ભારત અને દક્ષિણ આફ્રિકાની વચ્ચે મોહાલીના મેદાન પર રમવામાં આવેલી બીજી ટી 20 મેચ દરમિયાન સુરક્ષાબળમાં ચૂકનો મામલો સામે આવ્યો છે. જ્યારે વિરાટ કોહલી બેટિંગ કરી રહ્યો હતો ત્યારે મેચ દરમિયાન જ ત્રણ યુવક મેદાનની વચ્ચે વિરાટ કોહલી પાસે પહોંચી ગયા હતા.
મોહાલીમાં મેચ દરમિયાન ટીમ ઇન્ડિયાની સુરક્ષામાં ચૂક
કેટલાક યુવાન મેદાન પર સુરક્ષાકર્મીઓને ચકમો આપીને વિરાટની નજીક ફોટો પડાવવા માટે પહોંચી ગયા
સુરક્ષાકર્મીઓને આ યુવકોને મેદાનથી બહાર કરવા માટે ખૂબ મહેનત કરવી પડી
મળતી માહિતી અનુસાર જ્યારે વિરાટ કોહલી ક્રીઝ પર હાજર હતો. ત્યારે કેટલાક યુવાન મેદાન પર સુરક્ષાકર્મીઓને ચકમો આપીને વિરાટની નજીક ફોટો પડાવવા માટે પહોંચી ગયા. પહેલા એક યુવક મેદાનમાં પહોંચ્યો પછી એને જોઇને બીજા બે યુવક મેદાનમાં ઘૂસી ગયા. આ કારણથી મેચને થોડીક વાર સુધી રોકવી પડી હતી. ત્યાં હાજર સુરક્ષાકર્મીઓને આ યુવકોને મેદાનથી બહાર કરવા માટે ખૂબ મહેનત કરવી પડી.
મળતી માહિતી અનુસાર મેચ પહેલા જ ચંડીગઢ પોલીસે ભારતીય ટીમને સુરક્ષા પૂરી પાડવા માટે ના પાડી દીધી હતી. ચંડીગઢ પોલીસે બીસીસીઆઇ પાસેથી 9 કરોડ રૂપિયા ના મળવાના કારણે આ પગલું ભર્યું હતું. બીસીસીઆિને ચંડીગઢ પોલીસની પાસે 9 કરોડની રાશિ જમા કરાવવાની હતી, પરંતુ આવું નહીં થવાના કારણે ચંડીગઢ પોલીસે આ સ્ટેપ ભર્યું.
નોંધનીય છે કે ટીમ ઇન્ડિયાએ મોહાલીમાં રમાયેલી મેચમાં દક્ષિણ આફ્રિકાની ટીમને સાત વિકેટથી હરાવી દીધી હતી. વિરાટ કોહલી નોટઆઉટ 72 રનની ઇનિંન્ગ રમી અને ટી 20માં સૌથી વધારે રન બનાવનાર પહેલો બેટ્સમેન બની ગયો હતો. ભારતીય ટીમે દક્ષિણ આફ્રિકા ટીમને પોતાની જમીન પર ટી 20માં પહેલી વખત હરાવી હતી.
વિરાટ કોહલીએ 72 રનની પોતાની ઇનિંન્ગમાં એને ચાર ચોગ્ગા અને ત્રણ છગ્ગા ફટકાર્યા હતા. વિરાટે દક્ષિણ આફ્રિકાની વિરુદ્ધ આ મેચમાં રોહિત શર્માના બે રેકોર્ડ તોડી નાંખ્યા. વિરાટે અત્યાર સુધી ટેસ્ટ અને વન ડે ક્રિકેટમાં 50 થી વધારેની સરેરાશથી રન બનાવ્યા હતા, પરંતુ આ મેચમાં 72 રનની નોટઆઉટ ઇનિંન્ગ રમ્યા બાદ વિરાટ કોહલીની ટી-20 સરેરાશ પણ 50ની પાર પહોંચી ગયું. આ મામલે પણ એ દુનિયાનો પહેલો બેટ્સમેન છે.