IPLIN
 

IPL 2022 / IPL 2022 માં પહેલી વખત બની આવી ઘટના, હારેલી ટીમનો ખેલાડી લઈ ગયો મેન ઓફ ધ મેચનો એવોર્ડ

Team VTV 01:27 PM, 28 Apr 22
Follow us
player of the match award was given to umran malik

IPL 2022નાં 40માં મુકાબલામાં ગુજરાત ટાઈટન્સે હૈદરાબાદને માત આપી છતાં પણ સનરાઈઝર્સ હૈદરાબાદનાં ઉમરાન મલિકને પ્લેયર ઓફ ધ મેચ પસંદ કરવામાં આવ્યા.

  • ગુજરાત ટાઈટન્સે સનરાઈઝર્સ હૈદરાબાદને આપી માત 
  • સનરાઈઝર્સ હૈદરાબાદનાં ઉમરાન મલિક બન્યા મેન ઓફ ધ મેચ 
  • રાશિદ ખાને પણ કર્યું હતું શાનદાર પ્રદર્શન 

 

IPL 2022નાં 40માં મુકાબલામાં સનરાઈઝર્સ હૈદરાબાદ અને ગુજરાત ટાઈટન્સ વચ્ચે એક રસપ્રદ મુકાબલો જોવા મળ્યો હતો. આ મેચમાં છેલ્લા બોલ પર સિક્સર ફટકાર્યા બાદ ગુજરાતે 5 વિકેટથી જીત મેળવી.આ સિક્સર ટીમના સ્ટાર ખેલાડી રાશિદ ખાને મારી હતી. રાશિદે છેલ્લી ઓવરમાં કુલ 3 સિક્સર ફટકારીને પોતાની ટીમને જીત અપાવી. ફેન્સને આશા હતી કે રાશિદને આ મેચમાં પ્લેયર ઓફ ધ મેચ પસંદ કરવામાં આવશે, પરંતુ અંતે આવું બન્યું નહીં. 

હારેલ ટીમના ખેલાડીને મળ્યો એવોર્ડ 

રાશિદ ખાનને તેમના શાનદાર પ્રદર્શન માટે પ્લેયર ઓફ ધ મેચનો ખિતાબ મળ્યો નહીં, પરંતુ આ એવોર્ડ હારેલ ટીમ સનરાઈઝર્સ હૈદરાબાદનાં ખેલાડીને આપવામાં આવ્યો. આ ખેલાડી છે સનરાઈઝર્સ હૈદરાબાદનાં ફાસ્ટ બોલર ઉમરાન મલિક. ઉમરાને આ મેચમાં કમાલનું પ્રદર્શન કરી સૌનું દિલ જીત્યું, પરંતુ અંતે તેમની ટીમને આ રોમાંચક મેચમાં હારનો સામનો કરવો પડ્યો. 

મેળવી 5 વિકેટ 
ઉમરાનને તેમના શાનદાર પ્રદર્શન માટે આ મેચમાં પ્લેયર ઓફ ધ મેચ પસંદ કરવામાં આવ્યા. તેમણે આ મેચમાં 5 વિકેટ લીધી હતી. ઉમરાને આ મેચમાં પોતાની ચાર ઓવરમાં 25 રન આપ્યા હતા અને 5 બેટ્સમેનને પવેલિયન મોકલ્યા હતા. જોકે આટલા ખતરનાક પ્રદર્શન બાદ પણ આ ખેલાડી પોતાની ટીમને જીત અપાવી શક્યો નહીં અને અંતે ગુજરાતે જીત મેળવી હતી. રાશિદ ખાનની શાનદાર બેટીંગે સનરાઈઝર્સની આશા પર પાણી ફેરવી વાળ્યું. 

ગુજરાતની શાનદાર જીત 

ગુજરાત ટાઈટન્સે સનરાઈઝર્સ હૈદરાબાદને IPL 2022નાં 40માં મુકાબલામાં 5 વિકેટથી માત આપી. આ મેચમાં પહેલા બેટિંગ કરતા સનરાઈઝર્સ હૈદરાબાદની ટીમએ 20 ઓવરમાં 6 વિકેટ ગુમાવીને 195 રન બનાવ્યા અને ગુજરાત ટાઈટન્સને જીત માટે 196 રનનો ટારગેટ આપ્યો. જવાબમાં ગુજરાતે 20 ઓવરમાં 5 વિકેટ પર 199 રન બનાવીને જીત મેળવી. 

 

ગુજરાત ટાઈટન્સનાં બેટ્સમેન રાહુલ તેવતિયા અને રાશિદ ખાને છેલ્લી ઓવરમાં તોફાની બેટિંગ કરતા ટીમને જીત અપાવી. ગુજરાત ટાઈટન્સને છેલ્લી ઓવરમાં જીત માટે 22 રનની જરૂર હતી. રાશિદ ખાન અને રાહુલ તેવતિયાએ છેલ્લી ઓવરમાં 4 સિક્સર ફટકારીને ગુજરાત ટાઈટન્સને જીત અપાવી. 
 

આઈપીએલ 2022 ઉમરાન મલિક રાશિદ ખાન Gujarati News ગુજરાત ટાઈટન્સ IPL 2022
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ