ક્રિકેટ / UAEના નવા નિયમ પ્રમાણે કરોડો કમાતા IPLના ખેલાડીઓની આવક ઉપર 'કાતર ફેરવાશે'

ટૂર્નામેન્ટની શરૂઆત UAEના કડક નિયમો વચ્ચે થઈ ગઈ છે. આ સિઝનમાં કોઈ પણ ટીમને ઓછી આંકી શકાય તેમ નથી, કારણ કે દરેક ટીમ સારું પ્રદર્શન કરી રહી છે. કોરોનાને કારણે લાંબા સમયગાળા બાદ ખેલાડી IPLમાં જોરદાર તૈયારી સાથે મેદાનમાં ઊતર્યા છે, પરંતુ હવે ખેલાડીઓએ એક ચિંતા સતાવી રહી છે. એ ચિંતા છે સેલેરીમાં કાપ મુકાવાની.

UAEમાં વેટના નિયમનો મુદ્દો એક સમસ્યા બનીને સામે આવ્યો

ખાલી સ્ટેડિયમમાં રમાઈ રહેલી મેચોમાં ફ્રેંચાઇઝી અને BCCIને અગાઉથી જ મોટું નુકસાન થઈ રહ્યું છે. હવે UAEમાં વેટના નિયમનો મુદ્દો એક સમસ્યા બનીને સામે આવ્યો છે. વેટના નિયમ અનુસાર સંયુક્ત આરબ અમિરાતમાં દરેક સર્વિસ પર ટેક્સ લાગે છે. આ નિયમ ૨૦૧૮માં લાગુ કરવામાં આવ્યો છે. આ પહેલાં જ્યારે ૨૦૧૪માં IPLનું આયોજન યુએઈમાં કરાયું હતું ત્યારે આવો કોઈ નિયમ નહોતો. હવે નવા નિયમ પ્રમાણે IPLમાં રમી રહેલા ખેલાડીઓના વેતન પર પણ વેટ લાગશે.

એઈમાં આઇપીએલ દર્શકો વિના- ખાલી સ્ટેડિયમમાં રમાઈ રહી છે

ફ્રેંચાઇઝીઓને આ નવા નિયમ અંગેની કોઈ જાણકારી નહોતી. કિંગ્સ ઈલેવન પંજાબના CEO તુલ્સી ગુપ્તાએ જણાવ્યું, ''હાલમાં તો ખેલાડીઓનાં વેતન પર કોઈ કાપ નહીં મુકાય. જો નિયમ લાગુ થતો હશે તો ફક્ત ખેલાડીઓનાં વેતન જ નહીં, બલકે મતાધિકારની કમાણીને પણ પ્રભાવિત કરશે.'' જોકે BCCI અને દુબઈ ક્રિકેટ બોર્ડે હજુ સુધી આ મામલા પર કોઈ ટિપ્પણી કરી નથી. ઉલ્લેખનીય છે કે કોરોનાને કારણે દુનિયાભરનાં ક્રિકેટ બોર્ડને કરોડો રૂપિયાનું નુકસાન થઈ ચૂક્યું છે. હાલ UAEમાં આઇપીએલ દર્શકો વિના- ખાલી સ્ટેડિયમમાં રમાઈ રહી છે.