પ્રતિક્રિયા / PM મોદીની ઑક્સિજનની થિયરી પર રાહુલ ગાંધીના કટાક્ષથી ભડક્યાં મંત્રી, આપ્યો આ જવાબ

રાહુલ ગાંધીએ શુક્રવારે ટ્વીટ કરીને વડાપ્રધાન મોદીનો એક વીડિયો શેર કર્યો છે. રાહુલે PM મોદીની કંપનીના ટોચના અધિકારી સાથેની વાતચીતનો એક વીડિયો શેર કર્યો છે. કેન્દ્રીય રેલ્વે મંત્રી પિયુષ ગોયલે રાહુલ ગાંધીના આ નિવેદનનો જવાબ આપ્યો છે.

રાહુલ ગાંધીએ શુક્રવારે પોતાના ટ્વિટમાં લખ્યું, "ભારત માટે અસલી ખતરો એ નથી કે આપણા વડાપ્રધાનમાં સમજણ નથી. વાસ્તવિકતા એ છે કે તેમની આસપાસના કોઈ પણ વ્યક્તિને તેમને આ કહેવાની હિંમત નથી."

The real danger to India isn’t that our PM doesn’t understand.

It’s the fact that nobody around him has the guts to tell him. pic.twitter.com/ppUeBeGwpk

— Rahul Gandhi (@RahulGandhi) October 9, 2020

કેન્દ્રીય રેલ્વે મંત્રી પિયુષ ગોયલે રાહુલ ગાંધીની આ ટિપ્પણીનો જવાબ આપ્યો છે. ગોયલે કહ્યું કે, "રાહુલ ગાંધીની આસપાસના કોઈની પાસે એટલી હિંમત નથી કે તેમને કહી શકે કે રાહુલ ગાંધીને કશું જ સમજાતું નથી. જ્યારે વિશ્વની અગ્રણી કંપનીના CEOએ વડા પ્રધાન નરેન્દ્ર મોદીના વિચારને સમર્થન આપ્યું છે, ત્યારે તેઓ તેની મજાક ઉડાવી રહ્યા છે."

Nobody around Rahul Gandhi has the guts to tell him that he doesn’t understand. He mocks PM @NarendraModi’s ideas when CEO of the world’s leading company endorses themhttps://t.co/XR0bqv4wSd https://t.co/KnuymPTcut

— Piyush Goyal (@PiyushGoyal) October 9, 2020

હકીકતમાં વડાપ્રધાન નરેન્દ્ર મોદીએ તાજેતરમાં પવન ઉર્જાની ભાવિ સંભાવનાઓ અંગે એક કંપનીના CEO સાથે વાતચીત કરી હતી. આ વીડિયોમાં PM મોદીએ પૂછ્યું હતું કે જો તમારા ટર્બાઇન વધુ ભેજ હોય એવી હવામાંથી પાણી શોષી શકે છે અને શુધ્ધ પાણી ઉત્પન્ન કરી શકે તો ગામડાઓના પીવાના પાણીની સમસ્યાને હલ કરી શકાય. આ ઉપરાંત હવામાંથી સીધો ઓક્સિજન કાઢી શકાય તો ઓક્સિજનનું ઉત્પાદન કરી શકાય. અમે એવું સૂચન કરીએ છીએ કે આ મુદ્દે વૈજ્ઞાનિક ધોરણે રીસર્ચ કરવામાં આવે.