કોરોના સંક્રમણથી જ્યારે આખી દુનિયા લડી રહી છે ત્યારે વેક્સીન બનાવવા માટે વૈજ્ઞાનિકો દિવસ રાત મહેનત કરી રહ્યા છે. આ સમયે એક શોધથી જાણવા મળ્યું છે કે પ્લાઝમા જેટ ફક્ત 30 સેકંડથી પણ ઓછા સમયમાં કોરોના વાયરસને મારી શકે છે.
પ્લાઝમા જેટ કરશે કોરોના મહામારીમાં મદદ
30 સેકંડથી પણ ઓછા સમયમાં કોરોનાને મારી શકાશે
વૈજ્ઞાનિકો આ બાબતને ગણાવી રહ્યા છે મોટી સફળતા
શોધકર્તાઓએ એક થ્રી ડી પ્રિંટરથી પ્રેશર પ્લાઝમા જેટનું સ્પ્રે બનાવ્યું છે. તેનો ઉપયોગ સફળ રહ્યો છે. આ શોધ પછી એક આશા જાગી છે કે જેટ પ્લાઝમા કોરોનાની વિરુદ્ધની લડાઈમાં મહત્વની ભૂમિકા નીભાવી શકે છે.
આ જગ્યાઓએ રહેલા કોરોનાને 30 સેકંડમાં મારી શકે છે
અમેરિકાના લોસ એન્જેલિસમાં એક યુનિવર્સિટી ઓફ કેલિફોર્નિયામાં કરાયેલા સંશોધનમાં ખ્યાલ આવ્યો છે કે પ્લાઝમા જેટ ધાતુ, ચામડા અને પ્લાસ્ટિક પરના કોરોના વાયરસને 30 સેકંડથી પણ ઓછા સમયમાં મારી શકે છે. આ શોધને કોરોનાની લડાઈમાં મોટી સફળતા ગણવામાં આવી રહી છે.
એક ખાસ થ્રી-ડી પ્રિંટર પ્રશેર પ્લાઝમા જેટ સ્પ્રે કરાયું તૈયાર
આ સ્પ્રેને જ્યારે પ્લાસ્ટિક, ધાતુ, કાર્ડ બોર્ડ કે લેધર પર પ્રયોગ કરવામાં આવે છે તો પરિણામ એવું આવ્યું કે આ જગ્યાના કોરોના વાયરસને ફક્ત 3 મિનિટમાં ખતમ કરાયા હતા. જ્યારે કેટલાક વાયરસને મૃત્યુ પામવામાં 30 સેકંડથી પણ ઓછો સમય લાગ્યો હતો.
માસ્ક પર સ્પ્રેના પ્રયોગથી મળ્યું આ પરિણામ
જ્યારે આ સ્પ્રેને મોઢા પર ઉપયોગમાં લેવાનારા માસ્ક પર પ્રયોગ કરાયો તો આ એકસરખી રીતે કામ કરનારું જોવા મળ્યું હતું. શોધમાં કહેવાયું કે પ્લાઝમા જેટ ચાર મહત્વની અવસ્થામાંની એક છે. સ્થિર ગેસને ગરમ કરીને કે ઈલેક્ટ્રોમેગ્નેટિક ફીલ્ડના સંપર્કમાં લાવીને તેને બનાવી શકાય છે.
જૂન મહિનામાં કરાયેલા આ સંશોધનમાં કહેવાયું છે કે આ સ્પ્રેનો પ્રયોગ ધાતુ, ચામડા અને પ્લાસ્ટિક પર કરવામાં આવ્યો છે. આ શોધમાં કોલ્ડ પ્લાઝમાએ પણ 30 સેકંડથી ઓછા સમયમાં કોરોના વાયરસને ખતમ કર્યો હતો.