ભારતમાં કેટલીક એવી જગ્યાઓ છે જ્યાં તમારે 30 વર્ષના થાવ તે પહેલા ફરી લેવું જોઇએ. એ પણ મિત્રો સાથે. આ ઉંમરે તમે આ જગ્યાઓ એક્સપ્લોર કરી હશે તો જિંદગીભર તમને યાદ રહેશે. જે જગ્યાઓ અંગે આજે અહીં વાત થઇ રહી છે તે તેની સુંદરતા અને ભવ્યતા માટે જાણીતી છે. સોલો ટ્રાવેલ્સ માટે તો આ જગ્યાઓ જન્નત સમાન છે.
ગોવા
ગોવા ઘણા લોકો માટે ડ્રીમ પ્લેસથી કમ નથી. આ જગ્યાને યંગ અને એનર્જેટિક માનવામાં આવે છે. અહીંની નાઇટલાઇફ શાનદાર છે. અહીં ઘણા બહેતરીન બીચ છે. આમ તો ગોવા ભારતના બેસ્ટ હોલિડે ડેસ્ટીનેશનમાંથી એક છે. તે તમારી ટ્રિપને પણ યાદગાર બનાવી દેશે. અહીં જવાનો બેસ્ટ ટાઇમ નવેમ્બરથી ફેબ્રુઆરીની વચ્ચે છે.
મેકલોડગંજ
નેચરને નજીકથી જોવાનો અને સમજવાનો મોકો ઇચ્છતા હો તો આ જગ્યા બેસ્ટ છે. મેકલોડગંજ ભારતની સૌથી સુંદર જગ્યાઓમાંથી એક છે. અહીં પર્વતની શ્રૃંખલાનો અદભુત નજારો જોવા મળે છે. આ ઉપરાંત તમે અહીં મિત્રો સાથે તારાઓની નીચે કેમ્પિંગ કરી શકો છો. તેનો આનંદ કંઇક અલગ જ હશે. અહીં જવાનો સૌથી બેસ્ટ ટાઇમ સપ્ટેમ્બરથી જુનની વચ્ચેનો છે.
શ્રીનગર
તમે તમારા ફરવાના લિસ્ટમાં કાશ્મીરને જોડી શકો છો. એવું કહેવાય છે કે દુનિયામા કોઇ જગ્યાએ જન્નત હોય તો તે અહીં જ છે. તેનું આકર્ષણ એવુ છે કે લોકો ખેંચાઇને અહીં આવે છે અને આ અનુભવ ક્યારેય ભુલી શકતા નથી. અહીં જવાનો બેસ્ટ ટાઇમ એપ્રિલથી ઓક્ટોબર સુધીનો છે.
આંદામાન
તમને પાણીથી ડર લાગે છે. ક્યારેય સ્વીમિંગ નથી કર્યુ. તો આજ મોકો છે ડર દુર ભગાવવાનો, આંદામાનના સમુદ્રમા તરવાનો. બોલિવુડની ઘણી ફિલ્મોનું શુટિંગ પણ અહીં થયુ છે. તો જિંદગી ના મિલેગી દુબારા સ્ટાઇલમાં માણી લો આંદામાનને. અહીં જવાનો બેસ્ટ ટાઇમ નવેમ્બરથી મે મહિનાનો છે.
લેહ-લદાખ
લેહ લદ્દાખ લગભગ દરેક ટ્રાવેલરના લિસ્ટમાં હોય છે. આ ઘણા લોકોનું ડ્રીમ પ્લેસ છે. ધીમી ધીમી હવાઓ સાથે બાઇક ચલાવવુ, લોકલ લોકો સાથે સમય વિતાવવો, ટ્રેકિંગ પર જવુ અને એડવેન્ચરસ જર્નીમાં પહાડો પર સ્વતંત્ર હોવાનુ શીખવુ તમને સૌથી અલગ અનુભવ આપશે. એપ્રિલથી મેનો સમય અને સપ્ટેમ્બરથી ઓક્ટોબરનો સમય અહીં આવવા માટે બેસ્ટ છે.
બિનસર
જંગલ, હાઇટ, વાઇલ્ડલાઇફ અને શાંતિ જો તમને પસંદ હોય તો બિનસર પહોંચવાથી સારુ કંઇ નથી. અલ્મોડાના કુમાઉંની રીજનમાં બિનસર ભારતના ઉભરતા ટુરિસ્ટ ડેસ્ટીનેશન્સમાંથી એક છે. ઓક્ટોબરથી નવેમ્બરનો સમય અહીં જવા માટે બેસ્ટ છે.
કુર્ગ
જો ભારતની બેસ્ટ અને સેફ જગ્યાઓ જોવી હોય તો કુર્ગને ભુલશો નહીં. બેંગલુરુથી ઘણા બધા લોકો નાનકડા વેકેશન માટે અહીં પહોંચે છે. મંત્રમુગ્ધ કરી દેતુ કર્ણાટકનું આ હિલસ્ટેશન અત્યંત સુંદર છે. અહીં જઇને તમે તમારો થાક પણ દુર કરી શકશો. જબરજસ્ત પોઝિટિવ ફિલિંગ્સ આવશે. અહીં જવાનો બેસ્ટ ટાઇમ ઓક્ટોબરથી માર્ચ છે.