OMG! / ચાર કરોડ રૂપિયામાં વેચાઈ રહ્યો છે પિત્ઝાનો એક ટુકડો! આખરે એવું તો શું ખાસ છે આમાં?

• એક ખાધેલ પિત્ઝાના ટુકડાની હરાજી કરવામાં આવી છે
• આ પિત્ઝાની કિંમત જાણીને તમે ચોંકી જશો
• ચર્ચાનો વિષય બની ગઈ આ પિત્ઝાની સ્લાઈસ

હરાજીથી લોકોને કેવી રીતે બેવકૂફ બનાવવામાં આવે છે, તે વાતથી કોઈ અજાણ નથી. અનેક અજીબોગરીબ વસ્તુઓની હરાજી કરવામાં આવી છે. થોડા સમય પહેલા ‘આયર્ન મેન’ હોલીવુડ સ્ટાર રોબર્ટ ડાઉની જૂનિયરની ચાવેલી ચિંગમની હરાજી કરવામાં આવી હતી. હરાજીમાં આ ચિંગમ 33 લાખમાં વેચાઈ હતી. હવે એક ખાધેલ પિત્ઝાના ટુકડાની હરાજી કરવામાં આવતા આ બાબત ચર્ચાનો વિષય બની ગઈ છે, જેની કિંમત સાંભળીને તમે ચોંકી જશો. 

અમેરિકામાં લિલ યાચી નામનો રૈપર છે, જેઓ આ ખાધેલા પિત્ઝાના ટુકડાને 5 લાખ ડોલર (4 કરોડ રૂપિયા)માં વેચવા માંગે છે. તમે વિચારી રહ્યા હશો કે, હજાર રૂપિયામાં અદભુત ટોપિંગ સાથે પિત્ઝા ખરીદી શકાય છે. તો પછી કોઈ વ્યક્તિ આ ખાધેલા પિત્ઝાના આટલા પૈસા શા માટે આપશે? યાચીએ દાવો કર્યો છે કે, હિપ-હોપ આઈકન ઓબ્રે ડ્રેક ગ્રાહમે આ પિત્ઝા ખાધો હતો. ફેન્સ આ વ્યક્તિને ડ્રેક તરીકે ઓળખે છે. યાચીએ ઈન્સ્ટા સ્ટોરીમાં ખાધેલા પિત્ઝાની સ્લાઈસનો ફોટો શેર કર્યો હતો અને લખ્યું હતું કે, ‘ડ્રેકે ખાધેલ આ સ્લાઈસને 5 લાખ ડોલરમાં વેચવાની છે.’

4 કરોડ રૂપિયાના પિત્ઝાની સ્લાઈસ
રૈપર યાચી ડ્રેકના અંગત વ્યક્તિ છે અને ઘણા સમયથી તેમની સાથે જોડાયેલ છે. તેમણે આ ફોટો સોશિયલ મીડિયા પર શેર કરીને હરાજીની વાત કરતા ટોરંટો રૈપર ડ્રેકને પણ ટ્રોલ કરવામાં આવ્યો હતો.

Lil Yachty is selling a slice of pizza bitten by Drake for $500,000 😂 pic.twitter.com/D8lmOn3nF1

— Daily Loud (@DailyLoud) June 5, 2023

‘આ પિત્ઝા ખાવાથી અમર થવાય છે કે શું?’
એક સોશિયલ મીડિયા યૂઝરે આ પોસ્ટ પર કમેન્ટ કરી છે કે, ‘હવે ડ્રેકના પૂને પણ વેચજો... એક મિલિયન ડોલર તો મળી જ જશે.’ અન્ય યૂઝરે કમેન્ટ કરી છે કે, ‘આ ખાઈને અમર થઈ જવાશે?’ તો બીજા યૂઝરે કમેન્ટ કરી છે કે, ‘મને વિશ્વાસ છે કે, કોઈ બેવકૂફે આ પિત્ઝા ખરીદી પણ લીધો હશે.’