plastic face shield not very helpful in preventing corona from spreading claims japan supercomputer covid face shield effectiveness coronavirus face shield vs mask
ચિંતાજનક /
શું પ્લાસ્ટિકનાં ફેસ શિલ્ડ કોરોનાને રોકવામાં કારગત નથી? જાપાને કર્યો એવો ખુલાસો કે જાણીને ચોંકી જશો
કોરોનાને રોકવા માટે આપણે અનેક ઈક્વીપમેન્ટનો ઉપયોગ કરી રહ્યા છીએ. જેમ કે માસ્ક, હેન્ડ ગ્લોઝ, પીપીઈ કિટ અને ફેસ શિલ્ડ. ત્યારે જાપાન દ્વારા કરવામાં આવેલા એક સર્વેમાં ચિંતાજનક ખુલાસો થયો છે કે પ્લાસ્ટિકના ફેસ શિલ્ડ કોરોનાને રોકવામાં કારગત નથી.
પ્લાસ્ટિક શિલ્ડ કોરોના રોકવામાં કારગર નહી
સુક્ષ્મ કણોથી રક્ષણ આપવામાં પ્લાસ્ટિક ફેસશિલ્ડ અસરકારક નહી
પ્લાસ્ટિક શિલ્ડ કરતા ફેસ માસ્ક વધારે અસરકારક હોવાનો દાવો
જાપાનની રિકેન સેન્ટર ફોર કોમ્પ્યુટેશનલ સાયન્સ નામની રિસર્ચ ઈન્સ્ટીટ્યૂટે દાવો કર્યો છે કે પ્લાસ્ટિક શિલ્ડ કોરોના રોકવામાં કારગર નથી. આ ખુલાસો જાપાનના સુપર કમ્પ્યુટર મારફતે કરેલા સર્વેમાં થયો છે. છીંક કે બોલતી સમયે હવામાં સુક્ષ્મ કણો ફેલાય છે. જોકે સુક્ષ્મ કણોથી રક્ષણ આપવામાં પ્લાસ્ટિક ફેસશિલ્ડ અસરકારક નથી.
આ સર્વેમાં એમ પણ દાવો કરવામાં આવ્યો છે કે પ્લાસ્ટિક શિલ્ડ કરતા ફેસ માસ્ક વધારે અસરકારક છે. આ સંશોધન કરનારા કમ્પ્યુટરનો ઉપયોગ વેક્સિન નિર્માણમાં પણ થઈ રહ્યો છે. આ પહેલા બ્રિટન અને સ્વિઝરલેન્ડમાં પ્લાસ્ટિક ફસ શીલ્ડને લઈને આવી ચિંતા વ્યક્ત કરવામાં આવી ચૂકી છે. બ્રિટનના સ્વાસ્થ્ય વિશેષજ્ઞોએ દાવો કર્યો છે કે પ્લાસ્ટિક શિલ્ડમાં ઘણું અંતર હોય છે. જેના કારણે વાયરસ મોંઢામાં ઘૂસી શકે છે.
ઉલ્લેખનીય છે કે આ પહેલા સ્વિઝરલેન્ડના અધિકારીઓએ પણ એલ્પ્સના એક રિજોર્ટમાં સામે આવેલા કોરોના સંક્રમણમાં વાયરસના પ્રસારનું કારણ શોધ્યા બાદ દાવો કર્યો હતો કે ફેસ શિલ્ડને માસ્કના વિકલ્પ તરીકે બિલકુલ ન અપનાવી શકાય.