સુધીના રસ્તા પર સ્વાગત માટેના સ્ટેજ તૈયાર કરાયા હતા. ઉપરાંત સમગ્ર રૂટ પર વેલકમ ગુજરાતના હોર્ડિંગ્સ પણ લગાવવામાં આવ્યા હતા. બીજી તરફ ગુજેસલ બહારથી ગાંધી આશ્રમ સુધી લોકો સ્વાગત માટે એક હાથમાં ભારત અને બીજા હાથમાં યુ.કેનો ધ્વજ લઈને ઉભા હતા.
PM બોરિસ જોનસે ગાંધી આશ્રમમાં રેંટિયો કાત્યો
જ્યાં તેઓનું આશ્રમના સંચાલકો દ્વારા સુતરની આંટી પહેરાવીને ભવ્ય સ્વાગત કરવામાં આવ્યું હતું. બ્રિટનના PM બોરિસ જોનસન ગાંધી આશ્રમ પહોંચતા ત્યાં તેમનું મંત્રોચ્ચાર સાથે સ્વાગત કરાયું હતું..અહીં તેમને ગાંધીજીની પ્રતિમાને સુતરની આંટી પહેરાવી અને રેંટિયો કાંતી ગાંધી મૂલ્યોને સમજવાનો પ્રયત્ન કર્યો હતો..ગાંધી આશ્રમની મુલાકાત દરમિયાન તેમને પોતાનો અનુભવ ગાંધી આશ્રમની વિઝિટર બુકમાં લખ્યો હતો.તથા આ દરમિયાન ગુજરાતના મુખ્યમંત્રી ભૂપેન્દ્ર પટેલે તેમને ભેટ પણ આપી હતી.
ગુજરાત બાયોટેકનોલોજી યુનિવર્સિટીની મુલાકાત પણ લીધી
યુ.કે.ના વડાપ્રધાન બોરિસ જોનસને ગાંધીનગર સ્થિત દેશની સૌ પ્રથમ ગુજરાત બાયોટેકનોલોજી યુનિવર્સિટીની મુલાકાત લીધી હતી. આ વેળાએ મુખ્યમંત્રી ભૂપેન્દ્ર પટેલ અને સાયન્સ ટેકનોલોજી મંત્રી જીતુ વાઘાણી પણ જોડાયા હતા. બોરિસ જોનસન યુનિવર્સિટી ખાતે પધાર્યા ત્યારે મુખ્યમંત્રી ભૂપેન્દ્ર પટેલે એમનું ઉષ્માભર્યુ સ્વાગત કર્યુ હતું. ત્યારબાદ યુનિવર્સિટીની વિવિધ સુવિધાઓનું જોન્સને બારીકાઇથી નિરીક્ષણ કર્યુ ત્યારે મુખ્યમંત્રીએ એમને વિસ્તૃત માહિતી આપી હતી. બોરિસ જોન્સનની મુલાકાત બાદ મીડિયાને વિગતો આપતા સાયન્સ એન્ડ ટેકનોલોજી મંત્રી જીતુભાઇ વાઘાણીએ જણાવ્યું હતું કે તત્કાલિન મુખ્યમંત્રી અને હાલના વડાપ્રધાન નરેન્દ્ર મોદીના માર્ગદર્શન હેઠળ શરૂ થયેલી આ યુનિવર્સિટી સંશોધનો અને ટેક્નોલોજી ક્ષેત્રે ભારતનું હબ બનશે અને વૈશ્વિક નામના મેળવશે એ ભારત અને ગુજરાતનું ગૌરવ છે.
હાલોલમાં JCB કંપનીના નવા યુનિટનું ઉદ્ધાટન
વડદોરાના હાલોલમાં JCB કંપનીના નવા યુનિટનું ઉદ્ધાટન કર્યું હતું. આ યુનિટમાં બુલડોઝર સહિત કન્સ્ટ્રક્શન ક્ષેત્રના ઘણા બધા સાધનો બનાવવામાં આવશે. બ્રિટિશ મૂળની ભારતીય કંપની JCBનો ભારતમાં આ છઠ્ઠો પ્લાન્ટ છે. પ્લાન્ટ બનાવવામાં 650 કરોડ રૂપિયાનો ખર્ચ થયો છે. બ્રિટિશ પીએમ ગાંધી આશ્રમથી અદાણી શાંતિગ્રામ ખોરજ મુલાકાત કરીને હાલોલ ખાતે જેસીબીના પ્લાન્ટની મુલાકાતે પહોંચ્યા હતા.ા
બ્રિટનના PM અક્ષરધામમાં
યુ.કે.ના વડાપ્રધાન બોરિસ જોનસને અક્ષરધામ ગાંધીનગરમાં દર્શન મુલાકાતે ગયા હતા. મુખ્યમંત્રી ભૂપેન્દ્ર પટેલ પણ યુ.કે.ના વડાપ્રધાનની સાથે આ મુલાકાતમાં જોડાયા હતા. વડાપ્રધાન જોનસને અને મુખ્યમંત્રીનું અક્ષર પુરૂષોત્તમ સ્વામિનારાયણ સંસ્થા બી.એ.પી.એસ.ના બ્રહ્મવિહારી સ્વામી, ઇશ્વરચરણ સ્વામી અને વરિષ્ઠ સંતગણે ભાવભર્યુ અભિવાદન કર્યુ હતું. યુ.કે.ના વડાપ્રધાનશ્રીએ અક્ષરધામ સંકુલના વિવિધ પરિસરની પણ મુલાકાત લીધી હતી અને પ્રવૃત્તિઓની વિગતો જાણવામાં રસ દાખવ્યો હતો.