અત્યારે લોકડાઉનમાં તમે થોડાં ફ્રી હશો, કોરોનાના કારણે આવી પડેલી મુસીબતે લોકોને ઘરમા રહેવાનો સમય આપ્યો છે. આ જ સમય છે જ્યારે તમે તમારા ફ્રી ટાઇમનો ઉપયોગ કરીને તમારા ગાર્ડનિંગના શોખને બહેતર બનાવી શકો છો. એવા કેટલાક છોડ વિશે જાણી લો જેને ઉગાડવા અને ઉછેરવા ખુબ જ સરળ છે અને તે તમારા માટે એર પ્યુરીફાયરનું કામ પણ કરશે. આ છોડ લગાવવાથી તમારા ઘરની હવા તો શુધ્ધ રહેશે જ સાથે સાથે તમને બીમારીઓથી બચવામાં પણ મદદ મળશે.
તુલસી
તુલસીના છોડને હિંદુ ધર્મમાં ખુબ જ પુજનીય માનવામાં આવે છે. તે દિવસ રાત ઓક્સીજન છોડે છે. આ સાથે તુલસીનો છોડ વાયુ પ્રદુષણને કન્ટ્રોલ કરવાનુ પણ કામ કરે છે.
લીમડો
લીમડાનો છોડ માત્ર બ્યુટી નહીં, પરંતુ તે હવાને પણ સ્વચ્છ કરે છે. લીમડાનો છોડ મોટો થાય છે, તેથી તેને ઘરની બહાર જ લગાવો. તે દુષિત હવાને સ્વચ્છ કરવાની સાથે રાતના સમયે ઓક્સીજન છોડે છે.
એરેકા પામ
એરેકા પામ એક એવો છોડ છે, જે ઘરની અંદર કાર્બન ડાયોક્સાઇડને ઓક્સિજનમાં બદલી દે છે. તેની લંબાઇ વધુ હોતી નથી. તેથી તમે સરળતાથી તે ઘરની અંદર પણ લગાવી શકો છો.
લેડી પામ
લેડી પામ દુષિત હવાને સ્વચ્છ કરવાનુ કામ કરે છે. તેથી તેને ઘરની અંદર લગાવવાથી વધુમાં વધુ ફાયદો મળે છે.
સ્નેક પ્લાન્ટ
સ્નેક પ્લાન્ટ ઝેરીલા ગેસ જેમ કે નાઇટ્રોજન ઓક્સાઇડ, ટ્રાઇક્લોરોએથિલીન, બેન્ઝીન, ટોલ્યુનિને શોષીને શુધ્ધ હવા આપવાનુ કામ કરે છે. તેને તમે સરળતાથી ઘરના કોઇ પણ ખુણામાં લગાવી શકો છો.
જરબેરા ડેઝી
જરબેરા ડેઝી જોવામાં ખુબ જ સુંદર લાગે છે. તે રંગ-બિરંગી છોડ કાર્બન મોનોક્સાઇડ અને બેન્ઝીન જેવા દુષિત ગેસને શોષી લે છે. આ છોડને તમે તમારા બેડરુમમાં લગાવી શકો છો.
ઇંગ્લિશ આઇવરી
ઇંગ્લિશ આઇવરી એક એવો પ્લાન્ટ છે, જે ઓછી રોશનીવાળી જગ્યાઓ લગાવી શકાય છે. આ છોડ વાતાવરણમાં રહેલા ઝેરીલા ગેસને પ્યુરિફાઇ કરીને શુધ્ધ હવા આપવાનુ કામ કરે છે.
બાંબુ
બાંબુ પ્લાન્ટ હવાને ફ્રેશ રાખે છે. આ છોડ બે સાઇઝનો હોય છે. એક નાનો અને એક મોટો. તમે ઇચ્છો તો તેને ઘરની અંદર પણ લગાવી શકો છો અને ઇચ્છો તો બહાર પણ. તેને લગાવવાથી દુષિત હવા શુધ્ધ થઇ જશે.
બોસ્ટન ફર્ન
બોસ્ટન ફર્ન છોડની સાઇઝ મોટી હોય છે તમે તેને ઘરની બાલ્કનીમાં અને ઘરના પ્રવેશદ્વારની શોભા વધારવાની સાથે સાથે હવા શુધ્ધ કરવા માટે પણ લગાવી શકો છો.