સત્તા પલટો / ઈઝરાયલથી આવ્યા મોટા સમાચાર, નેતન્યાહૂના શાસનનો આવ્યો અંત

• ઈઝરાયલથી આવ્યા મોટા સમાચાર
• નેતન્યાહૂના શાસનનો આવ્યો અંત
• સત્તાને લઈને વિપક્ષી પાર્ટીઓ વચ્ચે ધમાસાણ 

ઈઝરાયલમાં ચાલી રહેલા સત્તાના ધમાસાણની વચ્ચે પ્રધાનમંત્રી બેંઝામિન નેતન્યાહૂની સરકાર સત્તા પરથી જાય તે નક્કી છે. વિપક્ષી પાર્ટીઓમાં ગઠબંધનને લઈને સહમતી થઈ ગઈ છે. કરાક મુજબ બન્ને પાર્ટીના નેતાઓ એક પછી એક પ્રધાનમંત્રી બનશે. સૌથી પહેલા દક્ષિણપંથી યામિના પાર્ટીના નેતા નેફ્ટાલી બેનેટ પ્રધાનમંત્રી પદની શપથ લેશે. તે 2023 સુધી પીએમ બનશે અને પછી પેશ એટિડ પાર્ટીના યેર લેપિડ પ્રધાનમંત્રી બનશે. 

બેંઝામિન નેતન્યાહૂની પાર્ટી બહુમતી સાબીત ન કરી શકી
માર્ચમાં થયેલી ચૂંટણીમાં બેંઝામિન નેતન્યાહૂની પાર્ટી બહુમતી સાબીત ન કરી શકી. ત્યાર બાદથી વિપક્ષી પાર્ટીઓની વચ્ચે સત્તાને લઈને ધમાસાન ચાલી રહ્યું હતું. સૌથી મોટી પાર્ટીના નેતા હોવાના કારણે નેતન્યાહૂને પ્રધાનમંત્રી પદની શપથ અપાઈ હતી. જો કે તે બહુમતિ સાબિત ન કરી શક્યા. 

ત્યાર બાદ બીજા નંબરની પાર્ટી અને તેના સહયોગી પાર્ટીને સરકાર બનાવવા માટે આમંત્રણ આપવામાં આવ્યું. જે માટે તેમને બુધવારે એટલે કે 2 જૂન સુધી બહુમતિ સાબિત કરવાની હતી. હવે વિપક્ષી પાર્ટીની વચ્ચે ગઠબંધન થયા બાદ 12 વર્ષ બાદ નેતન્યાહૂનું શાસન પૂરુ થઈ ગયું છે. 

આઠ પક્ષો વચ્ચે ગઠબંધન
વિપક્ષના નેતા યેર લેપિડે સરકાર બનાવવાની ઘોષણા કરી. તેમમે કહ્યું કે વિપક્ષના આઠ પક્ષો વચ્ચે ગઠબંધન થઈ ગયું છે. હવે તે સરકાર બનાવશે. તેમણે રાષ્ટ્રીય રૂવેન રિવલિનને ગઠબંધનની સહમતિની જાણકારી આપી છે. રાષ્ટ્રપતિની મંજૂરી મળતાની સાથે જ નવી સરકારને લઈને સદનમાં વોટિંગ થશે. પછી પીએમ અને મંત્રીઓને શપથ લેવડાવવામાં આવી શકે છે.