સામાન્ય રીતે ગુજરાતી ઘરોમાં જ્યારે રજા હોય ત્યારે ગરમા-ગરમ દાળ ઢોકળી બનાવી દેવામાં આવતી હોય છે. સરળ અને સ્વાદિષ્ટ વાનગી. આપણને ખુબ ભાવતી પણ હોય છે. પરંતુ હાલમાં ઠંડીના ચમકારામાં પણ આપણે આ દાળ ઢોકળીની મજા માણી લઈએ તો ખોટું નહીં. તો પ્લાન કરી લો આજે જ આપણી સ્વાદિષ્ટ અને ટ્રેડિશનલ ગુજરાતી દાળ ઢોકળીનો.
શિયાળામાં પ્લાન કરો એકલ દોકલ વાનગીઓ
ગરમાગરમ ગુજરાતી દાળ ઢોકળી આપશે મજા
સ્વાદિષ્ટ અને હેલ્ધી ડિશથી થશે પરિવાર ખુશ
દાળ ઢોકળી એક એવી વાનગી છે જેને એકલી પણ ખાઇ શકાય છે. સાથે તેમાં તુવેરની દાળનો ઉપયોગ થતો હોવાથી તેમાંથી પ્રોટીન પણ પૂરતા પ્રમાણમાં મળી રહે છે. સાથે ઢોકળીમાં વરકાતો ઘઉંનો લોટ પણ તેના ખાસ તત્વો શરીરને આપે છે. માટે આ એક હેલ્ધી ડિશ ગણવામાં આવે છે. ઘરના દરેક સભ્યોને મજા આવશે અને તેઓ હોંશે હોંશે ખાઈ પણ લેશે. બનાવવામાં પણ સરળ રહે છે અને સાથે જ પરિવારના લોકો પણ ખુશ રહે છે.
સૌપ્રથમ એક પ્રેશર કૂકરમાં તેલ ગરમ કરો. ગરમ થાય એટલે તેમાં જીરૂં ઉમેરો. જીરૂં લાલ થાય એટલે તેમાં લવિંગ ઉમેરો. અડધી સેકન્ડ બાદ તેમાં સિંગદાણા ઉમેરીને સાંતળો. સિંગદાણા સંતળાઈ જાય એટલે તેમાં દાળ, મીઠું અને જરૂર પૂરતું પાણી ઉમેરીને કૂકર બંધ કરી દો. દાળને બાફી લો.
દાળ બફાઈ જાય એટલે કૂકરને ઠંડું થવા દો. ઠંડું થાય એટલે ખોલીને પહેલા તેને બરાબર વલોવી લો. હવે સીટી લગાવ્યા વગર કૂકરને બંધ કરીને તેને ચઢવા માટે મૂકો. પંદરેક મિનિટ ચઢવા દો. વચ્ચે-વચ્ચે ચેક કરતા રહેવું કે તેમાં જરૂર પૂરતું પાણી છે કે નહીં. દાળ બરાબર ઘટ્ટ થઈ જાય ત્યાં સુધી ચઢવા દો. તેમાં ઘી ઉમેરીને બરાબર મિક્સ કરવું જેથી ચોંટે નહીં. છેલ્લે કોથમીરથી ગાર્નિશ કરીને સર્વ કરવુ. તૈયાર છે સ્વાદિષ્ટ ગુજરાતી દાળ ઢોકળી.