ખરેખર? / હવે પ્લાસ્ટિકનો કચરો માત્ર અમુક જ કલાકોમાં થઇ શકશે નષ્ટ, વૈજ્ઞાનિકોની નવી ટેકનીકથી દુનિયા આખી ચોંકી

• પ્લાસ્ટિકનો કચરો નષ્ટ થવા માટે લાગે છે વર્ષો 
• હવે અમુક જ કલાકોમાં પ્લાસ્ટિક થઇ શકશે નષ્ટ 
• જર્મનીના વૈજ્ઞાનિકોએ કરી નવી શોધ 

સામાન્ય રીતે પ્લાસ્ટિકને પ્રાકૃતિક રૂપથી નષ્ટ કરવા માટે ઘણા વર્ષો લાગે છે, પણ જર્મનીનાં વૈજ્ઞાનિકોએ હવે એક અત્યંત પ્રભાવશાળી એન્ઝાઈમની શોધ કરી છે, જે પ્લાસ્ટિકનાં કમ્પોનંટસને થોડા જ સમયમાં તોડી દે છે. આખી દુનિયામાં પ્લાસ્ટિક પ્રદુષણની ગંભીર સ્થિતિને ધ્યાનમાં રાખતા આ શોધને ગેમ ચેન્જરનાં રૂપમાં જોવામાં આવે છે. 

કબ્રસ્તાનમાં મળ્યો એન્ઝાઈમ 
એન્ઝાઈમ, જેને પોલિએસ્ટર હાઈડ્રોલેસ પણ કહેવામાં આવે છે, તેને હાલમાં જ જર્મનીનાં એક કબ્રસ્તાનમાં ખાદને અવશોષિત કરતા સમયે મેળવવામાં આવ્યો હતો. જર્મન વૈજ્ઞાનિકોએ જાણ્યું કે નવો મળેલ PHL7 LLCની સરખામણીમાં ઓછામાં ઓછો બમણો ઝડપી છે. આને લઈને રિઝલ્ટ વૈજ્ઞાનિક પત્રિકા 'કેમસુસકેમ'માં પ્રકાશિત કરવામાં આવ્યા છે. 

16 કલાકમાં મળે છે રિઝલ્ટ 
જર્મનીની લિપજીગ યુનીવર્સીટીનાં માઈક્રોબાયોલોજીસ્ટ વોલ્ફગેંગ જીમર્મને કહ્યું કે આ એન્ઝાઈમ 16 કલાક કરતા પણ ઓછા સમયમાં પોલીઈથાઈલીન ટેરેફ્થેલેટને 90 ટકા સુધી વિઘટિત કરવામાં સક્ષમ છે. આ વૈકલ્પિક ઉર્જા બચત પ્લાસ્ટિક રિસાયકલિંગ પ્રક્રિયાઓને સ્થાપિત કરવામાં મહત્વપૂર્ણ યોગદાન આપી શકે છે. 

મદદ વગર જ કરે છે કામ 
આ ઉપરાંત, વૈજ્ઞાનિકોએ શોધી કાઢ્યું કે PHL7ને પ્લાસ્ટિકના વિઘટન માટે કોઈ પૂર્વ-સારવારની જરૂર નથી. તે પ્લાસ્ટીકને પીસ્યા કે ઓગાળ્યા વગર ખાઈ શકે છે. આમ, PHL7 જેવા શક્તિશાળી એન્ઝાઈમોમાંથી કાર્બન અને પેટ્રોકેમિકલ્સનો ઉપયોગ કર્યા વિના, મહત્વપૂર્ણ PET પ્લાસ્ટિકની ટકાઉ રિસાયક્લિંગ પ્રક્રિયા અપનાવી શકાય છે.

પ્લાસ્ટિક સંકટ થશે દૂર 
આવામાં વૈજ્ઞાનિકોનું માનવું છે કે આ એન્ઝાઈમની મદદથી પ્લાસ્ટિક સંકટ જલ્દી જ દૂર થઈ જશે. અત્યાર સુધી પ્લાસ્ટિકને નષ્ટ કરવા માટે રિસાયકલિંગ જ એક ઉપાય હતો, જેનાથી માટે પ્લાસ્ટિક કચરાનો 10 ટકા હિસ્સો જ રીસાયકલ થઇ શકતો હતો.