અંતરિક્ષમાંથી સ્પષ્ટ રીતે દેખાય છે વિશ્વની સૌથી ઊંચી પ્રતિમા સ્ટેચ્યૂ ઑફ યૂનિટી

વિશ્વની સૌથી ઉંચી પ્રતિમા સ્ટેચ્યૂ ઑફ યૂનિટી અંતરિક્ષમાંથી કેવી દેખાય છે તેવું ક્યારેય વિચાર્યુ છે? તાજેતરમાં જ આ તસવીર સાનફ્રાન્સિસ્કો સ્થિત પ્લેનેટ લેબ દ્વારા ટ્વિટ કરવામાં આવી છે. કોમર્શિયલ સેટેલાઇટ નેટવર્ક મારફતે મળેલી સ્ટેચ્યૂ ઑફ યૂનિટીની આ તસવીરમાં અંતરિક્ષમાંથી પણ સરદાર પટેલની પ્રતિમા સ્પષ્ટરીતે જોઇ શકાય છે. 15 નવેમ્બરે આ ફોટો સેટેલાઇ મારફતે ખેંચવામાં આવ્યો હતો જેમાંથી સ્ટેચ્યુ ઑફ યૂનિટી અંતરિક્ષમાંથી આ રીતે દેખાતું હતુ.

ઉલ્લેખનીય છે કે પ્રધાનમંત્રી નરેન્દ્ર મોદી 31મી ઓક્ટોબરના 2018 ના રોજ દેશના પ્રથમ ગૃહમંત્રી સરદાર વલ્લભભાઇ પટેલના સન્માનમાં બનાવવામાં આવેલી વિશ્વની સૌથી ઊંચી પ્રતિમા સ્ટેચ્યૂ ઑફ યૂનિટીનું અનાવરણ કર્યુ હતુ. @planetlabs સ્ટેચ્યૂ ઑફ યૂનિટીની પ્રતિમા સ્પેસમાંથી કેવી દેખાય છે તેની તસવીર ટ્વિટર પર શૅર કરી છે. 


 

At 597 feet India’s Statue of Unity is now the tallest statue in the world and clearly seen from space! Oblique SkySat image captured today November 15 2018. pic.twitter.com/FkpVoHJKjw

— Planet (@planetlabs) 15 November 2018

સરદાર વલ્લભભાઈ પટેલની આ મુર્તી બનાવવા પાછળ લગભગ 2990 કરોડ રૂપિયાનો ખર્ચ કરવામાં આવ્યો છે. 182 મીટર ઊંચી આ મૂર્તીમાં 1 40 000 ક્યુબેક મીટર સીમેન્ટનો ઉપયોગ કરવામાં આવ્યો છે. આ સિવાય 2000 ટન કૉપર તેમજ 18500 ટન રોડ્સનો ઉપયોગ કરવામાં આવ્યો હતો. લગભગ 3000 મજૂરોએ 33 મહિનામાં આ પ્રતિમા બનાવી હતી.