તમારા કામનું / સરકારની મોટી જાહેરાત, જાણીને આજે જ FASTag લગાવી લેશો, 1 માર્ચ છેલ્લી તારીખ

• 770 ટોલ પ્લાઝા પર 1 માર્ચ સુધી RFID ટેગ મફત
• NHAIએ ફ્રી ફાસ્ટેગ આપવાનો કાર્યક્રમ શરુ કર્યો 
• my FASTag App લોન્ચ કરવામાં આવી છે

ડિજિટલ ઈન્ડિયા અભિયાનને આગળ ધપાવવા માટે ફ્રી ફાસ્ટેગ

NHAIએ તેનાં એક ટ્વીટમાં કહ્યું કે દેશમાં દરેક 770 ટોલ પ્લાઝા પર એનઈટીસી પ્રોગ્રામ અંતર્ગત 1 માર્ચ 2021 સુધી ફાસ્ટેગને ફ્રીમાં ઉપલબ્ધ કરાવવામાં આવશે. NHAIએ બધા વાહનો ચાલકોને અનુરોધ કર્યો છે કે તે તુરંત આ ટોલ પ્લાઝાથી ફ્રીમાં પોતાનું ફાસ્ટેગ પ્રાપ્ત કરી લે. ડિજિટલ ઈન્ડિયા અભિયાનને આગળ ધપાવવા માટે નેશનલ હાઇવે ઓથોરિટી ઓફ ઈન્ડિયાએ વાહન ચાલકોને ફ્રીમાં ફાસ્ટેગ આપવાનો કાર્યક્રમ શરુ કર્યો છે. જે અંતર્ગત દેશભરમાં એનએચએઆઈનાં 770 ટોલ પ્લાઝા પર એક માર્ચ સુધી આરએફઆઈડી ટેગ મફતમાં આપવામાં આવશે. આ ટેગ ટોલ પ્લાઝા પર ટોલ ફી ઈલેક્ટ્રોનિક રીતે કરવામાં મદદ કરે છે.

Free FASTag is available till 1st March 2021 at about 770 Toll Plazas under NETC program.

Get Your FASTag Now! #FASTag #NHAI #FASTagZarooriHai pic.twitter.com/H9EYtchyFO

— NHAI (@NHAI_Official) February 18, 2021

100 કરોડનો ટોલ ટેક્સ હાંસલ કર્યો

NHAIએ તે પણ જણાવ્યુ છે કે, પૂરા દેશમાં નેશનલ હાઇવે ફી પ્લાઝા પર 100 ટકા કેશલેસનો લક્ષ્ય સફળતાપૂર્વક હાંસલ કરી લીધો છે. NHAIએ એક અન્ય ટ્વીટમાં જણાવ્યું કે ફાસ્ટેગ દ્વારા ટોલ કનેક્શન ફક્ત ચાર દિવસમાં 23.3 ટકા વધ્યુ છે અને 19 ફેબ્રુઆરીએ ફાસ્ટેગ દ્વારા ટોલ કલેક્શને 100 કરોડ રુપિયાનો આંકડો હાંસલ કરી લીધો છે. કુલ ટ્રાન્ઝેક્શનની સંખ્યા પણ હવે રોજની 63 લાખથી વધારે થઈ ગઈ છે.

Toll collection through FASTag sees a jump of 23.2% in just 4 days crossing Rs 100 Cr mark on 19th Feb.
Total no. of transaction crosses 63 lakh.#NHAI #FASTagZarooriHai #FASTag pic.twitter.com/u8M9TyFELx

— NHAI (@NHAI_Official) February 20, 2021

ઘણાં ઓનલાઇન પ્લેટફોર્મ પરથી પણ રિચાર્જ કરી શકાય

NHAIએ ફાસ્ટેગને રિચાર્જ કરવા માટે દેશભરમાં 40,000થી વધારે બૂથ બનાવ્યા છે. તે ઉપરાંત તેને ઘણાં ઓનલાઇન પ્લેટફોર્મ્સ પરથી પણ રિચાર્જ કરી શકાય છે. જેને SBI,ICICI,HDFC બેન્ક, એક્સિસ બેન્ક, પેટીએમ દ્વારા પણ ફાસ્ટેગ ખરીદી શકો છો. હાઇવે પર ચાલતા લોકો માટે my FASTag App લોન્ચ કરવામાં આવી છે. જેના દ્વારા યૂઝર્સ પેતાનુ ફાસ્ટેગ બેલેન્સ પણ ચેક કરી શકે છે. 

મિનિમમ બેલેન્સની લિમિટ સમાપ્ત કરી દેવાઈ 

ફાસ્ટેગ વોલેટમાં હવે ઓછામાં ઓછું બેલેન્સ રાખવાની લિમિટ સમાપ્ત કરી દેવામાં આવી છે. જો ફાસ્ટેગ વોલેટનું બેલેન્સ નોન-નેગેટિવ છે તો યૂઝર્સને ટોલ પ્લાઝા પર રોકવામાં નહીં આવે. NHAI અધિકારીઓએ જણાવ્યું કે ટોલ પ્લાઝા પર જો કોઈ ટેકનિકલ ખામી આવે તો ફાસ્ટેગ યૂઝર્સને ટોલ પ્લાઝા પર કોઈ ફી આપ્યા વગર નીકળી શકાશે.