નિવેદન / કોંગ્રેસના હોબાળા બાદ ભાજપના પ્રહાર, પીયૂષ ગોયલે કહ્યું- ઇલેક્ટોરલ બોન્ડથી ઓછો થયો ભ્રષ્ટાચાર

• પીયૂષ ગોયલે કહ્યું- શેલ કંપનીઓ પર મોદી સરકારે પ્રહાર કર્યો
• દાન પહેલા રોકડમાં આપવામાં આવતું હતું, હવે આ નેતાઓને તકલીફ થઇ રહી છે

રેલવે મંત્રીએ કહ્યું કે, કોંગ્રેસ વર્ષોથી ભ્રષ્ટાચારમાં લપેટાઇ છે. કોંગ્રેસના વરિષ્ઠ નેતાઓને ત્યાં ઇલેક્શન કમીશને કરોડો રૂપિયા ઝપ્ત કર્યા જ્યારે ભાજપે કાળાનાણાં પર પ્રહાર કર્યા. મોદી સરકારે 2 હજારથી ઉપર કેશના રૂપમાં દાન લેવાનું કામ બંધ કર્યું. ચૂંટણી દરમિયાન દાન પહેલા કેશમાં દેવામાં આવતું હતું. હવે આ નેતાઓને તકલીફ થઇ રહી છે.

પીયૂષ ગોયલે કહ્યું કે શેલ કંપનીઓ પર મોદી સરકાર પ્રહાર કર્યા છે. કેટલીક કંપનીઓ બંધ થઇ ગઇ છે. રિઝર્વ બેંક અને ઇલેક્શન કમીશનથી કેન્દ્ર સરકારે ચર્ચા કરી અને આ સ્કીમ લાગૂ કરવામાં આવી. એ નક્કી કરાયું છે કે આ બોન્ડનો ખોટો ઉપયોગ ન થાય. વિપક્ષે સવાલ ઉઠાવ્યા છે કે વચમાં બોન્ડ્સ શા માટે ખોલવામાં આવી. તેનો જવાબ એછે કે એસેંબલી ઇલેક્શન વારંવાર આવે છે, તેના માટે આ બોન્ડ્સને ખોલવાની પ્રક્રિયા થઇ.

અત્રે ઉલ્લેખનીય છે કે, લોકસભામાં આજે કોંગ્રેસ સાંસદ મનીષ તિવારીએ શૂન્યકાળમાં ઇલેક્ટોરલ બોન્ડનો મુદ્દો ઉઠાવ્યો. તેમણે કહ્યું કે ઇલેક્ટોરલ બોન્ડ (Electoral Bond) જાહેર કરવાને કારણે સરકારી ભ્રષ્ટાચારને સ્વીકૃતી આપી દીધી. રાજ્યસભામાં પણ ઇલેક્ટોરલ બોન્ડના મુદ્દા પર કોંગ્રેસ સાંસદો અને અન્ય વિપક્ષી પાર્ટીઓએ હોબાળો મચાવ્યો. ઇલેક્ટોરલ બોન્ડનો મુદ્દો ઉઠાવતા ઉપલા ગૃહથી કોંગ્રેસે વોકઆઉટ કર્યો, જે બાદ રાજ્યસભાની કાર્યવાહી 12 વાગ્યા સુધી સ્થગિત કરવી પડી. 

શું છે ઇલેક્ટોરલ બોન્ડ?

ઇલેક્ટોરલ બોન્ડ યોજનાને કેન્દ્ર સરકારે 2018માં જાહેર કરી હતી. લોકપ્રતિનિધિત્વ કાયદા 1951ની કલમ 29-A હેઠળ આવા રાજકીય દળો જેમને છેલ્લી સામાન્ય ચૂંટણી અથવા રાજ્યના વિધાનસભાની ચૂંટણીમાં એક ટકા અથવા તેનાથી વધુ મત મળ્યા છે, ઇલેક્ટોરલ બોન્ડ પ્રાવત કરવા પાત્ર હોય છે. આ બોન્ડ 15 દિવસ માટે માન્ય હોય છે અને પાત્ર રાજકીય પક્ષ આ અવધિમાં કોઇ અધિકૃત બેંકમાં બેંક ખાતા દ્વારા તેની ચૂકવી શકે છે.

કોંગ્રેસે સંસદમાં કહ્યું સત્તાપક્ષને કંપનીઓ ઈલેક્ટોરલ બોન્ડથી ફંડ આપશે અર્થાત્ રાજનીતિ પણ ચલાવશે