કેન્દ્રીય મંત્રી પીયૂષ ગોયલના ઘરમાં કામ કરનારા એક નોકરે તેમના મુંબઈના ઘરમાં ચોરી કરી હતી જેને દિલ્હીથી ગામદેવી પોલીસે પકડી પાડ્યો છે. નોકરે તેના 3 સાગરિતોને કેટલાક દસ્તાવેજ મેલ કર્યા હોવાનું પણ પોલીસ તપાસમાં જાણવા મળ્યું છે.
મુંબઈમાં રેલમંત્રી પીયૂષ ગોયલના ઘરમાં થઈ ચોરી
રેલ અને નાણામંત્રાલય સાથે જોડાયેલા દસ્તાવેજ લીક થયાનો આક્ષેપ
નોકરે કરી ચોરી, પોલીસે કર્યો નોકરને ગિરફતાર
નોકર પાસેથી મળ્યા કેટલાક દસ્તાવેજ
કેન્દ્રીય મંત્રી પીયૂષ ગોયલના ઘરમાં કામ કરનારા એક નોકરે તેમના મુંબઈના ઘરમાં ચોરી કરી. તેને દિલ્હીથી પકડી લેવામાં આવ્યો છે. ચોરીની FIR મુંબઈના ગામદેવી પોલીસ સ્ટેશનમાં કરવામાં આવી હતી. પીયૂષ ગોયલના ઘરમાંથી ચોરી થયેલા કેટલાક દસ્તાવેજ પણ આ યુવક પાસેથી મળ્યા હતા.
Mumbai: Police has arrested a man, Vishnu Kumar Vishwakarma, accused of committing theft on May 16 at the residence of Union Minister Piyush Goyal. The accused is in judicial custody now. #Maharashtra (file pic) pic.twitter.com/P6DvrYlJAl
પોલીસને આરોપી પાસેથી મળેલા ફોનમાં રેલવે અને નાણામંત્રાલય સાથે જોડાયેલા કેટલાક જરૂરી દસ્તાવેજ મળ્યા છે. તેણે આ દસ્તાવેજ 3 અલગ અલગ આઈડી પર ઈમેલ કર્યા છે. પોલીસનને શંકા છે કે આરોપી કેટલાક લોકોને મહત્વની સૂચનાઓ આપી રહ્યો હતો.
શું છે કેસ?
આખો કિસ્સો ત્યારે સામે આવ્યો જ્યારે છેલ્લા મહિને પીયૂષ ગોયલના પરિવારને ઘરમાં કેટલાક ચાંદીના અને પિત્તળના વાસણો મળ્યા નહીં. ઘટના 16-18 સપ્ટેમ્બરની વચ્ચેની છે. ત્યારબાદ વિશ્વકર્મા વિરુદ્ધ ગામદેવી પોલીસ સ્ટેશનમાં FIR નોંધવામાં આવી હતી.
આરોપીના સાથીઓની તપાસ શરૂ
આરોપીનું નામ વિષ્ણુકુમાર વિશ્વકર્મા છે. આરોપીની ઉંમર 28 વર્ષની છે. આરોપી છેલ્લા 3 વર્ષોથી કેન્દ્રીય મંત્રીના ઘરે કામ કરી રહ્યો હતો. આરોપીના ફોનને સાઈબર સેલમાં મોકલવામાં આવ્યો છે. સાથે જ પોલિસ ડિલિટ કરેલા મેલની રિકવરીની કોશિશ કરી રહી છે. સાથે આરોપીના સાથીઓની તપાસ પણ ચાલુ છે.