બોલીવુડ અભિનેત્રી જુહી ચાવલાની 5G ની અરજીની ઓનલાઈન સુનાવણીમાં જુહીના ફિલ્મના ગીત 'ઘુંઘટ કી આડ મેં ગીત ગૂંજી ઉઠતા જજે ગીત ગાનારની સામે કાર્યવાહી કરવાનો આદેશ આપ્યો.
દિલ્લી હાઇકોર્ટની સુનાવણી દરમિયાન અણછાજતી હરકત
જૂહી ચાવલાની અરજીની સુનાવણી દરમિયાન ગુંજ્યા ગીતો
દિલ્લી HCના જજે રજિસ્ટારને હિયરીંગ લોક કરવા કર્યો આદેશ
આ વ્યક્તિને ઓળખી નોટિસ ઇશ્યૂ કરો: દિલ્લી HC
જુહી ચાવલાએ 5G નેટવર્કની વિરૃદ્ધમાં દિલ્હી હાઈકોર્ટમાં એક અરજી કરી છે. બુધવારે આ કેસની ઓનલાઈન સુનાવણી થઈ હતી. પરંતુ ઓનલાઈન સુનાવણી દરમિયાન એક વાર નહીં પણ બે વાર જુહી ચાવલાના ફિલ્મોના ગીત ગૂંજી ઉઠ્યાં જજ નારાજ થયા હતા અને સુનાવણી અટકાવી દીધી હતી. એક વાર નહીં પણ 3 વાર સુનાવણીમાં ખલેલ પડી હતી. જુહી ચાવલા દિલ્હી હાઈકોર્ટમાં ઓનલાઈન સુનાવણીમાં સામેલ થઈ કે તરત જ કોઈકે જુહીની ફિલ્મ હમ હૈ રાહી પ્યાર કે ગીતનું પ્રખ્યાત ગીત ઘૂંઘટ કી આડ મેં દિલબાર ગણકારવાનું શરુ કર્યું હતું.
ઘૂંઘટ કી આડ મેં દિલબાર ગીત ગૂંજી ઉઠતા જસ્ટિસ નારાજ થયા
ઓનલાઈન સુનાવણીમાં ઘૂંઘટ કી આડ મેં દિલબાર ગીત ગૂંજી ઉઠતા હાઈકોર્ટના જસ્ટિસ જે આર મિધા નારાજ થયા હતા. જસ્ટિસ મિધાએ સુનાવણી બંધ રાખવાનું જણાવી દીધું. બીજી વાર પણ આ જ ઘટના બની. કોર્ટમાં જ્યારે અરજદાર દ્વારા જમા કરાવવામાં આવનાર ફીના મુદ્દે સુનાવણી ચાલી રહી હતી ત્યારે ફરી વાર કોઈકે લાલ લાલ હોઠોમાં ગોરી કિસકા નામ હૈ ફિલ્મી ગીત ગાયું હતું. જોકે સુનાવણીમાંથી આ ગીતને દૂર કરી દેવાયું હતું.
ત્રણ વાર ફિલ્મી ગાયનો ગૂંજી ઉઠ્યાં
જોકે બીજી વારના ગીત છતા પણ સુનાવણી ચાલુ રખાઈ હતી. પરંતુ ત્રીજી વાર મેરી બન્નો કી આયેગી બારાત ગીત ગવાતું જોઈને જસ્ટિસ ખૂબ નારાજ થયા હતા અને પોલીસને આ વ્યક્તિને ઓળખી કાઢીને તેની સામે કોર્ટની અવમાનની નોટીસ પાઠવવાનો આદેશ આપ્યો હતો.