વિરોધના સૂર / ભારત- અમેરિકા બાદ ચીનના આ મિત્ર દેશમાં પણ TikTok પર પ્રતિબંધ મૂકવા ઉઠી રહી છે માંગ

• પાકિસ્તાન ટેલિકોમ ઓથોરિટીને એક આદેશ આપવામાં આવે
• એપ અશ્લીલતા ફેલાવવાનું કામ પણ કરે છે
• એડવોકેટ નદીમ સરવારે એક નાગરિક તરફથી આ પિટિશન દાખલ કરી

પાકિસ્તાની અખબાર ‘ડોન’ના અહેવાલ મુજબ એડવોકેટ નદીમ સરવારે એક નાગરિક તરફથી આ પિટિશન દાખલ કરી હતી. જેમાં ચીની એપ પર તાત્કાલિક  પ્રતિબંધ મુકવાની માંગ કરાઈ છે. 

આ પિટિશનમાં ટિકટોક યુઝર્સ સાથે જોડાયેલી  કેટલીક ઘટનાઓને ટાંકવામાં આવી છે. જેમાં  એપને કારણે કેવી રીતે 10 થી વધુ લોકોનાં મોત થયા છે. તેનો પણ ઉલ્લેખન કરવામાં આવ્યો છે. છેલ્લો કિસ્સો 21 જૂનનો છે જેમાં કરાચીમાં ટિકટોક પર વીડિયો બનાવતી વખતે એક 17 વર્ષિય યુવકનું કેવી રીતે ગોળી વાગવાથી મોત થયું હતું. તેમજ  ટિકટિક વાપરતી યુવતી સાથે બળાત્કાર થયાની ઘટનાનો પણ ઉલ્લેખ છે. કે કેવી રીતે આ યુવતી 20 દિવસ પહેલા જ ટિકટિક પર એક યુવકના સંપર્કમાં આવી તેને મળવા ગઈ અને બંદૂક બતાવી તેનો બળાત્કાર  કરવામાં આવ્યો હતો.

એડવોકેટ નદીમ સરવરે કોર્ટને જણાવ્યું હતું કે વીડિયો શેરિંગ એપ ટિકટોક સોશિયલ મીડિયા પર પ્રસિદ્ધિ અને રેટિંગ મેળવવા માટેની રેસમાં અશ્લીલતા ફેલાવી રહી છે. જેથી ઇસ્લામિક રિપબ્લિકમાં આ એપ્લિકેશન પર પ્રતિબંધ મુકવા પાકિસ્તાન ટેલિકોમ ઓથોરિટીને એક આદેશ આપવામાં આવે.