લ્યો બોલો / ગજબ! આ દેશમાં વિદેશમાંથી પિત્ઝા મંગાવીને ખાય છે લોકો, ઓર્ડર બાદ જાણો કેવી રીતે કરાય છે ડિલીવરી

• આ દેશમાં લોકો વિદેશમાંથી કેમ મંગાવે છે પિત્ઝા?
• દિવસમાં પિત્ઝા ખાવા માટે રાત્રે ઓર્ડર આપવો પડે છે
• ઓર્ડર આપ્યાં બાદ ફ્લાઈટથી થાય છે ડિલીવરી 

ઈંગ્લેન્ડમાંથી મંગાવવામાં આવે છે પિત્ઝા

આજે અમે તમને જણાવવા જઇ રહ્યાં છે, એવા દેશના લોકો વિશે જે વિદેશમાંથી પિત્ઝા મંગાવીને ખાય છે. નાઈઝીરિયામાં રહેતા લોકો પોતાના દેશને છોડીને ઈંગ્લેન્ડમાંથી પિત્ઝા મંગાવીને ખાય છે. મીડિયા રિપોર્ટસ મુજબ, નાઈઝીરિયાના કૃષિ મંત્રીએ જાણકારી આપી છે કે નાઈઝીરિયાના ધનવાન લોકો ઈંગ્લેન્ડમાંથી પિત્ઝા મંગાવે છે.

રાત્રે કરવો પડે છે ઓર્ડર 

લોકોને વિદેશમાંથી પિત્ઝા મંગાવનારા સમાચાર સાંભળીને આશ્ચર્ય થઇ રહ્યું છે. પરંતુ શું તમે જાણો છો કે અહીં દિવસમાં પિત્ઝા ખાવા માટે રાત્રે ઓર્ડર આપવો પડે છે. ત્યારબાદ પિત્ઝા  બનાવીને સારી રીતે પેક કરીને બ્રિટીશ એરવેઝ દ્વારા નાઈઝીરીયા મોકલી દેવામાં આવે છે. ત્યારબાદ સવારે એરપોર્ટ આવ્યાં બાદ એડ્રેસના હિસાબ પ્રમાણે ડિલીવરી કરવામાં આવે છે. લોકોના શોખના નામ પર 6440 કિલોમીટર દૂરથી પિત્ઝા મંગાવવા બધાને હેરાન કરી રહ્યાં છે.

લોકલ શોપ્સને થયુ છે નુકસાન

વિદેશમાંથી પિત્ઝા ઓર્ડર કરીને મંગાવવાને કારણે નાઈઝીરીયાના લોકલ પિત્ઝા વેન્ડર્સને ભારે નુકસાનનો સામનો કરવો પડી રહ્યો છે. અનેક લોકલ વેન્ડર્સે નાઈઝીરીયાની સરકાર પાસે આવા ઓર્ડર પર પ્રતિબંધ લગાવવાની માંગ કરવામાં આવી છે. ઉલ્લેખનીય છે કે, કૃષિ મંત્રીએ તેના માટે સરકારને દરખાસ્ત પણ આપી છે.