રાજનીતિ / VIDEO : ભાજપના CMની જીભ લપસી, અમિત શાહને PM અને મોદીને ગૃહમંત્રી ગણાવી દીધા

• આસામના સીએમ હેમંત શર્માની જીભ લપસી
• અમિત શાહને ગણાવ્યાં પીએમ
• નરેન્દ્ર મોદીને ગણાવ્યાં ગૃહમંત્રી

કેન્દ્રીય મંત્રી અમિત શાહ આસામની બે દિવસની મુલાકાતે ગયા હતા. આ દરમિયાન આસામના મુખ્યમંત્રી હિમંત બિસ્વા સરમાએ એક રેલીના કાર્યક્રમમાં અમિત શાહને દેશના વડાપ્રધાન અને પીએમ મોદીને ગૃહમંત્રી તરીકે સંબોધિત કર્યા હતા.

સીએમ આસામી ભાષામાં બોલ્યા-વેલકમ પ્રધાનમંત્રી અમિત શાહ

આસામી ભાષામાં બોલતા સીએમ શર્માએ કહ્યું કે વેલકમ પ્રધાનમંત્રી અમિત શાહ અને હોમ મિનિસ્ટર નરેન્દ્ર મોદી.
 

When @sarbanandsonwal Ji was the CM, MP @pallablochandas on several occasions referred to cabinet minister @himantabiswa ji as the CM in public!
Has #BJP decided its next @PMOIndia replacing @narendramodi Ji?
Or a campaign has been launched to promote @AmitShah ji as the PM? pic.twitter.com/BgqgbbajXC

— Assam Congress (@INCAssam) May 10, 2022

આખરે ભાજપે કરવી પડી સ્પસ્ટતા 

મુખ્યમંત્રી હિમંત બિસ્વા સરમાએ અમિત શાહને પીએમ અને વડાપ્રધાન નરેન્દ્ર મોદીને ગૃહમંત્રી ગણાવતા ભાજપની સ્પસ્ટતા સામે આવી છે. ભાજપનું કહેવું છે કે હેમંત સરમાની જીભ લપસી ગઈ અને તેમણે આ બધુ એક ભૂલના કારણે કહી દીધું છે. નોંધનીય છે કે અમિત શાહ આસામની બે દિવસની મુલાકાતે આવ્યા હતા. હિમંત બિસ્વાએ સરકારના એક વર્ષ પૂર્ણ થવાના અવસરે આ કાર્યક્રમમાં હાજરી આપી હતી. શાહે મંગળવારે ભારતીય જનતા પાર્ટી (ભાજપ)ના નેતૃત્વવાળી આસામ સરકારની ઘૂસણખોરીની સમસ્યાને કડક હાથે સંભાળવા બદલ તેની પ્રશંસા કરી હતી. તેમણે આરોપ લગાવ્યો કે પશ્ચિમ બંગાળ સરકાર સમસ્યાને પહોંચી વળવા માટે કેન્દ્રને સહકાર આપી રહી નથી. શાહે ગુવાહાટીમાં સુપર સ્પેશિયાલિટી હોસ્પિટલ અને નેશનલ ફોરેન્સિક યુનિવર્સિટીનું ઉદ્ઘાટન પણ કર્યું હતું.

કોંગ્રેસે વીડિયો ટ્વિટ કરીને કર્યો કટાક્ષ 
આસામ કોંગ્રેસે વીડિયો ટ્વીટ કરીને પૂછ્યું કે શું ભાજપે નરેન્દ્ર મોદીજીની જગ્યાએ આગામી વડાપ્રધાનનો ચહેરો પસંદ કર્યો છે? આસામ કોંગ્રેસે ટ્વિટ કરીને કહ્યું કે જ્યારે સર્વાનંદ સોનોવાલ આસામના સીએમ હતા. તે સમયના સાંસદ પલ્લબ લોચન દાસે અનેક પ્રસંગોએ કેબિનેટ મંત્રી હિમાંતા બિસ્વા સરમાને આસામના આગામી સીએમ ગણાવ્યા હતા. શું ગુલામનું ઉદાહરણ સૂચવે છે કે જીભ લપસી નથી?